என்டர் தட்டா கவிதைகள்

என் ஆணவத்தை
அடக்குகிறது
உன் மௌனம்

2)உன் முகம்
நாணத்தால் சிவக்கையில்
பிறக்கின்றன ஆயிரம் கவிதைகள்

3)முதலும் முடிவும் தெரியா
சிக்கல் விழுந்த நூல்கண்டு
வாழ்க்கை

4) நிர்வாணமாய்
நின்று கொண்டிருக்கின்றன
இலையுதிர்கால மரங்கள்

5)நிமிடத்திற்கு நிமிடம்
உரு மாற்றிக்கொள்ளும்
பச்சோந்தி மேகங்கள்

6)முதியோர் இல்லத்தில் தாயிடம்
விடைபெறுகையில்
பார்த்துப் போ என்கிறாள்

7) தாங்க இயலா வேதனை
துக்கம்
உடல்வலி
மனவலி
அனைத்தும் போக்கும்
மந்திரச் சொல்
அம்மா.