அரிசியில் உன் பெயர்

நீ

உண்ணும் அரிசியில்

உன் பெயர் எழுதி இருக்கும்

என்றார் அப்பா

அப்போ

எறும்பு இழுத்துப் போகும்

இரையில்

அதன் பெயர் இருக்குமா


2)நாளை

வெளியில் வேலையிருக்கு

மழை வரும்னு சொல்லாதீங்க

ஆணையிடுகிறாள் இல்லாள்

வானிலை அறிக்கை

அதிகாரியிடம்


3)நீ

பார்த்துவிட்டுப் போன

என் வீட்டுக் கண்ணாடி

இப்போதெல்லாம்

என் முகம் காட்டுவதில்லை


4)என் உயிர் உன்னிடம்

என்ற பாடல்

தேநீர்க் கடையில்

ஒலித்துக் கொண்டிருக்க

ரசித்துக் கொண்டிருக்கிறான்

உயிரில்லாமல்