Showing posts with label விஜய்காந்த்...- தே.மு.தி.க. Show all posts
Showing posts with label விஜய்காந்த்...- தே.மு.தி.க. Show all posts
Saturday, October 27, 2012
நிருபர்களை நாய் எனத் திட்டிய விஜய்காந்த்...
சென்னை விமான நிலையத்திற்கு வந்த தே.மு.தி.க. தலைவர்கள் விஜயகாந்த், நிருபர்களை கெட்டவார்த்தைகளால் திட்டிய சம்பவம் பெரும் பரபரப்பை ஏற்படுத்தியுள்ளது.
மதுரை மத்திய தொகுதி தே.மு.தி.க எம்.எல்.ஏ. ஆர்.சுந்தரராஜன், திட்டக்குடி தே.மு.தி.க எம்.எல்.ஏ. தமிழ்அழகன் ஆகியோர் நேற்று முதல்வர் ஜெயலலிதாவை சந்தித்து, தொகுதி பிரச்சனை குறித்து கோரிக்கை வைத்தனர்.
இந்த நிலையில் ராதாபுரம் தே.மு.தி.க. எம்.எல்.ஏ. மைக்கேல் ராயப்பன், பேராவூரணி தே.மு.தி.க. எம்.எல்.ஏ. நடிகர் அருண்பாண்டியன் ஆகியோர் கோட்டையில் இன்று முதல்வர் ஜெயலலிதாவை சந்தித்து பேசினர்.
ஜெயலலிதாவுடன் சந்திப்பை தொடர்ந்து தே.மு.தி.க. எம்.எல்.ஏ.க்கள் 4 பேரும் அ.தி.மு.க.வில் இணைய போகிறார்கள் என்று அரசியல் வட்டாரத்தில் பரபரப்பாக பேசப்பட்டு வருகிறது.
இந்த நிலையில் மதுரை செல்வதற்காக சென்னை விமான நிலையத்திற்கு மனைவி பிரேம லதாவுடன் தே.மு.தி.க. தலைவர் விஜயகாந்த் இன்று காலை வந்தார்.
அப்போது, தினகரன் நிருபர் பாலு, விஜயகாந்திடம் ரெக்கார்டு மைக்கை நீட்டினார். இதனால் ஆத்திரம் அடைந்த விஜயகாந்த் அந்த நிருபரை சரமாரியாக கெட்ட வார்த்தைகளால் திட்டினார்.
பின்னர், கூடியிருந்த நிருபர்களை பார்த்து, சொல்லுங்க சார் என்று விஜயகாந்த் கூறியதும், முதல்வர் ஜெயலலிதாவை தே.மு.தி.க. எம்.எல்.ஏ.க்கள் சந்தித்து பேசியது குறித்து நிருபர்கள் கேள்வி கேட்டனர்.
இதற்கு பதில் அளிக்காத விஜயகாந்த், மின்சாரம், டெங்கு பத்தி பேசுவோம் என்று கூறினார். அப்போது, சூரிய மின்சக்தி மூலம் 3000 ஆயிரம் மெகாவாட் மின்சாரம் தயாரிக்கப்படும் என்று முதல்வர் அறிவித்துள்ளாரே என்று ஒரு நிருபர் பதில் அளித்தார்.
இதனால் மேலும் ஆத்திரம் அடைந்த விஜயகாந்த், அந்த அம்மாவிடம் போய் கேளுடா என்று கோபமாக பேசிவிட்டு மனைவியுடன் நடந்து சென்றார்.
நிருபர்கள் பின் தொடர்ந்து சென்று கேள்வி கேட்க முயன்றால் ஆத்திரத்தின் உச்சிக்கே சென்ற விஜயகாந்த், நாய்... நாய்... என்று நிருபர்களை திட்டிவிட்டு விமான நிலையத்திற்குள் விஜயகாந்த் சென்று விட்டார்.
(வெப் துனியா)
டிஸ்கி- தி மு க விற்கு பிரதான எதிர்க்கட்சி ஆகும் வாய்ப்புகள் பிரகாசமாய் உள்ளது
Subscribe to:
Posts (Atom)