Sunday, October 28, 2018

அடுத்தவீட்டு ஜன்னல் - 3 (பகுதி-2)



நாடகங்கள் மீது தணியாத மோகம் கொண்டவர் வரதராஜன்

1994ல் யுனைடெட் விசுவல்ஸ் எனும் குழுவினைத் தொடங்கி கிட்டத்தட்ட 20 நாடகங்களைத் தயாரித்துள்ளார்

நடுத்தர வர்க்கத்தின் பிரச்னைகளை அழகாக அதேசமயம் விரசமில்லா நகைச்சுவையுடன் எடுத்துச் சொல்லும் நாடகங்கள் இவரின் தனி முத்திரை எனலாம்

இவரது குழுவின் முதல் எழுத்தாளர் சிறகு ரவிசந்திரன்."ஜோடி பொருத்தம்" இவர் எழுதியதே.வேதம்புதிது கண்ணன் இவருக்காக 8 நாடகங்களை எழுதியுள்ளார்.அடுத்து இவருக்கு அதிக நாடகம் எழுதியவர் சந்திரமோகன் ஆவார்

ஜோடி பொருத்தம், எல்கேஜி ஆசை, மற்றும் பலர், ஆசைக்கும் ஆஸ்திக்கும்,மெகா சீரியல்,வாஸ்து வாசு,பிளாஸ்டிக் கடவுள்,ரீல் (ரியல்) எஸ்டேட்,
ஐபிஎல் குடும்பம். நேரடி ஒளிபரப்பு  ஆகியவை இவரின் நாடகங்களில் சில

சோ அவர்கள் வரதராஜனின் கலை ஆர்வத்தைக் கண்டு, "என்று தணியும் இந்த சுதந்திரத் தாகம்' என்ற தன் பிரபல நாடகத்தை மீண்டும் இவர் அரங்கேற்றம் செய்ய அனுமதித்தார்.சோ தனது நாடகத்தில் ஏற்ற நாரதர் வேடத்தை வரதராஜனும் ஏற்று பிரமாதப்படுத்தினார்.

பின்னர் "துக்ளக்" சத்யா இவருக்காக "இது நம்ம நாடு" என்ற முழுநீள நையாண்டி நாடகத்தை எழுதினார்.

பிரபல பத்திரிகையாளரும், விமர்சகருமான வீஎஸ்வீ அவர்கள் எழுதிய ஸ்ரீதியாகராஜரை இவர் நாடகமாக்கினார்.பாம்பே ஜெயஸ்ரீ அவர்கள் இசையமைக்க வரதராஜன் தியாகராஜராக நடிக்க "ஸ்ரீதியாகராஜர்" நாடகம் மாபெரும் வெற்றி நாடகமாக அமைந்தது.சந்திரமோகனும் இந்நாடகத்திற்கு வசனம் எழுதுவதில் உதவினார்

இயல், இசை, நாடகம் ஆகிய மூன்றும் ரசிகர்களை ஈர்க்கும் வகையில் இந்நாடகம் அமைந்தது.

அடுத்து இசை மும்மூர்த்திகளை மையமாகக் கொண்டு வரும் ஏப்ரல் மாதம் "ஸ்ரீதியாகராஜர் 2" அரங்கேற உள்ளது.

அந்நாடகமும் மாபெரும் வெற்றி பெற வாழ்த்துவோம்.

No comments: