Tuesday, February 2, 2010

மேடையில் பேசுவது எப்படி..?


நமக்கெல்லாம்..மேடையில் பேச வேண்டும் என்றும்..நாம் பேசுவதை நான்கு பேர் கேட்டு பாராட்ட வேண்டும் என்றும் உள்ளூர ஒரு விருப்பம் இருக்கும்.

பேசுவது என்பதே ஒரு கலை.அதற்காக பேசுவதையெல்லாம் கலை என்று சொல்லிவிட முடியாது.அதுவும்..மேடையில் பேசுவது என்பது...!!! எளிய நடையில் பலர் முன் நின்று மேடையில்..உயர் கருத்துகளைச் சிறந்த முறையில்..கேட்போர் உள்ளத்தில் அழகாக பதிய வைப்பதே ஆகும்.

மேடைப்பேச்சை 'சொற்பொழிவு' என்பர்.சொற்களைத் தேடிப் பிடித்து..எளிய நடையில்..அமைதியாக பொழிவது தான் சொற்பொழிவு.

மழை பொழிகிறது என்கிறோம்....மழை நீர்த் துளிகள்..ஒன்றன் பின் ஒன்றாக சீராக..நேராக..அமைதியாக பெய்வது தான் 'பொழிதல்' எனப்படுவது.அழகாக ஒன்றன் பின் ஒன்றாக வரம்பு மீறாமல் இருப்பதுதான்.வரம்பு கடந்தால் மழை பொழிதலும்..மழை அடித்தல், மழை கொட்டல் என்றெல்லாம் ஆகிவிடும்.

அதுபோலவே தான் சொற்பொழிவும்..வரம்பு கடந்தால்..மக்களிடமிருந்து..கிண்டல்,கத்தல்,திட்டுதல் என்ற நிலைக்கு நம்மை கொண்டு வந்து விட்டு விடும்..

ஒருவர் பேசும் சொற்கள் அனைத்தும் நல்ல சொற்களாக, பண்பட்டவைகளாக இருந்தாக வேண்டும் என்ற கவலை சொற்பொழிவாற்றுவோருக்கு இருக்க வேண்டும்.சொற்கள் பற்றி வள்ளுவன்
சொல்வன்மை என்ற அதிகாரத்தையே வைத்துள்ளார்.

ஆக்கமுங் கேடும் அதனால் வருதலாற்
காத்தோம்பல் சொல்லிங்கட் சோர்வு

ஆக்கமும், அழிவும் சொல்லால் ஏற்படும் என்பதால்..எந்த ஒரு சொல்லிலும் குறைபாடு நேராது கவனமாக இருக்க வேண்டும்...என்கிறார்.

நாம் சொல்வதை பிறர் எளிதாகப் புரிந்துக் கொள்ள வேண்டும்.எவ்வளவு நேரம் பேசினோம் என்பதை விட..நாம் என்ன பேசினோம் என்பது மக்களுக்குப் புரிகிறதா என்பதே முக்கியம்.

நாம் கற்றதை ..பிறர் உணரும் வண்ணம் சொல்லத் தெரியாதவர்..கொத்தாக மலர்ந்திருக்கும் மணமில்லா மலருக்கு ஒப்பாவர்..(யாருக்கும் பயன் தரா மலர்) என்கிறார் வள்ளுவர்.

இணரூழ்த்து நாறா மலரனையர் கற்ற
துணர விரிந்துரையா தார்

ஒருவனின் உண்மைத் தோற்றத்தைக் காட்டுவது அவன் வாய்ச் சொற்களே..மற்ற அனைத்தும் போலித் தோற்றங்கள்.ஆகவே..பிறரிடம் பேசும்போது..அதிலும் குறிப்பாக மேடையில் பேசும்போது மிக விழிப்புடன் இருக்க வேண்டும்..இல்லையேல்..நமக்கு வீழ்ச்சியே ஏற்படும்.

எதைக் காப்பாற்றாவிடினும் நாக்கை காப்பாற்ற வேண்டும்..

யாகாவா ராயினும் நாகாக்க காவாக்கால்
சோகாப்பர் சொல்லிழுக்குப் பட்டு

ஒருவர் எதைக் காத்திட முடியாவிடினும்..நாவையாவது அடக்கிக் காத்திட வேண்டும்.இல்லையேல் அவர் சொன்ன சொல்லே அவரது துன்பத்திற்குக் காரணமாகிவிடும்.

(மேடைப் பேச்சு தொடரும்)

18 comments:

பாத்திமா ஜொஹ்ரா said...

நல்ல தகவல்கள்.

vasu balaji said...

தொடருங்கள்:)

Starjan (ஸ்டார்ஜன்) said...

நல்லா சொல்லியிருக்கீங்க டிவிஆர் சார்

பேச்சுக்கலை பத்திய எனது பதிவு

அண்ணா - வாய் சொல்லில் வீரனடி ...

கட்டபொம்மன் said...

பேசுவதில் இவ்வளவு விஷ்யம் இருக்கா ...

சிநேகிதன் அக்பர் said...

//ஒருவர் எதைக் காத்திட முடியாவிடினும்..நாவையாவது அடக்கிக் காத்திட வேண்டும்.இல்லையேல் அவர் சொன்ன சொல்லே அவரது துன்பத்திற்குக் காரணமாகிவிடும்//

ரொம்ப சரி.

T.V.ராதாகிருஷ்ணன் said...

//பாத்திமா ஜொஹ்ரா said...
நல்ல தகவல்கள்.//

வருகைக்கு நன்றி பாத்திமா

T.V.ராதாகிருஷ்ணன் said...

//வானம்பாடிகள் said...
தொடருங்கள்:).//

செய்திடுவோம்..

நன்றி வானம்பாடிகள்

T.V.ராதாகிருஷ்ணன் said...

//Starjan ( ஸ்டார்ஜன் ) said...
நல்லா சொல்லியிருக்கீங்க டிவிஆர் சார்

பேச்சுக்கலை பத்திய எனது பதிவு

அண்ணா - வாய் சொல்லில் வீரனடி ...//

நன்றி ஸ்டார்ஜன்

உங்க இடுகையையும் படித்தேன்

T.V.ராதாகிருஷ்ணன் said...

//கட்டபொம்மன் said...
பேசுவதில் இவ்வளவு விஷ்யம் இருக்கா ...//

இன்னமும் வரும்

வருகைக்கு நன்றி கட்டபொம்மன்

T.V.ராதாகிருஷ்ணன் said...

//அக்பர் said...
//ஒருவர் எதைக் காத்திட முடியாவிடினும்..நாவையாவது அடக்கிக் காத்திட வேண்டும்.இல்லையேல் அவர் சொன்ன சொல்லே அவரது துன்பத்திற்குக் காரணமாகிவிடும்//

ரொம்ப சரி.//


வருகைக்கு நன்றி அக்பர்

அக்னி பார்வை said...

PLease right a detail blog about this ..fascinating...

T.V.ராதாகிருஷ்ணன் said...

//அக்னி பார்வை said...
PLease right a detail blog about this ..fascinating...//

வருகைக்கு நன்றி அக்னி பார்வை

முனைவர் இரா.குணசீலன் said...

நல்ல பகிர்வு நண்பரே..

"சொல்லுக சொல்லைப் பிறிதோர் சொல் அச்சொல்லை வெல்லும் சொல் இன்மையறிந்து" - திருக்குறள்

T.V.ராதாகிருஷ்ணன் said...

வருகைக்கு நன்றி முனைவர்.இரா.குணசீலன்

ரவி said...

சூப்பர்.

ரவி said...

உங்களுக்கு வலைச்சொல் செல்வர் என்ற பட்டத்தை காலம் தாழ்த்தியாவது வழங்குகிறேன்.

T.V.ராதாகிருஷ்ணன் said...

வருகைக்கு நன்றி ரவி

T.V.ராதாகிருஷ்ணன் said...

//செந்தழல் ரவி said...
உங்களுக்கு வலைச்சொல் செல்வர் என்ற பட்டத்தை காலம் தாழ்த்தியாவது வழங்குகிறேன்.//

ஆகா..ஒரு பட்டம் தந்து விட்டீர்களே..இனி மனம் பல பட்டங்கள் வாங்க ஆலாய் பறக்கப் போகிறதே!!