குஜராத் தேர்தலில் மோடி படு தோல்வி...

குஜராத் மாநிலத்திற்கு நடந்த சட்டசபைத் தேர்தலில் ..முதல்வர் மோடி தலைமையில் ஆன பாஜக படு தோல்வியடைந்துள்ளது.

2007 ஆம் ஆண்டு தேர்தலில் 182 இடங்கள் கொண்ட சட்டசபைக்கான தொகுதிகளில் மோடி தலைமையிலான பாரதிய ஜனதா கட்சி 117 இடங்களைப் பெற்று வெற்றி வாகை சூடியது.எதிர்த்து போட்டியிட்ட பிரதான கட்சியான காங்கிரஸ் 59 இடங்களில் வெற்றி பெற்றது.

ஆனால் நடந்து முடிந்த சமீபத்திய தேர்தலில் பாஜக அலை வீசுவதாகக் கருத்துக் கணிப்புகள் கூறினாலும்..பாஜக படுதோல்வியடைந்துள்ளது.அக்கட்சி 115 இடங்கள் மட்டுமே வெற்றி பெற்றுள்ளது.அதாவது கடந்த தேர்தலைவிட இரு இடங்கள் அதற்குக் குறைவாகவே கிடைத்துள்ளது. இது அம்மாநிலத்தில் பாஜகவின் வீழ்ச்சியையும்..மோடியின் தலைமையை மக்கள் புறக்கணிக்கப்பட்டதையே குறிக்கிறது.

அதே நேரத்தில் சென்ற முறை 59 தொகுதிகளில் வென்ற காங்கிரஸ் இம்முறை 61 தொகுதிகளில் வென்று அம்மாநிலத்தில் மாபெரும் வளர்ச்சி பெற்றுள்ளது.

இவ்வீழ்ச்சிக்கு தன் ஆட்சியில் நடந்த தவறுகளே காரணம் என்றும்..அதனால் 6 கோடி மக்களிடம் தான் மன்னிப்புக் கேட்பதாகவும் நரேந்திர மோடி தெரிவித்துள்ளார்.

டிஸ்கி - இப்பதிவு ஒரு காங்கிரஸ்காரர் பார்வையில்..(நகைச்சுவையாக எடுத்துக்கொள்ளவும்.)