Tuesday, March 24, 2009

அதி புத்திசாலி அண்ணாசாமி கூட்டணியில் இணைகிறார்...

நாடாளுமன்ற தேர்தல் அறிவிப்பு வந்ததுமே..நமது அண்ணாசாமி...இம்முறை எப்படியும் நாடாளுமன்றத்தில் நுழைந்து விட வேண்டும் என தீர்மானித்தார்.அதற்கு..என்ன செய்வது என யோசித்தவர்
உடன்..அண்ணாசாமி என்ற திராவிட முன்னேற்ற கழகம்(அ.எ.தி.மு.க.) என்று கட்சிக்கு பெயரிட்டு..தன் கட்சி கூட்டணிக்கு தயார் என ஒரு அறிக்கை வெளியிட்டார்.உடன் மற்ற கட்சிகளில் நடந்த விவரங்கள்.

கலைஞர்...தன் கட்சியின் மூத்த தலைவர்களை அறிவாலயத்திற்கு கூப்பிட்டு அவசர ஆலோசனை நடத்தினார்.ஆற்காட்டார்..அண்ணாசாமியை கூட்டணியில் இழுத்துப் போட்டால் சிறுபான்மையினத்தைச் சேர்ந்த அவரது ஜாதி ஓட்டுகள் நமக்கு விழும் என்றும்..சில தொகுதிகளில் அது நமக்கு வெற்றிவாய்ப்பை அளிக்கும் என்றும் கூற..யார் எது கூறினாலும் ஆமோதிக்கும் அன்பழகனும் ஆமோதித்தார்.அண்ணாசாமிக்கு வேண்டுமானால்..ஒரு தொகுதி..குறிப்பாக..விழுப்புரம் கொடுத்து விடலாம்.தே.தி.மு.க.மற்றும் பா.ம.க.,விற்கு போட்டியாய் இருக்கும்.அந்த தொகுதி வெற்றிப்பற்றி நமக்கு கவலையில்லை..என பொன்முடி கூற,..விஷயம் அண்ணாசாமிக்கு தெரிவிக்கப்பட்டது.அண்ணாசாமிக்கு, மனைவியும்,3 மகனும், 2 மகளும் இருப்பதால் ,அவர் 7..தொகுதிகள் கேட்டார்.

இந்நிலையில்..அவரை அ.தி.மு.க., தொடர்பு கொண்டது...2 தொகுதிகள் கொடுப்பதாகக் கூறியது..ஆனால் அண்ணாசாமி..7 தொகுதியில் ஸ்ட்ராங்காய் இருந்ததால்..பேச்சு வார்த்தை தொடர்கிறது.தனது பிடிவாதத்தை சற்று தளர்த்திக் கொண்ட அண்ணாசாமி 6 தொகுதிகளும்...ராஜ்ய சபா 1 சீட்டிற்கும் ஒப்புக்கொள்வதாக தகவல்கள் தெரிவிக்கின்றன.

இதற்கிடையே...வாரம் இருமுறை வரும் தமிழ் புலனாய்வு பத்திரிகை ஒன்று...அண்ணாசாமி.அ.தி.முக.,கூட்டணியில் இணைந்து விட்டதாக தெரிவித்தது.மற்றொரு பத்திரிகை..தி.மு.க., கூட்டணியில் அண்ணாசாமி இணைவது உறுதி என எழுதியது.

காங்கிரஸ் தலைவர் தங்கபாலுவோ..அண்ணாசாமி..தங்கள் கூட்டணியில் இருப்பதாக தெரிவித்தார்.

அண்ணாசாமிக்கோ...வழக்கம் போல சந்தேகம் ஏற்பட்டுவிட்டது..நிஜமாகவே நாம ஏதாவது கூட்டணியில் இணைந்து விட்டோமோ என்று.

உறுமீன் வர காத்திருந்த தனித்து விடப்பட்ட பா.ஜ.க., சரத்குமாருக்கும்..ராதிகாவிற்கும் ஒதுக்கியது போக மீதம் உள்ள புதுச்சேரியையும் சேர்த்து 38 தொகுதியையும் அண்ணாசாமிக்கு கொடுப்பதாகக் கூறி அவருக்கு அழைப்பு விடுத்தது.

அண்ணாசாமியும்..தன் மனைவி..மக்கள் உள்ள பொதுக்குழுவைக் கூட்டி..நாளை முடிவெடுக்கப்படும் எனக் கூறியுள்ளார்.

இந்திய அரசியல் தலைவர்கள் எல்லாம்..ஆவலாகக் காத்திருக்கிறார்கள்.

Monday, March 23, 2009

அ.தி.மு.க.,வும்...நடிகர்களும்..

கலைஞர்கள் திராவிட முன்னேற்ற கழகம் ஆரம்பித்த பின்னரே அரசியலில் அதிகம் ஈடுபட ஆரம்பித்தார்கள்.

என்.எஸ்,கே., எம்.ஆர்.ராதா ஆகியோர் பெரியாரின் கொள்கைகளால் கவரப்பட்டவர்கள். பெரியாருக்குப் பின்...எம்.ஆர்.ராதா தி.க.வின் தலைவராக ஆகலாம் என்ற நிலை இருந்தும்...ராதாவால் கை காட்டப்பட்டவர் வீரமணி.

தி.மு.க.வில்...அண்ணா,கலைஞர்,சிவாஜி,கே.ஆர்.ராமசாமி,எஸ்.எஸ்.ஆர்.,ஆகியோர் இருந்தனர்.பின்னர் சிவாஜி விலகினார்...காங்கிரஸ் ஆதரவாளராய் இருந்த எம்.ஜி.ஆர்., உள்ளே வந்தார்.இன்றும் தி.மு.க.வில் திரை உலக சம்பந்தப்பட்டவர்கள் நிறைய உண்டு.ராம.நாராயணன்,நெப்போலியன்,சந்திர சேகர்,தியாகு,குமரி முத்து.(சமீபத்திய ராதாரவி)ஆகியோரை சொல்லலாம். இவர்களுக்கு கழகத்தில்
உரிய மரியாதை தரப்பட்டு வருகிறது.

அ.தி.மு.க.,வில் எம்.ஜி.ஆர்., இருந்தவரை நடிகர்களுக்கு பதவியும் குடுத்து அழகு பார்த்தார். திருச்சி சௌந்தரராஜன்.ஐசரி வேலன் ஆகியோரை அமைச்சராகவே ஆக்கினார்.

ஆனால்..இன்று அ.தி.மு.க.,வில்..தேவைப்படும்போது நடிகர்களை பயன்படுத்திக்கொண்டு..பின் கறிவேப்பிலையைப் போல தூக்கி எறியப்படுகிறார்கள்.

அன்று ராமராஜன், நேற்று ராதா ரவி..நாளை எஸ்.வி.சேகர்...(சந்திரன் என்றோ தெரியாது)

இதற்கு காரணம்...நடிகர்கள்...என்று இல்லை...பொதுவாக கலைஞர்கள்..விரைவில் உணர்ச்சிவசப்படுபவர்கள். அவர்களது தன்மானம்..கேள்விக்குறி ஆகுமேயாயின் ..வெளியே தள்ளப்படுகிறார்கள்..அல்லது வெளியே வருகிறார்கள்.

தைரியமான கட்சி தே.தி.மு.க., வா..இல்லை பா.ஜ.க.வா?

அவனவன் எந்த கூட்டணியிலே சேர்ந்தா..சில தொகுதிகள் கிடைக்கும்...நம்ம கட்சியும் நாடாளுமன்றத்துக்கு போகும்னு நினைச்சுக்கிட்டிருக்கிற தமிழகத்தில் ..தைரியம் உள்ள கட்சிகளும் உண்டு.

இக்கட்சிகளுக்கு...தங்கள் பலம் தெரியுமா? என்று தெரியாது என்றே எண்ணத் தோன்றுகிறது.

கார்த்திக்..என்ற ஒரு நடிகர் இருந்தாரே..ஞாபகம் இருக்கிறதா...அவர் 3 தொகுதிகளில் போட்டி இடப் போகிறாராம்.

சரத்குமார் கட்சி..சமீபத்திய திருமங்கலம் சட்டசபை இடைத்தேர்தலில்..படு தோல்வி அடைந்தது.ஆனால்..அக்கட்சி..பா.ஜ.க.வுடன் கூட்டாம்..(பாவம் பா.ஜ.க.)

தே,மு.தி.க., இவர் கட்சி தனித்தே 40 தொகுதிகளிலும் போட்டியாம்..அதற்கு..ஒருநாள்..அந்த தலைவர் பேசிய கூட்டத்தில்..(ஆயிரம் பேர் வந்திருப்பார்களா? அந்த கூட்டத்திற்கு) மக்கள் ஆதரவு கொடுத்துள்ளார்களாம்.

பீகார்..உ.பி., போன்ற மாநிலங்களில் அவமானப்பட்டாலும்...காங்கிரஸ் என்னும் தேசிய கட்சிக்கு..தமிழகத்தில்..தி.மு.க., கூட்டணியில்...கணிசமான அளவு தொகுதிகள் கிடைக்கலாம்.ஏனெனில்...இங்குள்ள பெரிய திராவிடக் கட்சிகளில்..ஏதேனும் ஒன்றுடன் சேர்ந்தால்தான்..அத் திராவிட கட்சிக்கும் சரி, காங்கிரஸிற்கும் சரி வெற்றி பெறலாம்.(லாலு போலோ பாஸ்வான் போலோ..தைரியமானவர்கள் இல்லை..இங்குள்ள திராவிட கட்சியினர்)

தமிழகத்தில் ஜெ தான் இரண்டாவது அணி..இரண்டு கம்யூனிஸ்ட் களுடனும்..வைகோ என்ற தனி நபர் கட்சியுடன் கூட்டு.

பா.ஜ.க., இங்கே மூன்றாவது அணி.பாவம்...இக்கட்சி இங்கு ஒரு தீண்டத் தகா கட்சி போலவே இருக்கிறது.

டெபாசிட் பறிபோகும் நிலையில்...தே.மு.தி.க., பா.ஜ.க.,..இதை இக் கட்சியினர் உணர்வார்களா தெரியாது.

திருமாவளவனை பொறுத்தவரை...தி.மு.க., கூட்டணியில்..ஒன்றோ, இரண்டோ தொகுதி வாங்கி விடுவார்.

பா.ம.க., ???? இப்போதைக்கு இரண்டு பக்கமும் தலையுள்ள மண்புழு...இன்னும் ஆதாய கணக்கு முடியவில்லை என்றே தெரிகிறது.

நாளை பார்ப்போம்.

Sunday, March 22, 2009

விஜய்காந்த் செய்வது சரியா....

விஜய்காந்த்..மக்களுடன்தான் கூட்டணி..என்று சொன்னதன் மூலம்...அவர்..தி.மு.க.,கூட்டணியிலோ..அ.தி.மு.க., கூட்டணியிலோ சேரப்போவதில்லை என்பதைக் கூறிவிட்டார்.மேலும்..நான் சொல்லும் நபருக்கு வாக்களியுங்கள் என்றும் கூறுகிறார்.

அப்படியெனில்...வரும் நாடாளுமன்ற தேர்தலில் அவர் கட்சி 40 தொகுதிகளிலும் போட்டியிடாது என பொருள் கொள்ளலாம்.

இப்படிப்பட்ட முடிவை அவர் எடுத்ததால்..யாருக்குப் பயன்?

கண்டிப்பாக..தி.மு.க.,கூட்டணிக்குத்தான்.ஏனெனில்..சாதாரணமாக விஜய்காந்த்திற்கு விழும் வாக்குகள்..அ.தி.மு.க.விற்கு விழவேண்டிய வாக்குகள்...என அரசியல் வட்டத்தில் கூறுவதுண்டு.மேலும்..பா.ம.க.விற்கும்..விஜய்காந்திற்கும் என்றும் ஒத்துப்போகாது..ஆகவே விஜய்காந்த் வாங்கும் வாக்குகளில் கணிசமானவை பா.ம.க.வாக்குகளாகவும் இருக்கக்கூடும்.

இநிலையில் பா.ம.க.எடுக்கும் முடிவு முக்கியமானது.இச் சந்தர்ப்பத்தில்..பா.ம.க., தி.மு.க.கூட்டணியில் இருந்தால் தான்..சில தொகுதிகளில் ஆவது வெற்றி பெறலாம். இல்லையேல் அதன் கணக்கு பூஜ்யமாகத்தான் இருக்கும்.

ஒரு சட்டசபை தொகுதிக்கு..10000 முதல் 15000 வாக்குகள் வரை விஜய்காந்த் வாங்குவார் எனில்...ஒரு பாராளுமன்ற தொகுதியில் அவரால் கிட்டத்தட்ட 90000 வாக்குகள் வரை வாங்கமுடியும்.இது பல தொகுதிகளில் கட்சிகளின் வெற்றி வாய்ப்பை பாதிக்கலாம்.முக்கியமாக பா.ம.க., போட்டியிடும் இடங்களில் அதன் வேட்பாளர்களை இது பாதிக்கும்.

விஜய்காந்தின்..இந்த முடிவு..அவருக்கும் பயன் தராது..அவர் சுட்டிக்காட்டி வாக்களிக்க சொல்லப் போகும் வேட்பாளருக்கும் பயன் தராது. அவரது கட்சிக்கு இருக்கும் உண்மையான ஆதரவை இது தெரிவிக்கும்.

இது ஒரு மாநிலக் கட்சிக்கு நல்லதல்ல என்றே தோன்றுகிறது. சட்டசபை தேர்தல் எனில் இம்முடிவை வரவேற்கலாம்.

இது நாடாளுமன்ற தேர்தல்...விஜய்காந்த் தன் முடிவை மறு பரிசீலனை செய்ய வேண்டும்.

வாய் விட்டு சிரியுங்க

என்னோட லட்சியமே ஒரு கோவில் கட்டறதுதான்
அவ்வளவு பக்தியா?
அதெல்லாமில்லை...கோவில் கட்டினா...மெகா சீரியலுக்கு வாடகைக்கு விடலாம்..அதுதானே இன்னிக்கு முக்கிய ஷூட்டிங் ஸ்பாட்

2.நம்ம ஊர்ல காலரா வராம தடுக்கணும்னா ஈக்களை ஒழிக்கணும்.அதுக்கு கம்ப்யூட்டர்களுக்கு தடை விதிக்கணும்
என்ன சொல்றீங்க
இப்ப எல்லாம்..ஈ மெயில்கள் நிறையவருதாமே..அதை ஒழிக்கணுமே

3.(வேகமாக ஓடும் காரை நிறுத்திய போக்குவரத்து காவலர்) சார்...நீங்க மணிக்கு 120 கிலோமீட்டர் வேகத்தில போறீங்க
ஏன்..அபாண்டமா பொய் சொல்றீங்க?..நான் காரையே 10 நிமிஷம் முன்னாலதான் எடுத்தேன்.

4.உங்க வீட்டு பெண்கள் எல்லாம்...cat walk பழகறாங்களா? ஏதாவது ஃபேஷன் ஷோவில கலந்துக்கிறாங்களா?
இல்ல...வீட்ல இருக்கிற எலிகளை பிடிக்கத்தான்.

5.பேச்சுப் போட்டியில அரை மணி நேரம் பேசியும் உனக்கு பரிசு கிடைக்கலையா? எதைப்பற்றிப் பேசினே?
சுருங்கச் சொல்லி விளக்க வைப்பது எப்படின்னு

6.வக்கீல் சார்...என் கேஸ் ஜெயிக்குமா?
உண்மையை சொல்லணும்னா..ஜெயிக்கிறது கஷ்டம் தான்
உண்மையைச் சொல்றதாயிருந்தா இருந்தா...உங்களை வக்கீலா வைச்சிருக்க மாட்டேனே

Saturday, March 21, 2009

மின்மினுக்கும் பட்டாம்பூச்சியும்...கலைமாமணியும்...


மண்ணில் பறக்கும் வானவில்

வானவில்லிலோ எழே நிறங்கள்.

ஆனால் கணக்கற்ற நிறங்களில் பட்டாம்பூச்சிகள்.

பட்டாம்பூச்சி என்றாலே..நினைவில் வருபவர் ரஜினி..மீனாவிடம்..அவருக்கு என்ன வேண்டும் எனக் கேட்க..அவர் பட்டாம்பூச்சியை கை காட்ட...அதைப் பிடிக்க அதன் பின்னாலேயே ஓடி..வேஷ்டி நழுவியதும் தெரியாமல்...வேடிக்கைப் பார்ப்பவர்களையும் சட்டை செய்யாது..சகதியில் விழுந்து..வெற்றிகரமாக அதைப் பிடிப்பது.

சிறு வயதில்..நானும் பட்டாம்பூச்சியைப் பிடித்து அதை இம்சை படுத்தியதுண்டு.அதன் இரு சிறகுகளையும் சேர்த்துப் பிடித்து வேடிக்கை பார்த்ததுண்டு.பின் ஒரு பக்க சிறகை விட்டுவிட்டு..அது மற்ற ஒன்றால் பட..பட..என அடிப்பதை ரசித்ததுண்டு.இப்போது நினைக்கிறேன்...நான் எப்படிப்பட்ட sadist என்று.

அந்த பட்டாம்பூச்சியை விட்டதும்..கைகளில் ஒட்டிக் கொண்டிருக்கும் அதன் நிறத்தை..முகர்ந்து பார்த்து..மகரந்த மணத்தை அனுபவித்ததுண்டு.

பெண்கள் கல்லூரியில்...கல்லூரி விட்டு...பல வண்ண ஆடைகளில்...ஆடியும்..பாடியும் வெளியே வரும்...மாணவிகள்..எனக்கு பட்டாம்பூச்சியை நினைவு படுத்துவர்..Play School பக்கம் போகும் போது..ஆடி..ஓடி..விளையாடும்..மழலைகள் எனக்கு பட்டாம்பூச்சியை நினைவுபடுத்தியதுண்டு.

பட்டாம்பூச்சி விருது எனக்கு அளித்த கோவி அவர்களுக்கு நன்றி.அவர் அதற்கு கூறிய காரணங்களில் ஒன்று..'அவர் எனக்கு மிகவும் வேண்டியவர்'

விவேக்கிற்கு பத்மஸ்ரீ யும்...ஐஷ்வர்யாவிற்கு கலைமாமணியும்..எனக்கு பட்டாம்பூச்சி விருது கிடைத்ததுபோலத்தான் கிடைத்திருக்கும் எனத் தோன்றுகிறது.

http://govikannan.blogspot.com/2009/03/blog-post_19.html">

Friday, March 20, 2009

Why INDIA is in trouble.....

எனக்கு வந்த ஒரு மின்னஞ்சல்

Population: 110 crore



9 crore retired


37 crore in state Govt;

20 crore in central Govt.

(Both categories don't work)



1 crore IT professional (don't work for India )



25 crore in school



1 crore are under 5 years





15 crore unemployed





1.2 crore u can find anytime in hospitals



Statistics says u find 79,99,998 people anytime in jail


The Balance two are U & Me.

U are busy " checking Mails .. "..!!
<



HOW CAN I HANDLE INDIA alone?


Let me 2 have a break ;-)

சீதாவாக மாறிய போயஸ் சகோதரி..

ராவணனை வதம் செய்துவிட்டு... சீதையுடன்..ராமேஸ்வரம் வந்தார் ராமர்.

ராவணன் உள்ளிட்டோரை கொன்றதால்...ஏற்பட்ட தோஷத்தைப் போக்க..கடல் மணலில் லிங்கத்தை பிரதிஷ்டை செய்து..பரிகார சங்கல்பம் செய்தாராம் சீதை.பின் ராமரையும் அந்த லிங்கத்தை வழிபடச் சொன்னாராம்.அதன் பின்னரே ராமர்..அயோத்தி மன்னாராக பதவி ஏற்றார்.

தன் எதிரிகளை ருத்ர குணம் கொண்டு ஒடுக்கிய ராமரை பதவியில் அமரச் செய்த தலமே ராமேஸ்வரமாகும்.

நடைபெறப்போகும் நாடாளுமன்ற தேர்தலில்...எதிர்க் கட்சிகள் மண்ணைக் கவ்வவும்..அ.தி.மு.க., 40 தொகுதிகளிலும் வெல்லவும்..மகாருத்ர யாகம்..பிரம்ம
முகூர்த்தத்தில் (அதிகாலை 4.30 க்கு)ராமேஸ்வரத்தில் நடத்தப்பட்டதாம்..ஜெ யின் நேரடி உத்தரவின் பெயரில். இந்த யாகத்தில் உடன்பிறவா சகோதரி கலந்துக் கொண்டாராம்.

இந்த யாகத்தில் அம்மாவால்..தெர்ந்தெடுக்கப்படப்போகும் வேட்பாளர்களின் ஜாதகங்களும் வைக்கப்பட்டதாம்...அதற்கும் விசேஷ பூஜைகள் நடந்ததாம்.

மேலும்...தனுஷ்கோடி..அரிச்சல் முனையில் சங்கல்பம்..பூஜைகள் நடந்த போது..சசிகலாவே தன் கைப்பட கடற்கரை மணலில் சிவலிங்க உருவத்தை செய்து..(சீதா) அந்த லிங்கத்திற்கு சிவாச்சார்யாக்களைக் கொண்டு பூஜைகள் செய்தாராம்.

தேர்தல் முடிந்து..ரிசல்ட் வரும்போது...யாகத்தின் சக்தியைப் பார்ப்போம்.

Thursday, March 19, 2009

தேங்காய்..மாங்காய்..பட்டாணி..சுண்டல்..(20-3-09)

1962ல் இந்திய ஜனாதிபதியாக டாக்டர் ராதாகிருஷ்ணன் பதவியேற்றார்.சிறந்த ஆற்றலும்..நிர்வாகத்திறமையும் உடைய அவர் பதவி ஏற்றதுமே தன் சம்பளத்தை கால் பங்காகக் குறைத்து புரட்சியை செய்தார்.பத்தாயிரம் சம்பளத்திற்கு பதில் 2500 தான் வாங்கினார்.வரிகள் போக அவருக்குக் கிடைத்த சம்பளம் 1900 தான்.

2.ஒரு சிறு பதிவர் புதிர்..
நர்ஸிம்மிற்கு கால் பந்து ஆடத்தெரியாது...ஹாக்கி ஆடத்தெரியும்
முரளிக்கண்ணனுக்கு கிரிக்கெட் ஆடத்தெரியாது..கால் பந்து ஆடத் தெரியும்
பரிசலுக்கு கிரிக்கெட் ஆடத்தெரியும்..ஹாக்கி ஆடத் தெரியாது
வால்பையனுக்கு ஹாக்கியும், கிரிக்கெட்டும் ஆடத்தெரியும்

வாலுடன் இரண்டு ஆட்டமாவது ஆடக் கூடியவர் யார்.

3.மூக்கறுந்த மூளி,அலங்காரி,நாக்கறுந்து தொங்கும் நரி,நாலாந்திரப் பெண்,மகுடம் பறி கொடுத்த மாயராணி,செப்படி வித்தை மாமி,மலம்,வேஷக்காரி,தெருப்பொறுக்கி,நாய்க் கொழுப்பு,பூதகி,நாய்,திமிங்கலம்..இவையெல்லாம் என்ன..என நீங்கள் சரியாக யூகித்தால்..நீங்கள் இடும்10 பதிவிற்கு பின்னூட்டம் தவறாது இடுவேன்.

4.உலகிலேயே மிகப் பெரிய வீடு புரூனே நாட்டில் தான் உள்ளது.புரூனே சுல்தானின் இல்லம்தான் அது.அதில் 1788 அறைகள் உள்ளன.இரண்டு லட்சம் சதுரமீட்டர் பரப்பளவில் இம்மாளிகை அமைந்துள்ளது.இந்தியாவில் பெரிய வீடு...ஜனாதிபதியுடையது.இதில் 343 அறைகள் உண்டு.

5.ஒரு முறை கடலில் மூழ்கிவிட்டு முத்தெடுக்காமல் திரும்பினால்..கடலில் முத்துக்கள் இல்லை என்றில்லை.நமது முயற்சி போதவில்லை என்று அர்த்தம்.

6.கடவுள்
நல்லவர்
நல்லவர்
நமது தேகத்தில்
எந்த உறுப்பிலும்
உபயம் என்று
தன் பெயரை
அவர் எழுதவில்லை
-நெல்லை கண்ணன்

7.கொசுறு..
ஒரு ஜோக்..

தலைவர் வேட்பு மனு ஏன் நிராகரிக்கப்பட்டது
வேட்பு மனு என்று ..தான் வாங்கிய முன் ஜாமீன் மனுவை தாக்கல் செய்துட்டாராம்

வாய் விட்டு சிரியுங்க..தங்கமணி ஸ்பெஷல்...

1.நம்ம ராமு மனைவி எதிலும் மந்தமாதான் இருப்பா..
அவ பேர் என்ன
'சுலோ 'சனா

2.தினமும் மாலை 6 மணிக்கு என் வாய்க்கு வந்தபடி மனைவியை திட்டுவேன்
அதென்ன 6 மணி கணக்கு
அப்போதானே அவ ஷாப்பிங்க்னு வெளியே போவா..

3.சுதந்திரம் எப்ப கிடைச்சுது
2009 மார்ச் 10ஆம் தேதி
என்ன சொல்ற நீ
அன்னிக்குத்தான் என் மனைவி கோவத்தில பிறந்த வீட்டுக்கு போனா..

4.என் மனைவி கிட்ட எனக்கு பிடிச்சதே அவளோட பொய் சொல்லாத குணம்தான்..
இல்லையே...நேற்றுகூட என் மனைவிகிட்ட 'என் புருஷன் அழகுன்னு' சொன்னாளாமே

5.மகன்-அம்மா..சின்ன வயசில அப்பாவை காதலிச்சு கல்யாணம் பண்ணின்டியா?
அம்மா- ஆமாம்..அதுக்கென்ன இப்ப
மகன்- அப்பவும் அப்பாவுக்கு இதே முகம் தானே ..இதைப்போய்...

6.என் மனைவி வெயில்ல நான் போய் வந்ததும் அன்பா லைம் ஜூஸ் கொடுத்தா..
ஓகோ...காலைல ஒரு முழு லைம் சாக்கடைல கிடந்தது..அதைக்காணோமேன்னு பார்த்தேன்.

Wednesday, March 18, 2009

விஜய்யும்...ரஜினியும்...கோபமும்..

விஜய் பத்திரிகையாளர்கள் சந்திப்பில் கோபமாக பேசியது...நமது பதிவர்கள் பதிவுமேல் பதிவு போட்டு..விஜய்யை திட்டியும்...பாராட்டியும் தங்கள் பதிவை சூடாக்கிவிட்டார்கள்.

விஜய்யோ..ரஜினியோ...அவர்கள் சூபர் ஸ்டாராக இருந்தாலும்...மனிதர்கள்..அவர்கள் வாழ்விலும்...கோப,தாபங்கள்...இன்ப..துன்பங்கள் உண்டு என்பதை நாம் ஏன் உணர மறுக்கிறோம்.இப்படிப்பட்ட ஒரு சூழ்நிலையில் தான் அன்று ரஜினியும்...கன்னட மக்களை திட்டப்போக.பின் நடந்தவற்றை நாம் அறிவோம்.

சேர்ந்தாற்போல்...தோல்வி படங்களாக தரும் விஜய்..எப்பேர்ப்பட்ட மன உளைச்சலில் இருப்பார்..என சற்று எண்ணிப்பாருங்கள். நீங்கள் செய்யாத ஒரு தவற்றிற்காக..உங்களை மேலதிகாரி கோபித்தால்..வெளியே வந்ததும்...கிடைப்பவர்களை நீங்கள் காய்ச்சி எடுக்க மாட்டீர்களா?..அப்படி விஜய் என்ன சொல்லி விட்டார்...பேசும்பொது..கத்தியதற்கு..'டேய்..கத்தாதே..சைலன்ஸ்..பேசறேன் இல்ல" இதுதான் அவர் சொன்னது.அதுவும் யாரைச் சொன்னார் என்று அறுதியிட்டு கூறமுடியாது.

இந்த சமயத்தில்..வேறொன்றும் கூற ஆசைப்படுகிறேன்..

ஊடகங்கள் சற்று பொறுப்புணர்ந்து நடந்துக் கொள்ள வேண்டும்..ரஜினி..எந்திரனுக்கு 25 கோடி வாங்குகிறார்..கமலின் ரேட் 10 கோடி..என்றெல்லாம் மோட்டுவலையைப் பார்த்தபடி எழுதுபவர்களுக்கு ஒரு வேண்டுகோள்.

அவர்கள் வாங்கும் சம்பளம் ஓரளவு யூகம்தான்..தயாரிப்பாளர்கள் கொடுக்கத் தயார் எனில்..இவர்கள் வாங்காமல் என்ன செய்வார்கள்.இது படத் தயாரிப்பாளர்கள் தவறு.எல்லாம் ஒன்றாய் சேர்ந்து...எங்களால் இதற்குமேல் தரமுடியாது என்றால்..இவர்களும் கிடைத்தது சரி என நடிப்பர்.ஆகவே நடிகர்களை குறை சொல்லாதீர்கள்.காற்றுள்ள போதே தூற்றிக்கொள்கிறார்கள்..அவ்வளவுதான்.

கடைசியாக...விஜய் நிகழ்ச்சியில்...விஜய்..எல்லோரிடமும்..நண்பனாய் நடந்து கொள்பவர்..அவர் கோபத்தில் கூறியவற்றிற்காக மன்னிப்பும் கேட்டுவிட்டார்.விஷயம் அத்துடன் முடிந்தது..அவ்வளவுதான்.
இந்த விஷயத்திற்கு முற்றுப்புள்ளி வைப்போம்.

சிவாஜி ஒரு சகாப்தம் -4

1957ல் வந்த சிவாஜியின் படங்கள்.

மக்களைப் பெற்ற மகராசி...பானுமதி ஜோடி. மருதகாசியின் தேனினும் இனிய பாடல்களுடன்...கிராமத்து விவசாயியாக சிவாஜி வாழ்ந்த படம். மாபெரும் வெற்றி.(மணப்பாற மாடு கட்டி, போறவளே போறவளே போன்ற பாடல்கள்)

வணங்காமுடி..சிவாஜி, சாவித்ரி, தங்கவேலு..நடித்தது.அருமையான கதை அமைப்பு, அளவான நடிப்பு, ஆரவாரமில்லா அருமையான பாடல்கள். (ஓங்காரமாய் விளங்கும் நாதம்...இன்றூம் ஓங்காரமாய் நம்
காதுகளில் ஒலித்துக் கொண்டிருக்கிறது)

புதையல்...சிவாஜி பட்மினி நடித்த வெற்றி படம். விண்ணோடும் முகிலோடும் என்ற பாடல் இடம்பெற்ற படம்.

மணமகன் தேவை...பானுமதியின் சொந்தபடம்...தோல்வி அடைந்த படம்.

தங்கமலை ரகசியம். சிவாஜி பாதி படத்திற்கு மேல் ..பெசத்தெரியாத...டார்ஜானாக நடித்த படம். கவி சுரதாவின் 'அமுதே பொழியும் நிலவே' ஒலிக்காத இடமே இல்லை அந்த நாட்களில்.ஜமுனா கதாநாயகி.

ராணிலலிதாங்கி, பாக்கியவதி தோல்வி படங்கள்.

அம்பிகாபதி...மீண்டும் சிவாஜி, பானுமதி...வெற்றி படம். மாசிலா நிலவே..பாடல் மறக்கமுடியாதது.இப்படம் தயாரிப்பில் இருந்த போது கலைவாணர் மரணம் அடைந்தார்.அவர் இதில் ஏற்று நடித்த பாத்திரமும்..இறந்து விட்டதாக காட்டப்பட்டது.

தவிர பராசக்தி..தெலுங்கு மொழி படமும் வெளியானது.

1958 படங்கள் அடுத்த பதிவில்..

Tuesday, March 17, 2009

லல்லூவும்...கலைஞரும்...காங்கிரஸும்...

இந்தியாவிலேயே பணக்கார முதல்வர் வரிசையில் முதலில் இருந்தவர் லல்லூவின் தர்மபத்தினி ராஃப்ரி தான்.,நம் கலைஞருக்கு பணக்கார முதல்வர் வரிசையில் இரண்டாம் இடமே கிடைத்தது.

சாமர்த்தியசாலிகள் என்று பார்த்தாலும்...கலைஞர் இரண்டாம் இடமே வருவார் போலயிருக்கிறது.

பீகாரில் வரும் நாடாளுமன்ற தேர்தலில்...தொகுதி ஒதிக்கீடு எப்படி செய்யப்பட்டுள்ளது தெரியுமா?

மொத்த இடங்கள் 40.லல்லுவிற்கு 25 இடங்கள்...பாஸ்வான் கட்சி 12 இடங்கள்..காங்கிரஸிற்கு 3 (!!) இடங்கள். இந்த காங்கிரஸ் தான்...பழம் பெருமையை பேசிக்கொண்டு..நூற்றாண்டுகண்ட..அகில இந்திய கட்சி. லல்லுவால் 3 இடங்கள் பிச்சை போடப்பட்டுள்ளது.

பெரிய மாநிலமான உ.பி.யில் கூட தேர்தல் உடன்பாடு எட்டா நிலையில்..மாயாவதியுடனும்,முலாயுடனும்..போட்டி போடவேண்டிய நிலை.ஆகவே இங்கும் காங்கிரஸ் வெற்றி பெரும் இடங்கள் இம்முறை கணிசமாக குறையும்.

லல்லுவின் தைரியம் கலைஞருக்கு வராது..அப்படி வருமேயாயின்..காங்கிரஸிற்கு வெற்றிலைப் பாக்குடன் காத்திருக்கிறது அ.தி.மு.க.,ஆகவே இங்கு பெரும்பாலான இடங்கள் காங்கிரஸிற்கு தி.மு.க.வால் ஒதுக்கப்படும்.

ஒரு வேளை காங்கிரஸ் கூட்டணி ஆட்சி...தேர்தலுக்குப் பின் அமையுமேயாயின்...கட்சிக்கு 3 இடங்களே (இதில் எவ்வளவு வெற்றி பெறுமோ) கொடுத்த லல்லுவிற்கு பரிசாக ரயில்வே மீண்டும் கொடுக்கப் படும்.

இப்படியெல்லாம் ஆகும்..என்று தெரிந்துதான் அன்றே கட்சியை கலைத்துவிட காந்தி சொன்னாரோ?

Monday, March 16, 2009

கட்சிக்கு ஒரு தேர்தல் ஜோக்..

1. ஜெ-(தனக்குள்) தப்பித்தவறி மூணாவது அணி ஆட்சிக்கு வந்தா...6மாதத்திற்கு ஒரு பிரதமர்னு சொல்லி...தேவகவுடா,மாயாவதிக்கு முன்னாலே முதல்லே நாம இருந்திடணும்..ஏன்னா..ஆட்சி எவ்வளவுநாள் நீடிக்கும்னு சொல்லமுடியாதே..

2.அன்புமணி-(ராமதாஸிடம்) அப்பா...கூட்டணி பற்றி சீக்கிரம் முடிவெடுங்க
ராமாதாஸ்-நீ ஏன் கவலைப்படறே..உனக்கு வேண்டிய எம்.பி.,பதவியை...தேர்தல்ல ஜெயிச்சாலும்..ஜெயிக்காட்டியும்..ஆட்சிக்கு வரும் கட்சிகிட்டே..ராஜ்யசபா சீட்டா வாங்கிடலாம்.

3.பண்ருட்டி-(விஜய்காந்திடம்) அண்ணே..சிக்கிரம் ஒரு முடிவெடுத்தா...நானும் பார்லிமெண்டு பார்த்துடுவேன்

4.இல.கணேசன்- முடிவு நமக்குத் தெரியும்...ஆனா..கடைசி வரைக்கும்..நாமதான்னு பேசிக்கிட்டே இருக்கணும்.

5.இரு கம்யூனிஸ்ட்கள்-நம்ம தலைஎழுத்து...காங்கிரஸை விரொதிச்சுட்டு துக்கடா பார்ட்டிக்கிட்ட எல்லாம் ஜால்ரா அடிக்க வேண்டியிருக்கு

6.வைகோ-அம்மா..ஒன்னு தருவாங்களோ...இரண்டு தருவாங்களோ..தெரியலை...அதுக்கும் மேலதந்தா..வேணாம்னு சொல்லிடணும்..நம்மகிட்ட அதுக்கான ஆள் இல்லைன்னு சொல்லக்கூடாது

7.காங்கிரஸ் தமிழக தலைவர்கள்- சீக்கிரம் தொகுதி தெரிந்தால்' யார் வேட்பாளர்னு நமக்குள்ள அடிச்சிக்க கொஞ்ச நாட்கள் கிடைக்கும்

8.தி.மு.க.தலைவர்-அழகிரி,மாறன்,பாலு,கனிமொழி..ம்ம்ம்..டெல்லி தாங்குமா?

9.வாக்காளர்- இந்த தேர்தல்லயாவது..ஓட்டுப்போட விருப்பமில்லைங்கற பட்டன்.. இருக்குமா தெரியலையே!

தமிழக அரசியலின் குழப்பவாதி..ராமதாஸ்

தினமும் ஒன்று பேசுகிறார் என கலைஞரை விமரிசிக்கும்..இவர்..அவ்வப்போது என்ன பேசுகிறார்.. ஏன் இப்படி இப்படி பேசுகிறார் என்பதே புரியாது.

ஆட்சி போய்விடும் என்பதால்...அவருக்கு பயம் வந்துவிட்டது என கலைஞரை ராமதாஸ் சொல்வதும்...அதற்கு பதிலாக கலைஞர்..'மத்திய மாநில அரசுகளுக்கிடையே மோதலை உண்டாக்கி ஆதாயம் அடையப்பார்க்கிறார் ராமதாஸ்' எனக் கூறுவதும்...இவர்களிடையே நடக்கும் வார்த்தை பரிமாற்றம்..வராத நாட்களே இல்லை எனலாம்.

இலங்கையில் போர் நிறுத்தம் வரவேண்டும்..அதனால் அதற்காக ஆட்சியை கவிழ விட மாட்டோம்..என்கிறார் ராமதாஸ்.

பா.ம.க., விஷயத்தில்..2001 சட்டசபை தேர்தலை மனதில் வைத்து...அவர்கள் பலத்தை தப்புக் கணக்கு போட்ட கலைஞர்..சென்ற சட்டசபை தேர்தலில் 31 இடங்களை இவர்களுக்கு ஒதுக்கினார்.ஆனால் இவர்கள் வெற்றி பெற்றதோ 18 இடங்களே..

விஜய்காந்த் பல இடங்களில் ஓட்டுகளை பிரித்தார்..அவர்கள் கோட்டையிலேயே..அவர் வெற்றி பெற்று காண்பித்தார்.இதனால் பா.ம.க.,காங்கிரஸ்.,அ.தி.மு.க., கட்சிகள் சில இடங்களில் தோற்றன.

தி.மு.க., கூட்டணியில் இருந்துக் கொண்டே..கலைஞரின் இரண்டாண்டு ஆட்சிக்கு '0' மதிப்பெண் தந்தார் ராமதாஸ்.

காடுவெட்டி விவகாரத்தில்..பா.ம.க.,வை கூட்டணியிலிருந்து விலக்கினார் கலைஞர்.ஆனாலும் பா.ம.க., விலகாததுபோல் செயல்பட்டது.ஒரு கட்டத்தில்..குருவும் விடுவிக்கப்பட்டார். கலைஞருக்கு இது காலத்தின் கட்டாயமாக அமைந்தது.

ஆனால்..பா.ம.க.வோ..இனி வரும் தேர்தல்களில்..தி.மு.க.வின் கூட்டணியில் இருக்க மாட்டோம் என்றதுடன்...காங்கிரஸ் கூட்டணியில் இருப்போம் என்றது.

இன்று...திருமாவளவன்..கலைஞரை சந்தித்தார்...பா.ம.க.,வின் பிரதிநிதிபோல பா.ம.க.வும்..கூட்டணியில் நீடிப்பதாகக் கூறினார்.(ஒரு வேளை..இதுவும் அவர்கள் ஏற்பாடோ)

ஆனால் ஒன்றுமட்டும் நிச்சயம்...

பா.ம.க.வும்...ஏதேனும்..திராவிட கட்சியின் முதுகில் சவாரி செய்தால் மட்டுமே..சில தொகுதிகளில் வெற்றிபெற முடியும்.

இது அவர்களுக்கு தெரியாமலா இருக்கும்.

Sunday, March 15, 2009

பூவா...தலையா...(சிறுகதை)

தன் வீட்டின் படுக்கையறையின் கதவுகளைத் திறந்தாள் உமா.,வெளியே விளையாட்டுத்திடல்.

அங்கே சில சிறுவர்கள் கிரிக்கெட் விளையாட இரு குழுக்களாகப் பிரிந்தனர்.

ஒரு சிறுவன் தன் கையில் வைத்திருந்த காசை பூவா..தலையா போட்டு எந்தக் குழு முதலில் விளையாடுவது என்பதைத் தீர்மானித்தான்.

இரு சிறுவர்கள் நடுவர்களாக நிறுத்தி வைக்கப் பட்டனர்.பூவா தலையாவில் வென்ற குழுத்தலைவரான சிறுவன் மற்றவனிடம்..'டேய்..நீ சச்சின்..நான் சேவாக், நாம தான் ஆரம்ப ஆட்டக்காரர்கள்' என்றான்.

இதையெல்லாம் பார்த்துக்கொண்டிருந்த உமாவின் கண்களில் கண்ணீர் கொப்பளித்தது.அந்தச் சிறுவர்கள் கூட்டத்தில் தன் பையனும் இடம்பெறும் நாள் வராதா...அவன் மனம் ஏங்கியது.

கல்யாணம் ஆகி பத்து வருடங்கள் ஓடி விட்டன.இந்தக் கேள்வி இப்பொழுதெல்லாம் அடிக்கடி வர ஆரம்பித்துவிட்டது.

உமா...அந்த நாளை நினைத்தாள்.

நந்திதா மகப்பேறு மருத்துவ நிலையம்

'பாராட்டுக்கள்...'உமாவை பரிசோதித்துவிட்டு வந்த மருத்துவர் கூறினார்..'இரண்டு மாதம் முடிந்துவிட்டது.'

உமாவிற்கும்..அவள் கணவன் சிவாவிற்கும் பகீரென்றது.

சுவரில் தொங்கிக்கொண்டிருந்த குழந்தை உதட்டில் விரலை வைத்து 'சூ...சப்தம் போடாதீர்கள்' என்றது.

எதை வேண்டாம்...வேண்டாம் என கல்யாணமாகி ஒரு வருடம் வரை தள்ளிப்போட்டார்களோ அது நடந்துவிட்டது.

'மாதம் தவறாமல் பரிசோதனைக்குக் கூட்டிக்கிட்டு வந்திருங்க' என்ற மருத்துவரிடம் 'சரி' என்பது போல தலையை அசைத்தான் சிவா.

பின் உமாவிடம் சில ஆலோசனைகளைக் கூறினார் மருத்துவர்.

அவர்கள் திரும்பிவரும்போது வழக்கத்துக்கு விரோதமாக எதுவுமே பேசாமல் வந்தனர்.

வீட்டை அடைந்ததும்..உமாவை இறக்கிவிட்டுவிட்டு 'நான் கொஞ்சம் வெளியே போயிட்டு வந்துடறேன்' என அவள் பதிலுக்குக் காத்திராமல் விரைந்தான்..

வீட்டுக்குள் சென்று..சோர்வுடன் அமர்ந்த உமாவின் கைகள் அனிச்சையாகத் தொலைக்காட்சியை இயக்கியது.

'பொதிகை' தொலைக்காட்சி நிகழ்ச்சி ஒன்றில் மருத்துவர் ஒருவர் மகப்பேறு பற்றிக் கூறிக் கொண்டிருந்தார்.

'இரண்டாம் மாதம் வெறும் சதைப்பிண்டமாகத்தான் இருக்கும்' அவர் சொன்ன இந்த வரிகளைத் தவிர வேறு ஏதும் அவள் காதுகளில் விழவில்லை.

சிவா வண்டி திரும்பும் ஓசை கேட்டது.

அவள் எழுந்து விளக்குகளைப் போட்டாள்.குளிர்சாதனப் பெட்டியைத் திறந்து பாலை எடுத்து காபி போடத் தயாரானாள்.சிவா எப்போதும் வெளியே சென்று வந்தால் காபி சாப்பிடுவது வழக்கம்.

நேரே சமையலறைக்கு வந்தவன் 'உமா..இப்போது நமக்குத் தேவையா?' என்றான்.

இன்னும் இரண்டு வருடங்களாவது தள்ளிப் போடணும்னு நினைச்சோம்...என்றவளின் குரல் தழுதழுத்தது.

'நான் சொன்னா தப்பா நினைச்சுக்க மாட்டியே..' என்றான். 'கலைச்சுடலாம்' என்றான்.பின்னர் மெதுவாக 'என்னுடைய மருத்துவ நண்பன் ஒருவனிடம் சொல்லி இந்த மாத்திரைகளை வாங்கி வந்தேன்.மூன்று வேளை சாப்பிட்டால் போதும்...'

இரண்டாம் மாதம் வெறும் சதைப்பிண்டம் தானே என அவளும் இதற்கு சம்மதித்தாள்.

எட்டு மாதங்கள் கழித்து...கைகளையும்..கால்களையும் ஆட்டி...அழுது..சிரித்து.. பெற்றோருக்கு மகிழ்ச்சியை ஊட்ட வேண்டிய அந்த உயிர் சிதைந்தது.

பத்து வருடங்கள் பறந்துவிட்டன..

கன்னத்தில் வழிந்த கண்ணீரைத் துடைத்துக் கொண்டாள்.

'அன்று அப்படி சம்மதித்தது தவறோ...?' தவறு எனில் அதற்கு இவ்வளவு பெரிய தண்டனையா? எந்தக் குழந்தையும் தவழ்ந்து விளையாடாத காலி மைதானமாகவா ஆகவேண்டும் வீடு..

நீண்ட நேரம் யோசித்தாள்.

தொலைக்காட்சியில் நிகழ்ச்சி ஒன்று ஓடிக்கொண்டிருந்தது. நிகழ்ச்சியின் நடுவே ஒரு விளம்பரம்..

'சென்னை அருகே இருந்த குழந்தைகள் குருகுலம் ஒன்று பற்றிச் சொல்லிவிட்டு...வர இருக்கும் பண்டிகையை நாம் இவர்களுடன் கொண்டாடுவோம்' என்றார் அந்தப் பிரபல நடிகர்.

அவர் நடுவில் இருக்க..அவரது வலப்புறமும்..இடப்புறமும் நிற்கும் குழந்தைகளைக் காட்டிக்கொண்டிருந்தது ஒளிக்கருவி.

திடீரென..இதில் ஒரு முகம் உமாவிற்கு பிடித்துப் போயிற்று.எவ்வளவு அகன்ற கண்கள்...தான் படம் பிடிக்கப்படுவது தெரியாமல் கைகளை...இங்கும்..அங்கும் வீசிக்கொண்டு அவன் என்ன செய்கிறான்..?

கிரிக்கெட்டா விளையாடுகிறான்?

ஓங்கி அவன் பந்தை அடிப்பதுபோல இருந்தது உமாவிற்கு.

உமா ஒரு முடிவிற்கு வந்தாள்.

பூவா...தலையா...போட்டாயிற்று..

அவளது வீட்டில் விளையாட..தொடக்க ஆட்டக்காரன் ஒருவனைத் தேர்வு செய்துவிட்டாள்

Friday, March 13, 2009

தேங்காய்..மாங்காய்..பட்டாணி..சுண்டல்..(14-3-09)

1.திராவிட கட்சிகளின் மீது ஏறி அமர்ந்து சிலருக்கு எம்.பி., எம்.எல்.ஏ., பதவிகளைப் பெற்றுத்தரும் தரகு நிறுவனமாக காங்கிரஸ் தன்னிலை தாழ்ந்து விட்டது.

2.நம்மால் கீழ்தாடையை மட்டுமே அசைக்க முடியும்..மேல் தாடையை அசைக்க முடியாது.தாடை எலும்புகள் மிக உறுதியானவை.இவற்றால் 279 கிலோவிற்கு மேற்பட்ட எடையுள்ள பொருள்களை கடித்து தூக்கமுடியுமாம்.

3.உலகிலேயே பெரிய வீடு புரூனே நாட்டில் தான் உள்ளது.புரூனே சுல்தானின் இல்லமே அது.அதில் 1788 அறைகள் உள்ளன.இரண்டு லட்சம் சதுர மீட்டர் பரப்பளவில் இம்மாளிகை அமைந்துள்ளது.இந்தியாவில் பெரிய வீடு ஜனாதிபதியினுடையது.இதில் 343 அறைகள் உண்டு.

4.எந்த கோடீஸ்வரனும்..யோக்யமாக சம்பாதித்தது இல்லை.பார்ட்னரை ஏமாற்றியிருப்பான்.கஸ்டமரை ஏமாற்றியிருப்பான்..அரசாங்கத்தை ஏமாற்றியிருப்பான்..குறைந்தது தன் மனசாட்சியையாவது ஏமாற்றியிருப்பான்.

5.ஒரு முறை கடலில் மூழ்கிவிட்டு..முத்தெடுக்காமல் திரும்பினால்..கடலில் முத்துக்கள் இல்லை என்றில்லை.நமது முயற்சி போதவில்லை என்று அர்த்தம்.

6.கூப்பிடு தூரம் என்கிறோம்..அது எவ்வளவு தூரம் தெரியுமா? ஒரு சேவல் கூப்பிட்டால்(கூவினால்)எவ்வளவு தூரம் கேட்குமோ அதுவே கூப்பிடு தூரம்.

7.ஒரு ஜோக்

தொண்டன்1 - தலைவருக்கு உடல்நலக்குறைவு ஏற்பட்டு மருத்துவமனை சென்றதால்...தீர்க்க முடியா பிரச்னை ஒன்று தீர்ந்தது
தொண்டன்2-என்ன சொல்கிறாய்
தொண்டன்1- பெரிய வீடும்...சின்ன வீடும்..ராசியாயிட்டாங்க..

எனது ஆஸ்பத்திரி டயரி குறிப்பு...

7-3-09 சனியன்று...இரவு 10 மணி...திடீரென...எனக்கு தலைவலி..

அதற்கு முந்தய தினம்..என்..தாய் தமிழில் வந்த..இலக்கியச்சுவை மிக்க நாவல் ஒன்றை விடாமல் 5 மணி நேரம் படித்ததால் இருக்குமோ? என எண்ணினேன்.நேரம் ஆக ஆக..வலியால் துடிக்க தொடங்கினேன்.என் வேதனையை உணர்ந்துக் கொண்ட..எங்க வீட்டு அம்மா... என் தம்பிக்கு தகவல் தர..நள்ளிரவு என்றும் பாராது ஓடோடி வந்தான் என் தம்பி.தம்பி உடையான் படைக்கு அஞ்சான்..என்று என் அண்ணா அடிக்கடி கூறும் வார்த்தைகள் என் நினைவுக்கு வந்தன...எவ்வளவு உண்மையான வார்த்தைகள்.அதற்குள் ஆம்புலன்சும் வர..நான் நகரின் மையத்தில் உள்ள மருத்துவமனைக்கு எடுத்துச் செல்லப்பட்டேன்.

8-3-09 ஞாயிறு...01-30...டூடி மருத்துவர் வந்து என்னை பார்வையிட்டார். என்ன நினைத்தாரோ...உடனே ஒரு நர்ஸைக் கூப்பிட்டு..உடனடியாக பி.பி., பிளட், சுகர் டெஸ்ட் எடுக்கச்சொன்னார்.நான் தலைவலி தாங்காமல் 'ஐய்யோ' எனகத்தினேன்.

உடன் எனக்கு ஒரு பெயின் கில்லர் ஊசி போடப்பட்டது..நான் உறங்கிப்போனேன்.

காலை 7 மணி...சீஃப் டாக்டர் ஒருவர் ..ஒரு தலைவன் தொண்டர்கள் சூழ வருவது போல ஒரு கூட்டத்துடன் வந்தார்..எல்லோரும் ..தமிழர்கள்..என்னைப் பற்றியும்...என் தலைவலிப் பற்றியும் தங்களுக்குள் ஏதோதோ ஆங்கிலத்தில் பேசினர்.

உடன்..என்னை..ஸ்கேன் பண்ண அழைத்துப் போயினர்.வலி தாங்காமல் கூக்குரலிட்டேன்.ஸ்கேன் மிஷினில் சென்றேன்..

தில்லியில் இருந்து..
தங்கம் என் உடல்நிலை விசாரித்தார்.சில மருந்துகள் தர..என்னை அறியாமல் தூங்கி விட்டேன்.

கண் விழித்த போது..என்னைச் சுற்றி உறவினர் கூட்டம்.ஏதோ ஆபரேஷன் செய்யப் போகிறார்களாம்...பயப்படாதீர்கள் என பயந்த படியே கூறினார்கள்.ஆனால் தலைவலிக்கு..ஏன் கார்டியாலிஜிஸ்ட்,நெப்ராலிஜிஸ்ட்,நியூராலிஜிஸ்ட்,ஆர்த்தோ,எல்லாம் வந்தார்கள் என தெரியவில்லை.

பின்..ஒரு பிரபல மருத்துவர் வரவழைக்கப்பட்டார்..அவர் என்னை ஆராய்ந்தார்.,பின்...இது வெறும் தலைவலிதான்...எனக்கூறி சில மருந்துகள் கொடுத்தார்.

9-3-09 காலை 7 மணி...அயர்ந்து தூங்கிக் கொண்டிருந்த என்னை இரண்டுநாளாக என் பக்கத்திலிருந்தே பார்த்துக் கொண்டிருந்த என் மகள் எழுப்பி...இன்று மாலை டிஸ்சார்ஜ் என மருத்துவர் கூறியதாகக் கூறினார்.

மாலை நான் வீடு திரும்பினேன்.

(டிஸ்கி...இந்த பதிவு ..யாரையும் குறிப்பிடுவது அல்ல..என தெரிவித்துக் கொள்கிறேன்)

Wednesday, March 11, 2009

பதிவருக்கு வரும் 11 சந்தேகங்கள்..

1.இன்னிக்கு ஒரு பதிவு போடலாமா?

2.எந்த மேட்டரைப் பற்றி எழுதினா...நிறைய ஹிட்ஸ் வரும்

3.பின்னூட்டம் 11ஆவது வருமா...இல்லை 6 வந்தாக்கூட...நன்றி சொல்லி 12 ஆக்கிடலாம்.

4.நம்ம பதிவைவிட மொக்கை பதிவுங்க போடறவங்களுக்கு எப்படி இவ்வளவு பின்னூட்டம் வருது..

5.பதிவின் தரத்துக்கும்...ஹிட்ஸூக்கும் சம்பந்தம் உண்டா

6.பிரபல பதிவர் பெயரை பதிவின் தலைப்பில் போடலாமா?

7.சூடான இடுகைல வரணும்னா..பதிவின் தலைப்பு சூடா இருக்கணுமா

8.தமிழ்மணம் முகப்புல ரொம்ப நேரம் இருக்கணும்னா..எத்தனை மணிக்கு பதிவை இணைக்கணும்

9.ஒருவேளை...தமிலிஷில் இந்த பதிவை இணைக்கலைன்னா..தமிழ்மணத்திலேயே அவங்களும் பார்ப்பாங்களா

10.இந்த பதிவுக்காவது..அந்த பிரபல பதிவர் பின்னூட்டம் இடுவாரா?

11.இவ்வளவு கஷ்டப்பட்டுட்டு பதிவை தமிழ்மணத்தில இணைக்க முடியாமல்...டெக்னிக்கல் ப்ராப்ளம் வந்துட்டா என்ன பண்ணுவது?

(அப்பா...11 வைச்சு நாமும் ஒரு பதிவு போட்டுட்டோம் இல்ல)

அற்புதமான ஒரு நடிகர் டி.எஸ்.பாலையா..

எஸ்.வி.ரங்கராவ்.எம்.ஆர்.ராதா,எஸ்.வி.சுப்பையா, டி.எஸ்.பாலையா என தமிழ் சினிமா உலகமே வியக்கும் அளவு நடிகர்கள் நிறைந்த காலம் அது.அற்புதமான கலைஞர்கள் அவர்கள்.அதிலும் ராதாவும்,பாலையாவும் வில்லனாகவும்...நகைச்சுவையிலும் கொடிகட்டி பறந்தவர்கள்.

பாலையா...1935 ஆம் ஆண்டு சதி லீலாவதி என்ற படத்தில் அறிமுகமானார்.இவர் கதானாயகனாக நடித்த படம்'வெறும் பேச்சல்ல"

பின்..வில்லன் பாத்திரங்களும்..நகைச்சுவை பாத்திரங்களுமே இவரைத் தேடி வந்தன.மணமகள் படத்தில் பத்மினிக்கு பாட்டு வாத்தியாராக வந்து..'சின்னஞ்சிறு கிளியே' பாடலை அழுதுக் கொண்டே பாடி..தன் காதலைத் தெரிவிக்கும் காட்சியில்..அவர் அழுது அற்புதமாக நடிக்கும் போது...நாம் அடக்கமுடியாமல் சிரிப்போம்.

தூக்கு தூக்கி படத்தில்...சேட்ஜியாக வந்து...நம்மள்...நிம்மல் என தமிழ் பேசி அட்டகாசமாக நடிப்பார்.இதற்குப் பின்னரே..இந்த சேட்டுத் தமிழ் படங்களிலும்...நாடகங்களிலும் பேசப்பட்டது எனலாம்.

பின்...வேலைக்காரி,மதுரை வீரன்,புதுமைப்பித்தன்,தாய்க்குப்பின் தாரம்,அன்பு, காத்தவராயன் என பல படங்களிலும் அவர் நடித்தார்.

கே.ஆர்.ராமசாமி,டி.ஆர்.மஹாலிங்கம்,ஜெமினி,எஸ்.எஸ்.ராஜேந்திரன், எம்.ஜி.ஆர்.,சிவாஜி என அனைத்து நடிகர்களுடன் நடித்தவர்.

பாகப்பிரிவினையில்..இவர் குணச்சித்திர நடிப்பு பாராட்டப்பட்டது.பாமா விஜயம் காமெடி தூள் கிளப்பி இருப்பார்..இவரைப் பற்றி எழுதும் போது...நம்மால் மறக்கமுடியாத இரண்டு படங்கள்..காதலிக்க நேரமில்லை,தில்லானா மோகனாம்பாள்.

தி.மோ.வில் நாதஸ்வர கலைஞராக வந்து..ரயிலில்..சி.கே.சரஸ்வதியுடன் இவர் செய்யும் குறும்புகள்....இருங்கள்..சிரித்து விட்டு வருகிறேன்..

காதலிக்க நேரமில்லை படத்தில்...நாகேஷுடன் இவர் கதைக் கேட்கும் காட்சி..சிரித்து..சிரித்து..வயிறு புண்ணாகும் காட்சியாகும்.

திருவிளையாடலில்...ஹேமாநாத பாகவதராய் வந்து..அலட்சியத்துடன்...இவர் பாடும்'ஒரு நாள் போதுமா" இன்றும் காதுகளில் ஒலித்துக்கொண்டிருக்கிறது.

டி.எஸ்.பாலையா..என்ற அற்புதநடிகர்..1976ல் காலமானார்.

எந்த ஒரு கலைஞனும் அவர்கள் வாழ்நாளில் போற்றப்படுவதில்லை...பாலையாவும் அதற்கு விதிவிலக்கல்ல.

Tuesday, March 10, 2009

தேர்தலில் தி.மு.க., கூட்டணிக்கே ஓட்டு..

நிலவரி ரத்து, இலவச மின்சாரம், வட்டியில்லாக் கடன்,தவிர அரசு ஊழியர்கள்,ஆசிரியர்கள்..ஆறாவது ஊதியக்குழுவின் இடைக்கால நிவாரணமாக 4500 கோடி கொடுக்கப்பட்டுள்ளது.இவர்கள் மட்டும் 15 லட்சம் இருப்பர்.

குடிநீர் திட்டம், ஊரக வேலைவாய்ப்பு என 3849 கோடி செலவிடப்பட்டுள்ளது..இவர்கள் எண்ணிக்கை 3.4 கோடி.,

மெட்ரோ ரயில், சிறந்த பேருந்து போக்குவரத்து..வெள்ள நிவாரணம், இலவச டி.வி., என நகர்ப்புற மக்கள் வாக்கு 2.7 கோடி

வெளி மார்க்கெட்டில் அரிசி 35 ரூபாய் விற்கும் நிலையில் ரேஷனில் 1 ரூபாய்க்கு போடப்படுகிறது..இது பொருளாதார நிலையில் பின்தங்கியவர் ஆதரவை பெருக்கும்.

தமிழகத்தைப் பொறுத்தவரை இன்று இலவசங்கள் சாதனையைப் படைக்கும்..தி.மு.க., காங்கிரஸ் கூட்டணி சற்று வலுவான நிலையிலேயே உள்ளது.மேலும் பா.ம.க., எப்போதும் வெற்றி பெறும் கூட்டணியையே விரும்பும்...ஆகவே கடைசி நேரத்தில்..அவர்களும் இந்த அணியிலேயே தொடர்வர்..விஜய்காந்தையும் இந்த அணியில் சேர்க்க முயற்சி நடக்கிறது.

இலங்கை பிரச்னை பிரமாதமாக ஓட்டளிக்கும் போது மக்களிடம் மாற்றத்தை ஏற்படுத்தாது.

மேலும் ..இன்று அனைத்துக் கட்சிகளுமே...இதை வைத்து அரசியல் செய்துக்கொண்டிருக்கும் நிலையில்...கலைஞரைத் தவிர வேறு யாரையும்..சாமான்யனால் நினைத்துப் பார்க்க முடியாது.

இன்று தேசிய நலனையும்..அரசியல் நலனையும் வைத்துப் பார்த்தால் கலைஞரை விட்டால்..வேறு மாற்று இல்லை.

Monday, March 9, 2009

நான் இன்று ஓய்வு பெறுகிறேன்..

இன்றோடு நான் வேலையிலிருந்து ஓய்வு பெறுகிறேன்.கிட்டத்தட்ட 35 வருஷங்கள்...நான் உழைத்திருக்கிறேன்.காலம் எவ்வளவு வேகமாக சிறகடித்து பறந்துக் கொண்டிருக்கிறது.

என்னால்...என் வேலையால் பயனடைந்தவர்கள்..இதுநாள் வரை கோடானுகோடி நபர்கள் இருக்கும்.ஆனால் இது நாள்வரை யாரும் என் முகத்தைக்கூட ஏறிட்டுப் பார்த்ததில்லை.

அலுவலகத்தில்...வேண்டாம்..என்று சொன்னாலும்..பிரிவுபசார விழாவிற்கு ஏற்பாடு செய்து விட்டார்கள்.நான் பேச வேண்டுமாம்.சாதாரணமாகவே நான் அதிகம் பேசாதவன்.அதிலும் கூட்டத்தில் பேசுவதென்றால்...

மாலை போட்டார்கள்.பொன்னாடை போர்த்தினார்கள்.கையில்..அன்பளிப்பு என்ற பெயரில்...பள..பள..என சரிகைத்தாள் சுற்றிய ஒரு ஸூட்கேஸ் கொடுத்தார்கள்.என்னைத் தெரியாத அதிகாரிகளும்..என் பெயர் என்னவென்று கேட்டுவிட்டு..என்னைப் பாராட்டிப் பேசினார்கள்.

கடைசியாக ஏற்புரையை வழங்கச் சொன்னார்கள்.

நான் எழுந்துக் கொண்டேன்..கை கால்கள் சற்றே நடுங்கின...சரிதான்..இப்போது உளறப்போகிறோம் என நினைத்தேன்.

'வணக்கம் நண்பர்களே! நாம் செய்யும் வேலையில் நமக்கு எத்தனைப் பேரிடம் நமக்கு அங்கீகாரம் கிடைத்திருக்கிறது?..எத்தனை ஆயிரம் பேர்களை அவர்கள் லட்சிய ஊர் நோக்கி அழைத்துப் போய் இருப்போம்.ஒரு வாடகைக்கார் ஓட்டுநர் கூட..பயணியை குறித்த நேரத்தில் குறித்த இடத்திற்கு அழைத்துச் சென்றுவிட்டால்...அந்த ஓட்டுநரை பாராட்டுகிறோமே...ஆனால் நம்மை யாராவது அப்படி பாராடியிருப்பார்களா?

அவர்களை பத்திரமாக கொண்டுவந்து சேர்த்த நம்மிடம் பயணிகளுக்கு ஒரு உறவு, ஒட்டு, மனிதத்தன்மை இருக்கிறதா?குறித்த நேரத்தில் நாம் அவர்களைக் கொண்டுவந்து சேர்த்தாலும்..இன்று ரயில்
சரியான நேரத்திற்கு வந்து விட்டது என்றுதானே கூறுகிறார்கள்.

நான் இப்பணியிலிருந்து ஓய்வு பெற்றாலும்..இந்த நெருடல் என் மனதில் இருந்துக் கொண்டுதான் இருக்கிறது.ஒரு விதத்தில் மக்கள் பணி புரியும் நம்மை மக்கள் ஏன் புறக்கணிக்கிறார்கள்.ரயில் இஞ்சின் ஓட்டுநரான நான் இதைத்தவிர வேறு என்ன பேச முடியும்?' என்று பேச்சை முடித்ததும் கிடைத்த கை தட்டல்கள்..அனைவரின் ஆதங்கத்தையும் வெளிப்படுத்தியது.

(எங்கேயோ படித்தது)

Sunday, March 8, 2009

ஜெ.யின் உண்ணாவிரதம்...

உண்ணாவிரதம்...சுதந்திரத்திற்கு முன் ..இதன் அர்த்தமே வேறு. அந்த நாட்களில்..தலைவரின் உண்ணாவிரதங்கள் பல சாதனைகளை படைத்துள்ளன.ஆனால் இந்த அடையாள உண்ணாவிரதம் என்பது...உண்ணாவிரதம் என்பதையே கேலிக்கூத்தாக ஆக்கிவிட்டது.

இப்போதெல்லாம்...இந்த வார்த்தையைக் கேட்டாலே..எனக்கு..தங்கவேலுவும்...பாசமலர் படமுமே ஞாபகத்தில் வருகிறது.எம்.சரோஜாவை மணக்க தங்கவேலு..அவரது வீட்டு முன் இருக்கும் உண்ணாவிரதமிருப்பார்.அதைப்பார்த்து..விட்டு...எம்.ஆர்.சந்தானம்..பெண்ணை அவருக்குக் கொடுப்பதாகக்கூற ..தங்கவேலு உண்ணாவிரதத்தை கை விடுவார்.பின் அவரது சகாக்களான பொடியன்கள் ..சாப்பிட்டப்பொருள்களின் காலி தட்டுக்களை எடுத்துப் போவார்கள்.இதைக்கண்டதும் சந்தானம் அதிர்ச்சி அடைவார்.

(டேய்..மசால்வடை வாசனை வருதுடா.,
அண்ணே பக்கத்துகடைல போடறாங்க
கொஞ்சம் மாவை எடுத்து வைக்க சொல்லு...சாயங்காலம் 6 மணிக்கு மேல் நமக்கு போடச்சொல்லு...
இதுதான் தங்கவேலு உண்ணாவிரதம்)

அரசியல் உண்ணாவிரதங்களும் கிட்டத்தட்ட அப்படித்தான்...காலை 10 மணிக்கு..உண்ணாவிரதம் ஆரம்பித்து..மாலை 5 அல்லது 6 மணிக்கு முடிப்பர்.இந்த உண்ணாவிரதத்தை முடித்து வைக்க ..யாரேனும் தலைவர் வந்து..பழ ஜூஸ் கொடுத்து முடித்து வைப்பார்.(???!!!!!)

அரசியல் சம்பந்தப்பட்ட ஒருவர்..ஒருமுறை சொன்னார்..'காலைல..உண்ணாவிரதத்திற்கு கிளம்பறப்போ..உப்புமாவையோ..பொங்கலையோ ஒரு பிடி பிடிச்சுட்டா...அது வயிற்றில் பொத பொதன்னு ஊறிடும்..சாயங்காலம் வரை பசி எடுக்காது.சாயங்காலம் போய் விட்டில பிரியாணி ஒரு பிடி பிடிச்சுடுவோம்' என்றார்.

சரி தலைப்புக்கு வருவோம்...

இலங்கை பிரச்னையில்..சமீப காலமாக..உண்ணாவிரதம்..போராட்டம்..மனிதச்சங்கிலி..என பல பார்த்துவருகிறோம்..இந்த நிலையில்...நேற்றுவரை...இலங்கை ராணுவத்தை தப்பு சொல்லமுடியாது என சொன்னவர்..தேர்தல் அறிவிப்பு வந்ததும் ..காங்கிரஸ்சிற்கு கூட்டணி அழைப்பு விடுத்தார்.அது நடக்காது..என்றதும்...எதைத்தின்றால்...தேர்தல் பித்தம் தெளியும்..என்று உண்ணாவிரதத்தை கையில் எடுத்துக் கொண்டார்.

இலங்கை தமிழர் பிரச்னையில்...தமிழர்கள் அனைவருக்கும்..அனுதாபம் இருந்தாலும்...அது தேர்தலில் பிரதிபலிக்கும் என நான் எண்ணவில்லை.ஏனெனில்..தமிழர்களுக்கும்..இக்கட்சிகளைவிட்டால் வேறு வழி இல்லை.

வலுவான..கூட்டணியான..தி.மு.க. கூட்டணி கண்டிப்பாக...இந்த முறையும் மா பெரும் வெற்றி பெறும்.வேண்டுமானால்... காங்கிரஸ் போட்டியிடும் தொகுதியில் வெற்றிப் பெரும் வாக்குகள் வித்தியாசம் குறைவாய் இருக்கலாம்.ஆனால் எவ்வழியிலும்..அ.தி.மு.க.,வெற்றிப் பெற வாய்ப்பிருப்பதாக நான் எண்ணவில்லை.

உண்ணாவிரதம்..எதையும் சாதிக்காது...

(உண்ணாவிரதம் எதையும் சாதிக்காது என்பவர்கள்..தமிழ்மணம் தம்ஸ் அப்பிலும்...தமிலிஷிலும் வாக்களிக்கவும்)

Saturday, March 7, 2009

வாய் விட்டு சிரியுங்க

டாக்டர்- ஒரு மணி நேரம் முன்னால வந்திருந்தா நோயாளியை காப்பாத்தி இருக்கலாம்
வந்தவர்-டாக்டர் ஆக்ஸிடண்ட் ஆகியே அரை மணி நேரம் தானே ஆச்சு..

2.மகன்- அப்பா நாளையிலிருந்து நாம பணக்காரனா ஆகிடலாம்
அப்பா- எப்படி
மகன்-எங்க கணக்கு வாத்தியார்...பைசாவை ரூபாவா மாத்தறது எப்படின்னு சொல்லித்தரப் போறார்

3.வேலைல சேர்ற இந்த மாசம் 10000 ரூபாய் சம்பளம்...6 மாசம் கழிச்சு 15000 தர்றேன்
அப்போ நான் ஆறு மாசம் கழிச்சே வேலைல சேர்ந்துக்கறேன்

4.பாட்டி- (பேரனுக்கு கதை சொல்கிறார்) ஒரு ஊர்ல ஒரு வயசான தாத்தா இருந்தார்
பேரன்-போ பாட்டி...ஒரு வயசுன்னா ..அது தாத்தா இல்ல...குழந்தை

5.ஆசிரியர்- உன் வயசுலே பில் கேட்ஸ் ஸ்கூல்ல எல்லாவற்றிலும் ஃபர்ஸ்டா இருந்தார்
மாணவன்- உங்க வயசுல ஹிட்லர் கூடத்தான் தற்கொலை பண்ணிண்டார்

6.மாணவன்- ஆண்டவா..தயவு செஞ்சு நியூயார்க்கை பஞ்சாபின் தலைநகரமாக்கு
அப்பா-ஏண்டா..அப்படி வேண்டிக்கற
மாணவன்-பரிட்சையில அப்படித்தான் எழுதிட்டு வந்திருக்கேன்.

Friday, March 6, 2009

தேங்காய்..மாங்காய்..பட்டாணி..சுண்டல்..(7-3-09)

1.அமெரிக்க ஜனாதிபதியாக இருந்த வில்சனின் தந்தை ஒரு சர்ச் பாதிரியாராக இருந்தார்.ஒரு நாள் அவர் மாதாகோவில்ல உபன்யாசம் முடிச்சுட்டு..வீடு திரும்பிக்கொண்டிருந்தார் குதிரை மீது.அந்த கிராமத்திலிருந்த ஒரு கருமி அவரை நிறுத்தி..'உங்க குதிரை இவ்வளவு கொழு கொழுன்னு இருக்கிறது.நீங்கள் மட்டும்...எலும்பும்..தோலுமாய் இருக்கிறீர்களே' என்றார்.
வில்சன் அசரவில்லை...'குதிரைக்கு சாப்பாடு நான் போடுகிறேன்..எனக்கு சாப்பாடு நீங்கள் போடுகிறீர்கள்' என்றாராம்.

2.சொர்க்கத்தில் இறைவனை தரிசிக்க ஒரு நீண்ட வரிசை காத்திருந்தது.அப்போது..கடைசியில் நின்றுக் கொண்டிருந்த ஒருவனை முதலில் அழைத்தனர்.வரிசையில் நின்றுக்கொண்டிருந்த மற்றவர்கள் அதற்கான காரணம் கேட்டபோது..இறைவன் சொன்ன பதில்..'கடைசியாக வந்தவர்..பூலோகத்தில் ஆட்டோக்காரர்.அவர் வண்டியில் யார் ஏறினாலும்..அவர்களை என்னைப் பற்றி எண்ண வைத்தவர்.இவரால் எனக்கு பக்திமான்கள் அதிகம் உண்டாகியுள்ளனர்' என்றாராம்.

3.வகுப்பிற்கு புது ஆசிரியர் வந்தார்..மாணவர்களிடம் 'இங்கே..யாரெல்லாம் முட்டாள்கள்? எழுந்து நில்லுங்கள்' என்றார்.யாரும் எழுந்து நிற்கவில்லை.சிறிது நேரம் கழித்து ஒரு மாணவன் எழுந்து நின்றான்.
ஆசிரியர்..'நீ உன்னை முட்டாளாக நினைக்கிறாயா?' என்றார்.அதற்கு அந்த மாணவன்'இல்லை...நீங்கள் மட்டும் தனியாக நின்றுக்கொண்டிருக்கிறீர்களே...அதனால் உங்களுக்கு துணையாக இருக்கட்டுமே என எழுந்து நின்றேன்' என்றான்.

4.எல்லாச் செடிகளும்...பூத்துத்தான் காய்க்கும்...பூசணிச்செடி மட்டும் காய்த்துத்தான் பூக்கும்.

5.ஒரு பொன்மொழி...ஒரு ஜாதி தாழ்ந்தது என்பது எவ்வளவு பொய்யோ..அவ்வளவு பொய் இன்னொரு ஜாதி உயர்ந்தது என்பதும்....சொன்னவர்-ஜெயகாந்தன்

6.ஒரு கவிதை-

சில
கவிஞர்களை
சிலுவையில் அறைந்துவிடலாம்!
மரங்கள்
வருத்தப்படும்
மன்னித்துவிடலாம்

- நெல்லை ஜெயந்தா

7.ஒரு ஜோக்...

தலைவர் ஏன் பயந்துக் கொண்டிருக்கிறார்..
யாரோ..அவரை அஞ்சானெஞ்சன் என்று கூறிவிட்டார்களாம்..அதனால்தான்.

Thursday, March 5, 2009

சிவாஜி ஒரு சகாப்தம் - 3

1955ல் சிவாஜி நடித்து வெளிவந்த படங்கள்...

காவேரி,முதல்தேதி,உலகம் பலவிதம்,மங்கையர் திலகம்,கோடீஸ்வரன், கள்வனின் காதலி

மங்கையர் திலகம் ...தவிர மற்ற படங்கள் எதிர்ப்பார்த்த அளவு சோபிக்கவில்லை.

காவேரி படத்தில்..குதம்பை சித்தர் பாடலும்..சித்த சுவாதீனமுற்றவர் போல சிவாஜி நடிப்பும் புகழப்பட்டன.

முதல்தேதி...சிவாஜி, அஞ்சலிதேவி, என்.எஸ்.கே.,நடித்தபடம்..கதையம்சம் பாராட்டும்படி இருந்தாலும்...படத்தின் பெரும் பகுதி..கனவு என்று இருந்ததால்..படம் தோல்வி.

உலகம் பலவிதமும், கோடீஸ்வரனும்...சொல்ல ஒன்றும்..இல்லாமல்..வந்து போனது..அவ்வளவே..

கள்வனின் காதலி...கல்கியின் கதை..சிவாஜி, பானுமதி நடித்தது.. அவ்வளவுதான்.

மங்கையர்திலகம்...சிவாஜி,பத்மினி,சுப்பையா நடித்த படம்.'நீல வண்ண கண்ணா வாடா"பாடல் ஹிட்.படமும் ஹிட்.,சிவாஜியின் அண்ணியாக பத்மினி.

மொத்தத்தில்...இவ்வாண்டு சுமாரான..ஆண்டு அவருக்கு.

1956ல் வந்த படங்கள்-

நான் பெற்ற செல்வம்,நல்ல வீடு,நானே ராஜா,தெனாலிராமன்,பெண்ணின் பெருமை,ராஜா ராணி,அமரதீபம்,வாழ்விலே ஒரு நாள், ரங்கோன் ராதா.

நான் பெற்ற செல்வம்...ஜி.வரலட்சுமி ஜோடி.படம் வெற்றி...நான் பெற்ற...பாடல் ஹிட்.

நானே ராஜா படத்தில்..சாம்ராட் அசோகனாக சிவாஜி ஒரு காட்சியில் அட்டகாசமாக நடிப்பார்..படம் ஆனால் தோல்வி.

நல்ல வீடு, தெனாலிராமன் ஆகிய படங்களும் எதிர்ப்பார்த்த வெற்றிபெறவில்லை.

பெண்ணின் பெருமை..சாவித்ரி,ஜெமினி உடன் நடித்திருப்பர்.படம் வெற்றி.சிவாஜி வில்லன் போன்ற பாத்திரம்..இந்த மூன்று நடிகர்கள் பின்னாட்களில் பல வெற்றிப்படங்களைக் கொடுத்தனர்.

அமரதீபம்..ஸ்ரீதர் கதை..வசனம்..சாவித்திரி ஜோடி..பத்மினியும் படத்தில் உண்டு.படம் வெற்றி.ஏ.எம்.ராஜாவின்...தேன் உண்ணும் வண்டு போன்ற பல ஹிட் சாங்க்ஸ் உண்டு இப்படத்தில்.

வாழ்விலே ஒரு நாள்.ஜி.வரலட்சுமி...படம் தோல்வி.

ரங்கோன் ராதா ..அண்ணாவின் கதை..உடன் பானுமதி..எஸ்.எஸ்,ஆர்., கலைஞரின் பாடல்கள்..(பொது நலம்)., படம் வெற்றி.

இனி 1957 படங்கள் அடுத்த வாரம்.

கலைஞர் சாத்தான் என யாரை சொல்கிறார்....

கலைஞர் ஓய்வு பெற வேண்டும் என்று ஜெ..சொன்னாலும் சொன்னார்..கலைஞர் அதற்கான பதிலில்..

13 வயதிலிருந்து...இன்று 85 வயது வரையில் தினமும் களைப்பென்பதே இல்லாமல் அரசியல் களப்பணி புரிந்து, சட்டமன்றப் பொன்விழா கொண்டாடியுள்ளேன்.70 ஆண்டுகளுக்கு மேலாக பொது வாழ்வில்..பெரியாரின் தொண்டனாக...அண்ணாவின் தம்பியாய்..இந்திய திருநாட்டின் மூத்த தலைவர்களுக்கும் முன்னோடிகளுக்கும் உடன் பிறப்பாய் விளங்கி வருகிறேன்.

பட்டியலிடமுடியாத அளவிற்கு சாதனைகள் நிறைவேற்றி வருகிறேன்.இவைகளையெல்லாம் என் சாதனைகளுக்கு சான்றுகளாக தமிழ்நாட்டில் விட்டுச் செல்வதென்றால்..அந்த ஓய்வு கிடைத்தால் எனக்கு உற்சாகம்தான்.

எனெனும் இத்தனை சாதனைகளையும் சாத்தானாம் ஒரு பெண்மணியை தமிழகத்தை மேயவிட்டு நான் நிரந்தர ஓய்வு பெறுவதா என்றுதான் ஏங்குகிறேன்.ஆனாலும்...ஆயிரம், லட்சம், கோடியென உடன்பிறப்புகள் இருக்கும்வரை நான் நிரந்தர ஓய்வு பெற நினைப்பதும்..அதன் காரணமாக இந்த நீலி மேய்ச்சலுக்கு வரலாம் என்று கனவு காண்பதும் நடக்கவே நடக்காது, என்றும் கூறியுள்ளார்.

இதில் எனக்குள்ள சந்தேகம்

எதையும் நேரிடையாக சொல்லும் கலைஞர்..சாத்தான் என்றும்..நீலி என்றும் யாரைக் கூறுகிறார்.

பகுத்தறிவுவாதிகள் சாத்தான் இருப்பதை நம்புகிறார்களா?

Wednesday, March 4, 2009

காதலாவது ...கத்திரிக்காயாவது...(சிறுகதை)

தன் காதலை தியாகம் செய்துவிட வேண்டியதுதான்...என்ன செய்வது...இப்ப எல்லாருக்கும் சுயநலம்தான் முக்கியம்.அவரவர்களின் குறி அவரவர்கள் எதிர்காலம்தான்.

இரவு முழுதும்...தூக்கம் வராமல் புரண்டு படுத்துக் கொண்டிருந்த போது..ஒரு எண்ணம் பளீச்சிட்டது.

இதுவரைக்கும்...நேரிடையாக 'ஐ லவ் யூ' என்று சொல்லியிருந்தால் தானே பிரச்னை.

என்னைப்பொறுத்தவரை லைஃப் பார்ட்னர்..அழகாக இருக்க வேண்டும்.கை நிறைய சம்பாதிக்க வேண்டும்.நல்ல குணம் வேண்டும்.இதையெல்லாம் எண்ணிப் பார்த்துத்தான் காதலிக்க ஆரம்பித்தேன்.பின்ன இப்ப என்ன பிரச்னை என்கிறீர்களா?

திடீரென நேற்று அப்பா..ஒரு குண்டை..தூக்கிப் போட்டுட்டார்..தனது தூரத்து உறவில் ஒரு வரன் இருப்பதாகவும்...அமெரிக்காவில் சாஃப்ட்வேர் இஞ்சினீயராய் இருப்பதாகவும்..ஆண்டுக்கு ஒரு லட்சம் டாலர் சம்பளம் என்றும்.

அதைக்கேட்டதும்தான்...எனக்குள் குழப்பம்.அப்பா மேலும் சொன்னார் ..வசதியான இடம்...மாமியார் பிடுங்கல் இல்லை..திருமணம் முடிந்ததும் ஸ்பௌஸ் விசாவில் நானும் அமேரிக்கா போய் விடலாமாம்.
அவர்கள் கல்யாணத்தை உடனே முடிக்க வேண்டும் என்கிறார்களாம்.அப்பாவும் சரி என்று சொல்லிவிட்டாராம்.

என் விருப்பத்தைக் கேட்டால்தானே...கேட்டிருந்தாலும்...வேண்டாம் என்றா..சொல்லப்போகிறேன்.

ஆனால் என்காதல்...

விஷயத்தை ஒளிக்காமல் சொல்லிவிட்டால் போகிறது.புனிதா ..உண்மையில் என்னைக் காதலிப்பதாக இருந்தால்..புரிந்துக் கொள்வாள்.ஒரு வங்கியில் வேலை செய்யும் அவளைவிட..அமெரிக்காவில் வேலை செய்யும் கீதா உயர்ந்த வரன் என்று.தன் காதலன் வாழ்வில் கண் கலங்காமல் இருந்தால் போதும் என நினைப்பவள் அவள்.

Tuesday, March 3, 2009

தங்கமணிகளும்...தங்கமும்...

தங்கத்தின் மீது ஆசை கொள்ளாத தங்கமணிகள் இருக்க முடியாது.தங்கமான மனது என்கிறோம்.பெண்ணுக்கு புன்னகை மட்டும் அழகில்லை...அவள் அணியும் பொன் நகையும் அவர்கள் அழகைக் கூட்டுகிறது.பெண்களின் பெயர்கள் கூட..தங்கம்,சொர்ணம்,பொன்னு..என்றெல்லாம் வைக்கப்படுகிறது. தமிழ்க்கவிஞர்களும்..நிலவைக்கூட தங்கநிலவு என்று வர்ணிக்கிறார்கள்.தங்கம்..நம் தினசரி வாழ்வில்..நுழைந்து விட்டது.

தங்கம் ...சமீப காலங்களில்..நமக்கு எட்டாக்கனியாக ஆகிக்கொண்டிருக்கிறது.உலகளவில் உயர்ந்துக்கொண்டிருக்கிறது.உலகில் என்ன மாறுதல் நடந்தாலும்..அது தங்கத்தின் விலையில் பிரதிபலிக்கிறது.

முன்பெல்லாம்..ஒரு நாட்டின் உள்ள தங்க இருப்பை வைத்துத்தான் அந்நாட்டு பொருளாதாரமே மதிப்பிடப்பட்டது. இப்பழக்கத்தை அமெரிக்க முன்னாள் அதிபர் நிக்சன் மாற்றினார்.

அப்போதுதான்...தங்கத்தின் மதிப்பீடு பின்னுக்குப் போய். கரன்ஸி மதிப்பீடே நாட்டின் பொருளாதார மதிப்பீடாக மாற்றி அமைக்கப்பட்டது.

இந்தியாவில் கூட..அதற்குப் பின்னர்தான் 'எவ்வளவு சதவிகிதம் கரன்ஸி நோட்டுகள் அச்சடிக்கப்படுகிறதோ..அதில் குறிப்பிட்ட சதவிகிதம்..தங்கம் ரிசர்வ் வங்கியில் இருக்க வேண்டும்' என்ற முறை வந்தது.

தங்க நகைகளை வாங்கும்... சாமான்யர்கள்...ஒரு முதலீடாகத்தான் நினைத்து வாங்குகிறார்கள்.அதனால்தான் பெண்கள் கல்யாணமாகிப் போகும்போதும்.. ஏற்படப்போகும் எதிர்பாராத செலவுகளுக்காக ..பாதுகாப்பாக நகைகளை..முடிந்த அளவிற்கு கொடுக்கும் வழக்கம் இருந்து வருகிறது.ஆனால்...அதுவே..கல்யாணம் என்றால் நகைகள் என்பது கட்டாயம் ஆகி விட்டது.

இன்றைக்கு...உங்க கோல்டு கவுன்சில் கூற்றுப்படி ..தங்க உபயோகத்தில் இந்தியா முதல் இடம் வகிக்கிறது.

ஆம்...இன்றைய நிலையில் தங்கம் வாங்குவது புத்திசாலித்தனமா?

இல்லை என்கிறது ஒரு தரப்பு.இவர்கள் தங்களிடம் உள்ள நகைகளில் ஒரு பகுதியை விற்று..லாபம் பார்க்கிறார்கள் இன்று.

இன்னொரு தரப்போ..என்ன விலை விற்றால் என்ன? சேதாரம் எவ்வளவு சதவிகிதம் இருந்தால் என்ன? தயாரிப்பு விலை என்னவானால் என்ன? என்றெல்லாம் எண்ணாமல் வாங்கிக் கொண்டுதான் இருக்கிறார்கள்.

இந்த சேதார விஷயத்தைப் பாருங்கள்...

இன்று சவரன் விலை 1400 என வைத்துக்கொண்டால்..அதை நகையாக வாங்கும் போது 20 சதவிகிதம் சேதாரம் என்கிறார்கள்..விலையிடும்போது.அதாவது 280 ரூபாய்., அப்போது..சந்தை விலை 1400 என்றாலும் ..நாம் கொடுப்பது 1680 ரூபாய் என்பதை மறக்கக்கூடாது.

Monday, March 2, 2009

பெண்களும்...அந்த மூன்று நாட்களும்...

ஆன்மீக காரியங்கள் செய்யும் போது... வீட்டுவிலக்கு ஆன பெண்கள் கலந்துக் கொள்ளக்கூடாது என்கிறார்களே அது பற்றி உங்கள் கருத்து என்ன என்று ஒரு முறை ஜக்கி வாசுதேவிடம் ஒரு அன்பர் கேட்டார்...அதற்கு ஜக்கி அளித்த பதில்....

'ஆணும்..பெண்ணும்..ஒரே இனத்தைச் சேர்ந்தவர்கள் என்பதை மறந்துவிட்டவர்களின் முட்டாள்தனம் இது..

ஆதிகாலத்தில் உடல் வலுவாக இருந்த காரணத்தால்..ஆணின் ஆதிக்கம் ஓங்கி இருந்தது..ஆனாலும் ..ஒவ்வொரு கணமும் தன் எண்ணத்தை பெண் ஆக்கிரமிப்பதை அவன் கவனித்தான்.

உடல்ரீதியாக பலம் கொண்டவனாக இருந்த போதிலும்...மன ரீதியாகப் பெண்ணிடம் அடிமைப்பட்டு விடுவோமோ என்ற அச்சம் அவனை ஆட்டிப்படைத்தது.கொஞ்சம் விட்டால்..அதிகாரத்தைப் பெண் எடுத்துக் கொண்டுவிடுவாளோ..என்று..அரசர்கள்,மதகுருமார்கள் என அனைவரும் கலங்கினார்கள்.அதனால் பெண்ணுக்கு ஆயிரம் கட்டுப்பாடுகளை விதித்தார்கள்.அதில் ஒன்றுதான் இந்த மாதவிலக்கும்.

மாதம் ஒருமுறை..பெண் அசுத்தமாகிறாள்..என்று சொல்பவர்கள்..வசதியாக ஒன்றை மறந்துவிடுகிறார்கள்.

நீங்கள் உங்கள் அன்னையின் கருவில் இருந்த பத்து மாதங்களும்..அவளுடைய அசுத்தங்கள் வெளியேறவில்லை.அப்படியானால்...அந்த அசுத்தங்கள்தானே நீங்கள்? படிப்படியாக உருவாக்கப்பட்டு இருக்கிறீர்கள்.உங்கள் உடலின் ஒவ்வொரு துளி ரத்தமும்,நரம்பும்,தசையும்,எலும்பும்..அந்த அசுத்தத்தால்தானே உருவாயிருக்க முடியும்?

ஒரு பெண்ணை அசுத்தம் என்றால்...அவளிடமிருந்து உருவான நாம்..அவளைக்காட்டிலும் அசுத்தமானவர்கள்.....என்றார்

தூக்கம் உன் கண்களை தழுவட்டுமே...

வாழ்க்கை இன்பமாய் இருக்க தேவை மூன்று.
1.நல்ல உணவு
2.நல்லதூக்கம்
3.அன்பான வாழ்க்கைத்துணை.

முதல் தேவைக்கும்...மூன்றாம் தேவைக்கும் சற்று தொடர்பு இருப்பதால்..அதை இப்போது பரிசீலிக்க வேண்டாம்.

இரண்டாம் தேவையை...நல்ல தூக்கம்..அதைப் பார்ப்போம்..

உணவைப்போல் தூக்கமும் உடலுக்கு ஊட்டம் தரும் விஷயம் ஆகும்.

தூக்கம் என்பது..சொகுசான விஷயமாகக் கருதப்பட்டு..இப்போது சமூக வாழ்க்கையில் அதன் முக்கியத்துவம் குறைந்துவிட்டது..இரவு முழுதும் வேலை..காலையில் தான் தூக்கம்..அப்படி ஆகிவிட்டது இன்றைய பெரும்பாலான இளைஞர்களுக்கு.

ஒருவனுடைய..சுகம்,துக்கம்,இளைக்கும் தன்மை,பலம், பலவீனம் எல்லாவற்றையும் தூக்கமே தீர்மானிக்கிறது.

மனதிற்கும்..உணர்வுகளுக்கும்..தொடர்பு இல்லாத போது..நாள் முழுக்க உழைத்து மூளை களைப்புறும்போது..நம் கண்கள் பார்ப்பது..மனதில் பதிவதில்லை.காதுகள் கேட்பது மூளைக்கு செல்வதில்லை.நாள் முழுதும் நாம் சேகரித்த விஷயங்களை செரிக்க மூளைக்கு ஓய்வு வேண்டும்.அது தூக்கத்தால் மட்டுமே முடியும்.

இரவில் சீக்கிரம் படுத்து..காலையில் சீக்கிரம் எழுவது நல்லது.சராசரியாக ஏழு மணி முதல் எட்டு மணி நேரம் தூங்க வேண்டும்.கிழக்கு திசையில் தலைவைத்து படுத்தால்..சலனமில்லா ஆழ்ந்த உறக்கம் வரும்.தெற்கு திசை...உடல் களைப்பு நீங்கும்..இவை இரண்டும் ஓகே..

மேற்கே தலைவைத்தால்..பயங்கர கனவுகள்..வரும்.மனக்குழப்பத்திலேயே இருக்கும்.வடக்கு திசையில் தலை வைத்தால்..பூமியின் காந்த மண்டலம் இருப்பதால்..உடலின் ரத்த ஓட்டம் பதிக்கப்படுமாம்.எவ்வளவு தூங்கினாலும்..தூங்கினாற்போல் இராது.

தூக்கம் பற்றி பதிவு போட காரணமாய் இருந்த பரிசலுக்கும்..தாமிராவிற்கும் நன்றி..

Sunday, March 1, 2009

மட்டக்களப்பில் தாயின் முன்னே மகள் பாலியல் வல்லுறவு

(எனக்கு வந்த ஒரு மின்னஞ்சல்)

திகதி: 02.03.2009 // தமிழீழம் // [விடியல்]
மட்டக்களப்பு மாவட்டத்தின் களுவாஞ்சிக்குடி பிரதேசத்தில் நேற்று முன்தினம் சனிக்கிழமை காலை சிறிலங்கா விசேட அதிரடிப்படையினரால் சுற்றிவளைக்கப்பட்டு முழுமையான சோதனைகளுக்குட்படுத்தப்பட்டது.


இதன்போது வெல்லாவெளியிலுள்ள வீடொன்றிற்குச் சென்ற விசேட அதிரடிப் படையினர் அங்கிருந்த 14 வயது சிறுமியை கதறக் கதற பாலியல் வல்லுறவுக்கு உட்படுத்தியுள்ளனர். அச்சிறுமியின் தாயை கட்டிப்போட்டபின் தாயின் முன்னாலேயே இச்சிறுமி பாலியல் வல்லுறவுக்கு உட்படுத்தப்பட்டுள்ளார்.


இது பற்றி மேலும் தெரியவருவதாவது. சம்பவத்தன்று அதிகாலை களுவாஞ்சிக்குடி- வெல்லாவெளிப் பிரதேசத்தில் சுற்றிவளைப்பை மேற்கொண்ட விசேட அதிரடிப்படையினர். வீடுகளிலிருந்த ஆண்கள் அனைவரையும் ஆலயம் ஒன்றுக்குச் செல்லுமாறு ஒலிபெருக்கிமூலம் அறிவித்தனர்.


பின்னர் வீடு வீடாக சோதனை நடவடிக்கைகளை மேற்கொண்டனர். வீட்டிலுள்ள உறுப்பினர்களின் விபரங்கள் மற்றும் வீட்டிலிருக்கின்ற பெண்களின் விபரங்களையும் அவர்களின் வயதுகளையும் கேட்டு குறித்துக் கொண்டதாக அப்பகுதி மக்கள் தெரிவிக்கின்றனர்.


5 விசேட அதிரடிப்படையினர் வந்ததாகவும் தயைக் கட்டிப்போட்டபின்னர் ஏனைய நால்வரும் வீட்டிற்கு வெளியே காவலுக்கு நிற்க ஒருவர் மட்டும் சிறுமியை கதறக் கதற வல்லுறவுக்கு உட்படுத்தியுள்ளார். 14 வயதுடைய வை.புனிதவதி என்ற இச்சிறுமி களுவாஞ்சிக்குடி வைத்தியசாலையில் அனுமதிக்கப்பட்டு தற்பொழுது மேலதிக சிகிச்சைக்காக மட்டக்களப்பு வைத்தியசாலையில் 17 ஆம் இலக்க வார்ட்டில் அனுமதிக்கப்பட்டிருக்கிறார்.


இவர் பருவமடைந்து 25 நாட்களே ஆகியிருப்பதாக இவரது தாயார் தெரிவித்தார். இன்று காலை மட்டக்களப்ப பொது வைத்தியசாலைக்குச் சென்ற வெல்லாவெளி பொலிஸார் சுமார் ஒன்றரை மணித்தியாலங்கள் இச்சிறுமியை விசாரணை செய்துள்ளனர்.


எனினும் சம்பவத்தன்று குறைந்தது 5 வீடுகளிலாவது பெண்கள் பாலியல் வல்லுறவுக்கு உட்படுத்தப்பட்டிருக்கலாம் என வைத்தியசாலை வட்டாரங்கள் தெரிவிக்கின்றன.


எனினும் இது தொடர்பான மேலதிக தகவல்களை தர வைத்தியசாலை தரப்பினர் மறுத்துவிட்டனர். ஆனால் சுற்றிவளைப்பின்போது சில வீடுகளில் இருந்து பெண்களின் கூக்குரல் சத்தங்கள் கேட்டதாகவும் உடனே அவ்விடத்திற்குச் சென்று தம்மால் பார்க்கமுடியாமல் விசேட அதிரடிப் படையினர் நிறுத்திவைக்கப் பட்டிருந்ததாகவும் வெல்லாவெளி பிரதேசவாசி ஒருவர் தெரிவித்தார்.


இது தொடர்பாக துணை இராணுவக்குழுத் தலைவர்களில் ஒருவரான பிள்ளையானை நேரில் சந்தித்த மக்கள் பிரதிநிதிகள் இச்சம்பவம் தொடர்பாக கேள்வியெழுப்பியுள்ளனர். அதற்கு பிள்ளையான் " இதற்காகத்தான் நான் சிவில் பாதுகாப்பை கேட்டிருந்தேன். கருணாதான் எல்லாவற்றையும் குழப்பினார். இப்பொழுது எனது கைகள் கட்டப்பட்டுள்ளன. கருணாவின் அடுத்த கூட்டத்தில் போய் கேளுங்கள்" என கூறி நைசாக நழுவிவிட்டாராம். இச் சம்பவம் மட்டக்களப்பு மக்களிடையே பெரும்பீதியை தோற்றுவித்துள்ளது.


அண்மையில் சிறிலங்காவின் பாதுகாப்பு செயலர் கோத்தபாய ராஜபக்ச தமிழ் பெண்களை சிங்கள இராணுவத்தினர் விருந்தாக்கி கொள்ளுமாறு கூறியிருந்தது குறிப்பிடத்தக்கது.

--
அன்புடன்,

தமிழன்.

Saturday, February 28, 2009

சுஜாதாவின் டாப் 10 தேவைகள்..

தமிழ் வலைப்பதிவுகளில் கடந்த சில நாட்களாக பத்து என்னும் எண்..கிட்டத்தட்ட அனைத்து பிரபல பதிவர்கள் பதிவிலும் காணப்பட்டது.

முதன் முதலில்..ஒருவர்..பத்து கேள்விகள் என்று ஒரு பதிவு போட்டார்...பிறகு ஒவ்வொருவரும்..ஒவ்வொருவரிடம் கேட்கப்பட வேண்டிய 10 கேள்விகள்...என்று...கிட்டத்தட்ட..ஒரு புது தமிழ் படம் வந்தால் பதிவில் வரும் விமரிசனங்கள் போன்ற எண்ணிக்கையில் பதிவிட்டனர்.

அது சற்றே ஓய்ந்தபோது..தமிழ்மண விருதுகள்.பரிசு கிடைக்காத என்னைப் போன்றவர்கள்..டாப் 10ல் என் பதிவு..என்று பதிவிட ஆரம்பித்து விட்டோம்.நான் கிட்டத்தட்ட..டாப் 10ல் முதல் என்று ,உளியின் ஓசை'கலைஞர் டீ.வி.யில் சொன்னபோது..என்ன சந்தோஷம் சம்பந்தப்பட்டவர்கள் அடைந்தனரோ..அந்த அளவுக்கு என் பதிவும் டாப் 10ல் வந்ததற்கு மகிழ்ச்சிஅடைந்தேன்.

சரி...இந்த பதிவு இப்போது எதற்கு என்கிறீர்களா...

அமரர் சுஜாதா தன் டாப் 10 தேவைகள்/கவலைகள் என்று கற்றதும்...பெற்றதும்..தொடரில் சொல்கிறார் தெரியுமா?

1.உடல்நலம்....இதுவே முதல் இடம்

2.மனநலம்

3.மற்றவர்களுக்கு தொந்தரவு கொடுக்காமல் இருப்பது

4.தெரிந்தோ..தெரியாமலோ..யார் மனதையும் புண் படுத்தாமல் இருப்பது

5.இன்சொல்

6.அனுதாபம்

7.நல்ல காபி

8.நகைச்சுவை உணர்வு

9.நான்கு பக்கமாவது தினம் படிப்பது

10.எழுதுவது

இதை எழுதுகையில் அவர் வயது 70.

மேலும் அவர் சொல்கிறார்..பணம்..இந்த லிஸ்டில் இல்லை..அது இந்த வயதில் லிஸ்டை விட்டு போய்விட்டது.

இனி டாப் 10 தேவைகள் பதிவுகளை எதிர்ப்பார்க்கலாமா?

Friday, February 27, 2009

தேங்காய்..மாங்காய்..பட்டாணி..சுண்டல்..(28-2-09)

1.தமிழ்...தமிழனால்தான் கெட்டுப்போய் இருக்கிறது.பேசும்போது கொச்சை பதங்களுக்கு அளவுக்கு மிஞ்சி இடம் கொடுத்துவிடுவது.இரண்டாவது ஆங்கில மொழிகளைத் தயக்கமின்றி எல்லாக் காரியங்களுக்கும்..எல்லாச் சமயங்களிலும் கலந்து பேசும் வழக்கம்..மூன்றாவது..பேசும்போது..கைகளையும்..தலையையும் ஆட்டி..பேச்சுக்குப் பதிலாக உடலை உபயோகித்து பேசுவது.மொத்தத்தில்..சோம்பேறிகளைப் பெற்ற தாயைப்போல தமிழன்னை அவதிப் படுகிறாள்.இப்படிச் சொன்னவர் மூதறிஞர் ராஜாஜி.

2.இந்தியாவில்...1997 முதல் 2007 வரை..பத்தாண்டுகளில் மட்டும் விவசாயிகள் ஒரு லட்சத்து 82 ஆயிரத்து 936 பேர் தற்கொலை செய்துக் கொண்டுள்ளனர்.சராசரி ஆண்டுக்கு 18700 பேர்.நமக்கு சாப்பாடு போடும்..இந்திய விவசாயிகள் நிலை பாரீர். ஜெய் கிசான்..

3.ஸ்லம்....படத்தில்..வரும் தாராவி குப்பம் 520 ஏக்கர் பரப்பில் 93 பகுதிகளைக் கொண்ட 3600 குப்பங்களாம்.ஆசியாவிலேயே பெரிய குப்பம் இதுதானாம்.ஆனால்...2001ல் ஐ.ஏ.எஸ்.,தேர்வில் அதிக மதிப்பெண் பெற்று தேர்வு பெற்றவர்..இந்த குப்பத்தை சேர்ந்தவராம்.தற்போது மும்பை கூடுதல் முனிசிபல் கமிஷனர் எஸ்.எஸ்.ஷிண்டே இங்கே பிறந்து வளர்ந்தவராம்.தற்போது 46 மருத்துவம் படிக்கும் மாணவர்களும்,38 பொறியியல் படிக்கும் மாணவர்களும் உள்ளனராம்.எங்கள் குப்பம் பற்றி..ஸ்லம்...படத்தில் காட்டப்பட்டிருக்கும் ஒவ்வொரு விஷயமும்...அப்பட்டமான பொய் என்கின்றனராம் இப்பகுதி மக்கள்.

4.வாழ்க்கையை எப்படி வாழவேண்டும் தெரியுமா?..தாமரையைப் போல.,தாமரை சேற்றில் புதைந்து விடுகிறது.தாமரை மலர் மிகப் புனிதமானது.சேற்றின் நாற்றமோ,தண்ணீரின் சலசலப்போ..அதன் அழுக்கோ அதனை பாதிப்பதில்லை.தாமரை இலையோ இன்னும் நேர்த்தியாக ஒரு துளி தண்ணீர்கூட ஒட்டாமல்..'என்னைப்பார்..எவ்வளவு சுத்தம்..'என நம்மைப் பார்த்து சிரிக்கிறது.'வெள்ளத்தனைய நீர் மட்டம்' என்பது போல தண்ணீர் எந்த அளவு இருக்கிறதோ..அந்த அளவிற்கு தண்டுகளைச் சுருக்கி தாமரை அது பாட்டிற்கு..எதைப்பற்றியும் கவலைப்படாமல் இருக்கிறது.

5.ஒரு கவிதை

கடைசி சவம் விழுந்ததும்
கட்டாயம் அறிவிக்கப்படும்
போர் நிறுத்த அறிவிப்பு.

6.ஒரு ஜோக்

டாக்டர்-(அரசியல்வாதி நோயாளியிடம்) இரண்டுநாள் டயட் ரெஸ்ட் ரிக்ட் பண்ணினா உடம்பு குணமாயிடும்.
அரசியல்வாதி- அப்போ..மக்கள் ஒற்றுமையா இருக்கணும்னு இரண்டு நாள் உண்ணாவிரதம் அறிவிச்சுடறேன்.ஒரே கல்லில இரண்டு மாங்காய்

தமிழ்மணம் விருது எனக்கு ஏன் கிடைக்கவில்லை...

தமிழ்மணம் விருதுகள் 2008 போட்டி நடந்ததையே..கிட்டத்தட்ட அனைவரும் மறந்து விட்ட நிலையில்...முடிவுகள் வெளியிடப்பட்டுள்ளன.

வெற்றி பெற்ற அனைவருக்கும் என் வாழ்த்துகளை தெரிவித்துக்கொள்கிறேன்.

வெற்றி பெறாதவவர்கள்..குறைந்தது தங்கள் பதிவு டாப் 10க்குள் வந்ததா என்று பார்த்து..சர்வேசன் போல் சந்தோஷப்படலாம்.,அதுவும் இல்லாதவர்களுக்கு better luck next time.

இப்போ தலைப்பு வருகிறேன்...

என் பதிவும் டாப் டென்னில் வந்திருந்தாலும்...எனக்கு ஏன் விருது கிடைக்கவில்லை..என மண்டையை குடைந்துக்கொண்டதில்...அதற்கான காரணம் புரிந்தது.

போட்டியில் ..நான் கலந்துக்கொண்ட பிரிவில்..நிறைய பதிவர்கள்..பதிவுகளும் இருந்தன.அப்படியில்லாமல்..இரண்டே பேர் கலந்துக் கொண்டிருந்தால் எனக்கு அந்த பிரிவில் விருது கிடைத்திருக்கும்.

குலப்ஜாமூன் விளம்பரத்தில் குட்டிப்பையன் கலந்துக்கொண்ட ஒட்டப்பந்தயம் போல.

Thursday, February 26, 2009

சிவாஜி ஒரு சகாப்தம் - 2

1954ல் இவர் நடித்து வெளிவந்த படங்கள்

மனோகரா, இல்லறஜோதி, அந்தநாள், கல்யாணம் பண்ணியும்  பிரம்மச்சாரி, துளிவிஷம், கூண்டுக்கிளி, தூக்கு தூக்கி, எதிர்பாராதது. இவைத் தவிர..மனோகரா..ஹிந்தி மற்றும் தெலுங்கு.

மனோகரா...மீண்டும் கலைஞர்..கதை வசனம்.மாபெரும் வெற்றி பெற்ற..படம்..பராசக்தி..கோர்ட் காட்சி வசனம் போல்...இப்படத்திலும்...கிளைமாக்ஸில்..கண்ணாம்பா,சிவாஜி வசனங்கள்..தனியாக இசைத்தட்டாகவே வந்து..அனைவராலும் முணுமுணுக்கப்பட்டவை. இப்படத்தில்..கிரிஜா என்னும் நடிகை நடிகர் திலகத்தின் ஜோடி.டி.ஆர்.ராஜகுமாரி,எஸ்.ஏ.நடராஜன்..வில்லி..வில்லன்.

இப்படத்தைப் பற்றி சிவாஜி ஒருமுறை கூறுகையில், நான் கஷ்டப்பட்டு பக்கம் பக்கமாய் வசனம் பேசியிருந்தாலும்.."பொறுத்தது போதும்..பொங்கி எழு மனோகரா" என்று கண்ணாம்பா பேசிய வசனத்தால் என்னைவிட அதிகமாக போற்றப்பட்டார் என்றார்.இது அவரின் பெருந்தன்மையினைக் காட்டுகிறது

இல்லறஜோதி..கண்ணதாசன்..கதை..வசனம்..படம் எதிர்ப்பார்த்த அளவு பேசப்படவில்லை.

எஸ்.பாலசந்தர் கதை வசனத்தில் வந்த படம்..அந்தநாள்.தயாரிப்பாளர் ஏ.வி.ஏம்.,சிவாஜிக்கு..வில்லத்தனமான கதானாயகன் பாத்திரம்.தேசதுரோகம் செய்யும் அவரை..அவர் மனையாக வரும் பண்டரிபாயே கொலை செய்துவிடுவார்.(பின்னாளில் வந்த கே.பாலசந்தரின்..அச்சமில்லை..அச்சமில்லை.ஞாபகம் வருகிறதா?)அந்தநாளில்..அந்தநாள் தான் பாடல்களே இல்லாமல் வந்த முதல் தமிழ் படம் எனலாம்.

கல்யாணம் பண்ணியும் பிரம்மச்சாரி...நகைச்சுவைக்கு முக்கியத்துவம் கொடுத்து..பி.ஆர்.பந்துலு எடுத்தபடம்.பத்மினி காதானாயகி.படம் வெளிவந்த போது..எதிர்ப்பார்த்த வெற்றி அடையவில்லை என்றாலும்..இரண்டாவது..மூன்றாவது ஓட்டங்களில்..வசூலை குவித்தது எனலாம்.

துளிவிஷம்...சிவாஜி வில்லன் பாத்திரம்..பாரதிதாசன் கதை என்பதைத் தவிர..சொல்ல ஒன்றுமில்லை.

கூண்டுக்கிளி....தமிழ்த் திரையில்..புரட்சி நடிகரும்..நடிகர் திலகமும் நடித்து வந்த ஒரே படம்.டி.ஆர்.ராமண்ணா தயாரிப்பு..இயக்கம்.பி.எஸ்.சரோஜா நாயகி.சிவாஜிக்கு வில்லன் பாத்திரம்..ப


எதிர்பாராதது..ஸ்ரீதரின் கதை வசனம்.நாயகனின் நாயகி (பத்மினி)யே..எதிர்பாராமல்..நாயகனுக்கு அம்மா வாகிறார்.(மூன்று முடிச்சு?).படம் வெற்றி. சிற்பி செதுக்காத பொற்சிலையே..என்ற ஏ.எம்.ராஜாவின் பாடல் இன்றும் கேட்க இனிமையானது.

தூக்கு தூக்கி...என்ன சொல்ல முடியும்..வெற்றி..வெற்றி...வெற்றி..தான்.இன்றும் இப்படத்திற்கு ரசிகர்கள் உண்டு.பத்மினி.லலிதா,ராகினி,பாலையா..இப்படி நட்சத்திரக் கூட்டம்.இப்படப் பாடல்களைப் பாட..திருச்சி லோகனாதனைக் கேட்டார்களாம்.அச்சமயத்தில் பீக்கில் இருந்ததால்..அவர் அதிகத் தொகைக் கேட்க தயாரிப்பாளர்கள்..அவ்வளவு முடியாது என உரைக்க ..அப்போ..மதுரைல இருந்து ஒரு
பையன் வந்திக்கான்..அவனை பாடச்சொல்லுங்க..என்றாராம்..லோகநாதன். அந்த பாடகர்தான்..டி.எம்.எஸ்.,

பெண்களை நம்பாதே...ஏறாத மலைமேலே..அபாய அறிவிப்பு, சுந்தரி சௌந்தரி..குரங்கிலிருந்து போன்ற அற்புதமான பாடல்கள் நிறைந்த படம் இது.

கொண்டு வந்தால் தந்தை
கொண்டு வந்தாலும் வராவிட்டாலும் தாய்
சீர் கொண்டு வந்தால் சகோதரி
கொலையும் செய்வாள் பத்தினி
உயிர் காப்பான் தோழன்

இதை ஒரு கூட்டத்தில் கேட்ட சிவாஜி, அதை மறுக்கிறார்.ஆனாலவர் வாழ்வில் இவை அனைத்தும் உண்மையாகிறது

இனி 1955ல் வந்த படங்கள்...அடுத்த பதிவில்...

அபி அப்பாவும்...இந்த பதிவும்..

அபி அப்பா இன்னிக்கு ஒரு பதிவு போட்டிருக்கார்.பாடாவதி ஹிந்தி வாத்தியார்ன்னு.
http://abiappa.blogspot.com/2009/02/blog-post_26.html


அதைப்படிச்சதும்..எனக்கு ஒரு விஷயம் ஞாபகம் வந்தது.இது உண்மையா நடந்ததான்னு எனக்குத் தெரியாது.ஆனா உங்களைப்போல ஒரு நண்பர் சொன்னது.

அந்த பகுதி..அந்தணர்கள் நிறைந்த பகுதி.அங்கே சாக்கடை அடைத்துக் கொண்டுவிட்டது.தெருவிற்குள்ளே நுழையக்கூட முடியாத படிக்கு..ஒரே கப்பு.

அவங்களைப் பத்தித் தெரியுமே..ஒரு ஓய்வு பெற்ற பெரிசு..மேயருக்கு..ஒரு புகார் கடிதம் எழுதிட்டு..ஹிந்து பத்திரிகைல..லெட்டர்ஸ் டூ தி எடிட்டர் காலத்திற்கும் எழுதிடுத்து. பலன்...லெட்டர் பிரசுரமானதுடன் சரி..நிவாரணம்..கிடைக்கவில்லை.ஆனால் பெரிசோ..எல்லார் கிட்டேயும் பெருமையா..என் பேரு பேப்பர்ல வந்துடுத்து குதிச்சுதாம்.

உடனே இன்னொரு பெரிசு 'அதனால..என்ன ஓய்..பிரயோசனம்...சாக்கடை அடைப்பு..நீங்களையே..' ன்னு உசுப்பி விட்டுடுத்து.

இவருக்கு கோபம் வந்து..தலைமைசெயலகத்திற்கு..அலையாய்..அலைந்து..முதல்வர் அலுவலகத்தில் மனு கொடுத்தது.

தேர்தல் வரும் சுழல்..இருந்ததால்..மனுவும்..முதல்வர் கண் பார்வைக்கு சென்றது. உடனே..வாக்குகள் மீது கண் இருந்ததால்..முதல்வரும்..நகர மேயருக்கு..அந்த கடிதத்தில்..சில எழுத்துக்களை எழுதி
ஃபார்வேர்ட் பண்னினார்..

அப்புறம் என்ன என்கிறீர்களா?

அப்பறம் தான் விசேஷமே..முதல்வர் எழுதியதைப்படித்ததும்...மேயருக்கு..அவர் என்ன சொல்ல வருகிறார்..சரி செய்ய சொல்கிறாரா..வேண்டாம் என்கிறாரா எனத் தெரியவில்லையாம்..ஆமாம் அப்படி..முதல்வர் என்ன எழுதினார் என்கிறீர்களா?

அவர் எழுதியது...

அந்தணர் வாழும் பகுதி...ஆவன செய்யவும்...

Wednesday, February 25, 2009

வாய் விட்டு சிரியுங்க....

1.ரௌடித்தனம் பண்ணி பணம் சம்பாதிச்சுக் கிட்டிருந்த கேடி கபாலிக்கு வேலை கிடைச்சிருக்கிறதே..
என்ன வேலை
போலீஸ் கான்ஸ்டபிளாக.

2.படத்திலே சம்பந்தமே இல்லாம ஒரு டெம்போ அடிக்கடி வருதே ஏன்?
படத்தில டெம்போ இல்லைன்னு..யாரும் சொல்லக்கூடாது..இல்லையா..அதனால்தான்

3.உன் பாட்டியை ஆம்புலன்ஸ்ல எங்கே அழைச்சுக்கிட்டுப் போறே..
பாட்டிக்கு உடம்பு சரியில்லை..லீவு வேணும்னா அதிகாரி நம்பமாட்டேன்னு சொல்றார்..அதான் நேரே அழைச்சுக்கிட்டுப் போறேன்

4.தலைவருக்கு எடைக்கு எடை அவுல் கொடுக்கறாங்களே..ஏன்?
எப்போதும் வெறும் வாயை மெல்லுகிறாராம்

5.அப்பா..200 கிராம் டூத் பேஸ்ட்ல..எவ்வளவு பேஸ்ட் இருக்கும்..
காற்றுப்போக 100 கிராம் இருக்கும்

6.உங்க கல்யாணத்திற்கு வரமுடியல...சாரி..
அதனால பரவாயில்லை...இப்பக்கூட நீங்க் மொய் எழுதலாம்.

7.என்ன டாக்டர்..வயிற்றில ஸ்டெத்தை வைச்சு தலையை ஆட்டிக்கிட்டு இருக்கீங்க?
உஷ்...சத்தம் போடாதீங்க..உள்ள வலையப்பட்டி ரேஞ்சுக்கு தவுல் வாசிக்கிற சத்தம் வருது

Tuesday, February 24, 2009

வண்ணதாசன் என்னும் என் அன்பு நண்பர்..

வண்ணதாசன்...

எஸ்.கல்யாணசுந்தரம்

கல்யாண்ஜி

நவீன தமிழ்ச்சிறுகதை உலகின் முடிசூடா மன்னன்.திருநெல்வேலி..சொந்த ஊராய் இருந்தாலும்...நம் அனைவருக்கும் சொந்தமானவர்.பிரபல இலக்கிய விமரிசகரும்,சாகித்ய அகடமி..விருதும் பெற்றவருமான..பொது உடமைவாதியான தி.க.சி., என எல்லோராலும் அறியப்படும்..தி.க.சிவசங்கரனின்மகன் ...1962ல் தீபம் இதழில் எழுத ஆரம்பித்தவர்.பின் பல சிறுகதைகள் பல பத்திரிகைகளிலும் வண்ணதாசன் என்ற பெயரில் எழுதினார்.

பழக மிகவும் இனியவர்.....மறந்தும் கடினமான சொற்களைக் கூறாதவர்.இவர் படைத்துள்ள கதைகள் அனைத்தும்..இலக்கியத்தரத்துடன் இருப்பதோடு..அவற்றுள் கருணையும்..பிரியமும்..மெல்லிய நடைபோடும்.

சாதாரணமாக நாம் யாருக்கும் கடிதம் எழுதுவதில்லை...காரணம் சோம்பேறித்தனம்.ஆனால்..இவர்..அனைவருடன் கடிதத்தொடர்புள்ளவர். 'என்றென்றும் அன்புடன்.." என்ற இவரின் கடிதத் தொகுப்புக்கூட இலக்கிய மணம் வீசும்.

தோட்டத்துக்கு வெளியே சில பூக்கள்,சமவெளி,பெயர் தெரியாமல் ஒரு பறவை,கிருஷ்ணன் வைத்த வீடு..ஆகியவை இவரின் சிறுகதைத் தொகுப்புகள்.எல்லா சிறுகதைகளும் சேர்ந்து..சந்தியா பதிப்பகம் புத்தகமாக வெளியிட்டுள்ளது.

இவர் சமீபத்தில் விகடனில் எழுதிய 'அகம் புறம்' அனைவரும் படித்து ஆனந்த அடைய வேண்டிய ஒன்று.இதுவும்..விகடன் பிரசுரம் புத்தகமாக வெளியிட்டுள்ளது.

'சின்னு முதல் சின்னு வரை' என்ற ஒரு நெடுங்கதையும் எழுதியுள்ளார். இவரின் சிறுகதைகள்..பல்கலைக்கழகங்களில் பாடமாக வைக்கப்பட்டுள்ளன.

கல்யாண்ஜி என்ற பெயரில் கவிதைகள் எழுதுகிறார்.

இலக்கியச்சிந்தனை உள்ளிட்ட பல விருதுகளைப் பெற்றவர்..தமிழக அரசின் கலைமாமணி விருது பெற்றவர்..சாகித்ய அகடமி விருது பெற வேண்டிய எழுத்தாளர்கள் வரிசையில் முன்னால் நின்றுக்கொண்டிருப்பவர்.

கலைஞரின் படைப்பு ஒன்று(தென் பாண்டி சிங்கம் என்று நினைவு)..சன் டீ.வி.யில் இளையபாரதி (தற்சமயம்..இயல்,இசை,நாடக மன்றத்தில் செயலராக உள்ளார்) தயாரித்த போது..அவருடன் சேர்ந்து வண்ணதாசன் வசன உதவி புரிந்துள்ளார்.

புதிதாக எழுத வருபவர்கள்..வண்ணதாசனை படிக்க வேண்டும்..என சுஜாதா அடிக்கடி கூறுவார்.

ஸ்டேட் வங்கியில்..அதிகாரியாக பணி புரிந்து..ஓய்வு பெற்று..திருநெல்வெலியில் தற்போது வசித்து வருகிறார்..அன்பு மனைவி வள்ளியுடன்.இவருக்கு..சங்கரி என்ற மகளும்..ராஜு என்ற மகனும் உள்ளனர்.

இவருடன் சேர்ந்து..வங்கியில் 3 ஆண்டுகளுக்குமேல் பணிபுரிந்தவன்..நான்...

அந்த நாட்கள்..என் வாழ்வின் வசந்தகாலங்கள்.

அவரின் கவிதை ஒன்று.

இருந்தவை...தொலைந்தவை..

கார்த்திகை ராத்திரி
ஏற்றின கடைசி விளக்கை
வைத்துத் திரும்புமுன்
அணைந்துவிடுகிறது
முதல் விளக்குகளுள் ஒன்று.
எரிகிறபோது பார்க்காமல்
எப்போதுமே
அணைந்த பிறகுதான்
அதைச் சற்று
அதிகம் பார்க்கிறோம்.
எரிந்த பொழுதில்
இருந்த வெளிச்சத்தைவிட
அணைந்த பொழுதில்
தொலைந்த வெளிச்சம்
பரவுகிறது
மனதில் பிரகாசமாக.

அதி புத்திசாலி அண்ணாசாமியும்...ஆஸ்கார் விருதும்...

நம் திரையுலகில் ஒரு படம் வெற்ரிப்பெற்றால்...தொடர்ந்து..அதே பாணியில் படங்கள் வரும்.,

ஆனால்..ஸ்லம்டாக்...படம் ஆஸ்கார் விருதுகளைக் குவித்ததால்...அண்ணாசாமிக்கும் படம் எடுக்கும் ஆசையும்..அதற்கு ஆஸ்கார் வாங்கும் ஆசையும் வந்துவிட்டது.ஆனால்..அவர் புத்திசாலியாயிற்றே!அதனால்..ஸ்லம்..படத்திர்கு பதில் பாஷ் ஃபாக்ஸ் (posh fox) படம் எடுக்க தீர்மானித்து விட்டார்.

மேலும் இந்தியாவில்..வசதிப்படைத்தவர்களும் இருக்கிறார்கள் என உலகுக்கு தெரிவிக்கப்போகிறாராம்.அவர் இந்த படத்தில் சொல்ல ஆசைப்படுவது...

ஒரு ஏழை...வயிற்றுக்கு இல்லாமல்...கிராமத்திலிருந்து சென்னை வருகிறான்.அரசியல் கட்சி ஒன்றில் சேர்ந்து..அக்கட்சி தலைவரின் பிரதம சீடன் ஆகிறான்.அப்போது..'தல ஹோ..தல ஹோ' ன்னு ஒருபாடல்.மக்களை எப்படி ஏமாற்றும் வழிகளை அறிகிறான்.உண்ணாவிரதம் என்று காலையில் பிரியாணியை ஒரு பிடி பிடித்து விட்டு..10 மணிக்கு வந்து உண்ணாவிரத மேடையில் உட்கார்ந்து..உண்ட மயக்கத்தில் தூக்கம் போட்டு...பார்க்கும் மக்கள்..பாவம்..சாப்பிடாமல் சோர்வு..என சொல்ல வைக்கிறான்.

பொது மக்களுக்கு செய்யும் அனைத்து சேவையிலும்..கமிஷன் அடிக்கிறான்..கவுன்சிலர்.ஆகி..ஆயிரக்கணக்கில் சம்பாதிக்கிறான்...அடுத்த சட்டசபை தேர்தலில்..எம்.எல்.ஏ.,ஆகி..லட்சக்கணக்கில் ஊழல் புரிகிறான்...அந்த தகுதியே..அவனுக்கு நாடாளுமன்ற தேர்தலில்..எம்.பி.,சீட் வாங்கி கொடுக்கிறது..பதவி உயர்வு...என்றதும்..ஊழல் அளவும் உயர்கிறது...இப்போது கோடிக்கணக்கில் ஊழல்..
இடையிடையே..மக்கள் சேவையே..என் லட்சியம்...என மக்களுக்காக சில போராட்டங்கள்.

மக்களும்...நமக்கு இந்த தன்மானத் தலைவனை விட்டால்..வேறு இல்லை...என சொல்ல வைக்கிறான்.மொத்தத்தில்..பணக்கார..கோடீஸ்வரர்களிடையே ஒரு குள்ளநரியாய் (அப்பாடி படப்பெயர் வந்துவிட்டது..posh fox)செயல் படுகிறான்.

நாட்டின் எழ்மையைக்காட்டி..ஆஸ்கார் வாங்கிய..ஸ்லம்...போல்...நாட்டின் மக்களை சுரண்டும் ஒரு பணக்காரவர்க்கத்தைக் காட்டி..அடுத்த ஆண்டு தான் ஒரு ஆஸ்கார் வாங்க தீர்மானித்து விட்டார் அண்ணாசாமி.படத்தை இயக்க ஒரு வெளிநாட்டு இயக்குநரையும் தேடிக்கொண்டிருக்கிறாராம்.

Sunday, February 22, 2009

தவறு செய்பவரா நீங்கள்...

மனிதனாய் பிறந்த நாம் தவறுகள் செய்வது சகஜம்.ஆனால் செய்தது தவறு என்று உணர்ந்ததுமே..அதை ஒப்புக்கொள்ள தயாராய் இருக்க வேண்டும்.அதை நாம் செய்கிறோமா?

வளர..வளர ..நம் உடல் அளவிலும்...மனதளவிலும் இறுகி விடுகிறோம்.நமக்கென ஒரு அடையாளம் வேண்டும் என எதிர்ப்பார்க்கிறோம்.அதனால் நம்மால் நேர்மையாக இருக்க முடிவதில்லை.தவறிழைத்து விட்டோம் என்று தெரிந்ததுமே...தவறிழைத்த நபரிடம்...'மன்னித்து விடு..தெரியாமல் நடந்து விட்டது..' என்று பணிந்து சொல்வதில் குறைந்து விட மாட்டோம்.

ஆனால்..நாம் அப்படி செய்வதில்லை...என்ன செய்கிறோம்...நாம் செய்த தவறை நியாயப் படுத்துகிறோம்..

நண்பர்கள்,உடன் வேலை செய்பவர்கள்,நம்மிடம் பணிபுரிபவர்கள்,முன் பின் தெரியாதவர்கள் என பாகுபாடு பார்க்காமல் செய்த தவறை ஒப்புக் கொள்ளுங்கள்.உங்கள் மனம் நிம்மதி அடையும்.நம்மைப் பற்றி நன்மதிப்புக் கூடும்.

சில சமயங்களில்..தவறு என அறியாது..சில வார்த்தைகளாலும், செயல்களாலும்..அடுத்தவரை காயப்படுத்தி விடுகிறோம்..அவர்கள் அதை சுட்டிக்காட்டினாலும் ஒப்புக்கொள்ளமாட்டோம்.

வாழைப்பழத்தோல் வழுக்கி..ஒருவர் கீழே விழுந்தால்...நம் மனதில் உள்ல கயமைத்தனம் நம்மை முதலில் சிரிக்க வைத்து விடுகிறது.பின்னர்தான்..மனித நேயம் விழித்துக்கொண்டு..அவருக்கு உதவி செய்ய விரைய சொல்கிறது.

நான்..ஒரு சமயம்...ஒரு  பதிவுக்கு...நகைச்சுவை என எண்ணி...ஒரு பின்னூட்டம் இட்டேன்.எனக்கு நகைச்சுவையாக இருந்தது...அவருக்கு வேதனையாக இருந்தது..என்பதை..அவர் பின்னுட்ட பதிலில் பார்த்தேன்.உடனே மின் அஞ்சலில்..அவரிடம் வருத்தம் தெரிவித்தேன்..ஆனால்..அவர் இதுநாள் வரை அதை புரிந்துக்கொண்டாரா என தெரியவில்லை.ஆனால்..என் மனம் நிம்மதி அடைந்தது.

ஒன்றை புரிந்துக்கொள்வோம்...செய்த தவறுக்கு மன்னிப்பு கேட்டால்..நம் மனம் பக்குவப்பட்டுள்ளது என்பதற்கான அடையாளம்.நாம் தோற்றுப்போனதற்கான அடையாளம் இல்லை.

தவறை ஒப்புக்கொள்வதன் மூலம்..எதிரிகளையும் ..நண்பர்கள் ஆக்கிக்கொள்ளலாம்.

Saturday, February 21, 2009

தேர்தலும்..கூட்டணிகளும்..அண்ணாசாமியும்..

வரும் நாடாளுமன்றதேர்தலில் கூட்டணிகள் எப்படி அமையும்..எந்த கூட்டணி வெல்லும்..என்றெல்லாம்..கட்சிகள் கணக்குப் போட்டுக்கொண்டிருக்கும் நிலையில்..அண்ணாசாமி ஒரு கணக்கு சொல்கிறார்.
சென்ற தமிழக சட்டமன்ற தேர்தலில்...தி.மு.க.,பா.ம.க.,கம்யூனிஸ்ட் கட்சிகள்,காங்கிரஸ் என வலுவான கூட்டணி அமைந்ததால்...தி.மு.க.வும் இட ஒதுக்கீட்டில் தனது பங்கை குறைத்துக் கொண்டது.அ.தி.மு.க., எதிர்பார்த்ததற்கு மேல்..சொத்தை கட்சியை கூட்டணியில் வைத்தும்..இடங்களை வென்றது.விஜய்காந்த் வேறு தன் பங்குக்கு ஓட்டுகளை பிரித்து..தி.மு.க.விற்கு உதவினார்.

தமிழகத்தைப் பொறுத்தவரை..எல்லா கட்சிகளும் முடமாகவே இருக்கின்றன.கூட்டணிகட்சிகள் என்ற ஊன்றுகோல் இல்லாமல் இவர்களால் தனித்து நிற்கமுடியாது.வெல்லவும் முடியாது.

அதனால்தான்..பா.ம.க.,இன்னும் கூட்டணி விட்டு வர முடியவில்லை.

அதனால்தான்..அ,தி.மு.க., காங்கிரஸிற்கு அழைப்பு விடுக்கிறது.

அதனால்தான் தி.மு.க.,சோனியாவை சொக்கதங்கம் என்கிறது.

அதனால்தான் மொய்லி தி.மு.க.உடன் கூட்டணி வலுவாக இருக்கிறது என்கிறார்.

அதனால்தான்..நேற்றுவரை கூட்டணி இல்லை என்றவர்..இன்று பரிசீலிப்போம் என்கிறார்..தேர்தலை புறக்கணிப்போம் என்கிறார்.

இவர்கள் எல்லாம் ஒன்றை மறந்துவிட்டனர்..இவர்களுக்கு பதில் சொல்ல வேண்டியவர்கள் மக்கள். அவசரநிலை பிரகடனப்படுத்தபின் வந்த தேர்தலில்..காங்கிரஸ் ..மக்களால் புறக்கணிக்கப் பட்டது.இந்திரா காந்தி...அரசியல் கோமாளி எனப்பப்பட்ட ராஜ்நாராயணனிடம் தோற்றார்.

ஆகவே..கட்சி தலைவர்களே..மக்களுக்கு எல்லாம் தெரியும்...நீங்கள் யாருடன் வலுவான கூட்டு வைத்தாலும்...இம்முறை தமிழனை ஏமாற்றமுடியாது.

அவன் இன்று கொதித்துக் கொண்டிருக்கிறான்..முதலில் அவனை சாந்தப் படுத்துங்கள்.

இல்லையேல்..உங்களுக்கு சங்குதான்.

Friday, February 20, 2009

தேங்காய்..மாங்காய்..பட்டாணி..சுண்டல்..(21-2-09)

1.பறவை எவ்வளவு உயரத்தில் பறந்தாலும்..அதன் நிழல் தரையை தொட்டுத்தான் ஆகணும்

2.நாடு நலமுடன் இருக்க மன்னர்கள் அமைச்சரிடம் மாதம் மும்மாரி பொழிகிறதா? என்பார்கள்.அதற்கு என்ன அர்த்தம் தெரியுமா? ஒன்பது நாள் வெயில் காய வேண்டும்.ஒரு நாள் மழை பெய்ய வேண்டும்.அப்போதுதான் பூமி வளமை கொண்டதாக திகழும்.ஒரு மாதத்திற்கு 27 நாட்கள் வெயில்.3 நாட்கள் மழை.

3.உண்மைக்கும்...வாய்மைக்கும் உள்ள வேறுபாடு என்ன? என ஒரு சிஷ்யன்..தன் குருவைக் கேட்டான்.
'உண்மையைச் சொன்னால்..உயிருக்கு அழிவு வரலாம்..என்றால்..அதைச் சொல்லாமல் ..அதே சமயம் உயிருக்கு ஆபத்து வராத சொல்லைக் கூறுதல் வாய்மை எனப்படும்.
உதாரணமாக..ஒரு பசு ஒடி வருகிறது.முனிவர் அதைப் பார்க்கிறார்..சில மணித்துளிகள் கழித்து..ஒரு கசப்பு கடைக்காரன் வந்து..சுவாமி..இந்த பக்கமாக ஒரு பசு வந்ததா? என்கிறான்.முனிவர்..ஆமாம் என்றால்..பசு இறந்துவிடும்.எனவே..
பசுவா..என்கிறார்..
ஆமாம்...பார்த்தீரா
கண் பார்க்கும்...ஆனால் அதற்கு சொல்லத் தெரியாது
நடந்ததைச் சொல்லும்
நாக்கு பார்க்காது..அதற்கு சொல்லத் தெரியும்..அதாவது..பார்ப்பதற்கு சொல்லத் தெரியாது..சொல்வதற்கு பார்க்கத் தெரியாது
கசாப்பு கடைக்காரன்..எதும் புரியாமல்..திரும்பினான்.
குரு சொன்னார்..அந்த முனிவர் கையாண்ட முறையே..வாய்மை எனப்படும்.

4.ஒரு தலைவனின் கருத்துக்களையும்,கொள்கைகளையும் எவ்வளவு வேண்டுமானாலும் ..புகழலாம்.ஆனால்..அத்தகைய தலைவர்களையே..கடவுள் அவதாரமாகக் கருதி..அவரின் கொள்கைகளையும்
கடவுள் வாக்காக கருதுவது தவறு.முன்னது..எந்த ஆபத்தையும் உருவாக்குவது..பின்னது பொல்லாத பெரும் கேடு உருவாக்கும். - டாக்டர்.அம்பேத்கர்

5. தாயன்பு போன்ற கலப்படமற்ற அன்பு இந்த உலகில் வேறு ஏதுமில்லை.பிள்ளை தன்னுடைய அன்பை பிரதிபலிக்காவிடினும்..தாய் அதை பொர்ட்படுத்த மாட்டாள்.துஷ்டப் பிள்ளை உண்டு.துஷ்ட அம்மா கிடையாது.

6.ஒரு கவிதை-

மகனே
நீ பிறந்த அன்று
தோட்டத்தில் வைத்தோம்
ஒரு தென்னங்கன்று
எங்கள் வியர்வையில்
நீ உயர்ந்தாய்
நாங்கள் வார்த்த தண்ணீரில்
தென்னை வளர்ந்தது
எங்கோ இருந்து நீ ஈட்டும்பணம்
உனக்கு இன்பம் தருகிறது
இங்கே இருக்கும் தென்னைமரம்
எங்கள் இருவருக்கும்
சுக நிழலும்..சுவை நீரும் தந்துதவுகிறது
ஒரு நாள்
நீ ஈ மெயிலில் மூழ்கியிருக்கும்போது
எங்களை ஈ மொய்த்த செய்தி வந்து சேரும்
இறுதிப் பயணத்தில்
நீ இல்லாமற் போனாலும்
தென்னை ஓலை
எங்கள் கடைசி மஞ்சமாகும்.
-தமிழருவி மணியன்

7.ஒரு ஜோக்..

கேடி கபாலி -(போலீஸ் அதிகாரியிடம்) என் பையன் பெரிய தாதா வாக்கும்
போலிஸ் அதிகாரி-அதனாலென்ன..என் பையன் யார் தெரியுமா? வக்கீலாக்கும்

Thursday, February 19, 2009

சிவாஜி ஒரு சகாப்தம்..- 1

சிவாஜி கணேசன்...

தமிழன்னை ஈன்றெடுத்த தவப்புதல்வன்..

இவரைப் பற்றி..எண்ணினாலே..நம் கண்கள் முன் தோன்றுவது..M.G.M., என்ற ஆங்கில பட நிறுவனத்தின் LOGO தான்.

ஆம் சிங்கம்..சிங்கமென கலையுலகில் 50 ஆண்டுகளுக்கு மேல் ராஜாவாக வலம் வந்தவர்.உலகளவில்..இவரைப் போல் சிறந்த நடிகரை...எல்லா பாத்திரமும் ஏற்று நடித்த நடிகரை பார்க்க முடியாது.
படிக்கும் குழந்தைகளுக்கு..கட்டபொம்மன் என்றால் இவர்தான்..கப்பலோட்டிய தமிழன் என்றால் இவர்தான்.போலீஸ் அதிகாரியாயினும் சரி,நாதஸ்வர கலைஞன் ஆயினும் சரி..வேறு எத்தொழில் புரிபவராயினும் சரி..இப்படித்தான் இருப்பார்கள்..என்று நம் கண் முன் நிறுத்திய ஒப்பற்ற கலைஞன்.

ஆம்...அவர் ஒரு பல்கலைக்கழகம்..சகாப்தம்..

இனி வாரம்தோறும் வெள்ளியன்று..1952 முதல் அவர் நடித்த படங்கள் பற்றி..எழுதலாம் என்ற ஆசை.இப்பதிவு..அவர் நடிப்புப் பற்றி மட்டுமே..இதில்..அரசியல் வாழ்க்கை போன்றவற்றை எழுதப்போவதில்லை.

என் நினைவிலிருந்தும்..படித்த சில புத்தகங்களை வைத்தும் இப்பதிவு எழுதப்படுவதால்..இதில்..ஏதேனும் விட்டுப்போயிருந்தாலோ..தவறிருந்தாலோ..அவற்றை சுட்டிக்காட்டினால்..பதிவில் மாற்றம் செய்துவிடுகிறேன்.

இனி..கலையுலக சக்கரவர்த்தியாய் திகழ்ந்தவர் பற்றி..

தமிழ் நாடகங்களில் நடித்துக் கொண்டிருந்த வி.சி.கணேசன் 1952ல் பராசக்தி மூலம் வெள்ளித்திரைக்கு அறிமுகமானார்.இவர் ஏற்ற பாத்திரத்தில் ..கே,ஆர்.ராமசாமி நடிக்க வேண்டும்..என்று சம்பந்தப் பட்டவர்கள் கூற..
படத் தயாரிப்பாளர் பெருமாள் சிவாஜிதான் அப்பாத்திரத்தில் நடிக்க வேண்டும் என்பதில் பிடிவாதமாக இருந்தார். அப்படத்தின் கதை வசனம் கலைஞர் ..கிருஷ்ணன்-பஞ்சு இயக்கத்தில் வெளிவந்த இப்படத்தில் கணேசன் பேசிய முதல் வசனம் 'சக்சஸ்..சக்சஸ்" என்பதுதான்.பின் திரையில் வெற்றியுடன் ஆட்சி புரிந்தார் என்று நாம் அறிவோம்.

அதே வருஷம் வந்த படம் பணம்..என்.எஸ்.கே.,மதுரம்.,பத்மினி., ஆகியோர் நடித்தது.

பராசக்தி 42 வாரங்கள் ஓடி மாபெரும் வெற்றியைப் பெற்றது.

1953ல் சிவாஜி நடித்து வந்த படங்கள்..பூங்கோதை,திரும்பிப்பார்,அன்பு,கண்கள்,மனிதனும் மிருகமும்,பரதேசி(தெலுங்கு),பொம்புடு கொடுகு(தெலுங்கு)

பூங்கோதையில் அஞ்சலி தேவி நாயகி,படம்  வெற்றி.அடுத்து..திரும்பிப்பார்..இதிலும் கலைஞர் வசனம்..பண்டரிபாய் கதாநாயகி..படம் வெற்றி..இதில் இவர் ஏற்று நடித்த பாத்திரம் பெயர் பரந்தாமன்..காதானாயகன் கெட்டவன்.சிவாஜி..இமேஜ் பற்றி கவலைப்படாமல்..நடிப்பவர் என்பதற்காகவே இதைச் சொல்கிறேன்.

அன்பு -

இத்திரைப்படம் வெளியான நாள்..24-7-1953

சிவாஜியுடன், டி.ஆர்.ராஜகுமாரி, பத்மினி,பாலையா ஆகியோர் நடித்திருந்தனர்.
விந்தன் எழுத்தில் எம்.நடேசன் திரைக்கதையில் நடேஷ் ஆர்ட் பிக்க்ஷர்ஸ் சார்பில் எம்.நடேசன் இயக்கியிருந்தார்.
டி ஆர்.பாப்பா இசை.

தங்கம் ,ராஜமாணிக்கம் முதலியார் என்பவர்க்கு இரண்டாம் மனைவியாய் வாழ்க்கைப்பட்டவர்.தங்கத்தின் திருமணத்திற்கு முன்னறே முதலியாருக்கு..செல்வம் என்ற மகனும், லட்சுமி என்ற ஒரு மகளும் இருந்தனர்.முதலியார் இறக்கும் காலகட்டத்தில் தங்கம் கருவுற்றிருந்தாள்.செல்வம், மாலதி என்பவளைக் காதலிக்க..இது விரும்பாத வில்லன் திருமலை..த்ங்கத்தின் வயிற்றில் வளரும் கரு ..செல்வத்தின் மூல்மாகத்தன என்ற வதந்தியை பரப்ப..மலதியும் அதை ந்மபும் சூழல் ஏற்படுகிறது.இப்பழியிலிருந்து செல்வமும், தங்கமும் எப்படி வெளிவந்தனர் என்பதே மீதிக் கதை.

இப்படம் அபெக்க்ஷா என்ற பெயரில் தெலுங்கில் டப்பிங் செய்யப்பட்டு வெளியானது.    

மற்ற படங்களும் தயாரிப்பாளர்களுக்கு நஷ்டத்தை ஏற்படுத்தவில்லை.

1954..அடுத்த பதிவில்...

வக்கீல்கள்-போலீஸ் மோதலுக்கு காரணம் என்ன?

ஜனதாக் கட்சித் தலைவர் சுப்ரமணியம் சுவாமி மீது முட்டை வீசியதாக கூறப்படும் வக்கீல் ஒருவரை போலீஸார் கைது செய்ததே வக்கீல்கள் பெரும் ஆத்திரத்துடன் இன்று கலவரத்தில் ஈடுபட முக்கிய காரணம் எனக் கூறப்படுகிறது. மேலும் ரஜினிகாந்த் என்ற வக்கீல் கொடுத்த புகாரின் பேரில் சுவாமியைக் கைது செய்ய வேண்டும் என்று கோரியும் வக்கீல்கள் போராட்டத்தில் குதித்ததே வன்முறையாக மாறியது.

ஜனதா கட்சித் தலைவர் சுப்பிரமணியம் சுவாமி மீது முட்டை வீசிய வழக்கறிஞர்களில் ஒருவரான இம்மானுவேல் என்பவரை போலீஸார் நேற்று இரவு கைது செய்தனர்.

இந்த விவகாரம் தொடர்பாக 20 பேர் மீது வழக்குப் பதிவு செய்யப்பட்டுள்ளதாகவும், அதில் இம்மானுவேல் கைது செய்யப்பட்டுள்ளதாகவும், மற்றவர்களைத் தேடி வருவதாகவும் போலீஸார் தெரிவித்திருந்தனர்.

இதுதான் பிரச்சினைக்கு முக்கிய காரணமாகி விட்டது. இம்மானுவேலைக் கைது செய்த போலீஸார் சுவாமியைக் கைது செய்ய வேண்டும் என்று கோரி வழக்கறிஞர் ரஜினிகாந்த் என்பவர் கொடுத்த புகாரை ஏற்று ஏன் சுவாமியைக் கைது செய்யவில்லை என்று கோரித்தான் இன்று வக்கீல்கள் போராட்டத்தில் குதித்தனர்.

இந்த போராட்டம் பெரும் வன்முறையாக மாறிப் போனது.

போலீஸார் திட்டமிட்டு தாக்கினர் - வக்கீல்கள்:

இதற்கிடையே போலீஸார் திட்டமிட்டு தங்களைத் வெறித்தனமாக தாக்கியதாகவும், வக்கீல்கள் என்ற போர்வையில் ரவுடிகளை அழைத்து வந்து இந்த கலவரத்தை அரங்கேற்றினர் என்றும் உயர்நீதிமன்ற வக்கீல்கள் குற்றம் சாட்டியுள்ளனர்.

இதுகுறித்து வக்கீல்கள் தரப்பில் கூறுகையில், அமைதியான முறையில்தான் நாங்கள் போராட்டம் நடத்தினோம். வழக்கறிஞர் ரஜினிகாந்த் கொடுத்த புகாரின் பேரில் சுப்பிரமணியம் சுவாமியைக் கைது செய்ய வேண்டும் என்று நாங்கள் கோரினோம்.

ஆனால், திடீரென ஒரு கும்பல், அவர்கள் வக்கீல்கள் அல்ல, தாக்குதலில் இறங்கினர். முதலில் கல்வீசித் தாக்கினர். பின்னர் வன்முறையில் இறங்கினர். இதையடுத்து அதற்காகவே காத்திருந்தது போல போலீஸார் வெறித்தனமாக வக்கீல்களைத் துரத்தி துரத்தி தாக்கினர்.

இதில் பல வக்கீல்கள், நீதிமன்ற ஊழியர்கள் படுகாயமடைந்துள்ளனர். பலருக்கு மண்டை உடைந்துள்ளது.

போலீஸார் வேண்டும் என்றே இந்த வன்முறையை அரங்கேற்றியுள்ளனர். வக்கீல்களின் பெயரைக் கெடுக்கும் நோக்கத்துடன் இதைச் செய்துள்ளனர் என்று கூறப்பட்டுள்ளது.

போலீஸார் வெளியேற்றம்:

இதற்கிடையே உயர்நீதிமன்ற வளாகத்தில் குவிக்கப்பட்டிருந்த நூற்றுக்கும் மேற்பட்ட போலீஸார், அதிரடிப்படையினர் அங்கிருந்து வெளியேற்றப்பட்டுள்ளனர்.

டிஜிபி கே.பி. ஜெயின் உத்தரவின் பேரில் அவர்கள் வெளியேறினர்.

நன்றி தட்ஸ் தமிழ்

Wednesday, February 18, 2009

என் புத்தகம் நாட்டுடமையாக்க எதிர்ப்பு...

நான் எழுதி வெளிவந்த நாடகநூல்..'பாரத ரத்னா..'

இது ஒரு தன்னலமற்ற..தமிழாசிரியர் கதை என்பதாலும்..ஆசிரியர்கள் குறித்து உயர்வாய் சொல்லி இருப்பதாலும்..ஆட்சியில் இருப்பவர்களைக் கவர்ந்த புத்தகம் இது என எண்ணுகிறேன்.அதனால்தான் இதை நாட்டுடமையாக்க அரசு அறிவிப்பு வெளியிட இருந்தது.இதை பள்ளிகளில் ஒரு பாடமாக வைக்கும் எண்ணமும் அரசுக்கு இருந்திருக்கிறது.

இப்புத்தகம் விலை 35 ரூபாய்தான்..என்பதாலும்..இதை நாட்டுடமை ஆக்கினால்..மற்ற பதிப்பகங்கள் இதை மலிவு விலையாக 5 ரூபாய்க்கே கொடுக்கலாம்.

ஆனால்..எனது வாரிசுதாரர்கள்..இப்புத்தகம் நாட்டுடமை ஆவதை எதிர்க்கிறார்கள்.அதற்கு அவர்கள் சொல்லும் காரணங்கள்..

1.அரசு 10 லட்சமாவது கொடுக்கும்

2.புத்தகத்தின் விலை 5 ரூ ஆனாலும்..அதிகம் பேர் வாங்கப் போவதில்லை.அதனால் பதிப்பகத்தாருக்கும் நஷ்டம் எற்படும்

3.தேவையில்லாமல் மக்கள் வரிப்பணத்தை எடுத்து அரசு எங்களுக்கு தருவதை நாங்கள் விரும்பவில்லை.

ஆகவேதான் எதிப்பைத் தெரிவிக்கிறோம் என்கின்றனர்.

ஆமாம்...என் கருத்து என்ன என்று கேட்கிறீர்களா?

என்னைவிட என் மக்களுக்கு ..என் எழுத்துப் பற்றி..என்னைப் பற்றி தெரியும் என்றே நினைக்கிறேன்.

வாய் விட்டு சிரியுங்க...

1.இங்க கணபதி ஸ்ரீனிவாச கோபால சுப்ரமணியன் வீடு எது?
பேரை இப்படி மொட்டையா சொன்னா..எப்படி..அவர் இனிஷியல் என்ன?

2.நான் காலையிலே ஆஃபீஸுக்கு லேட்டாப் போனா அதை சரிகட்ட சாயங்காலம் சீக்கிரம் போயிடுவேன்

3.உன் மனைவி இடது கை பழக்கம் உள்ளவரா?
எப்படி கண்டுபிடிச்சே
உன் வலது கன்னம் வீங்கியிருக்கே

4.நம்மோட தலைவர் சிறுகக் கட்டி பெருக வாழ்பவர்
அப்படியா
சின்னவீடு ஒன்னையும் வைச்சுண்டு..பெரிய வீட்டோட வாழ்ந்து கிட்டு இருக்கார்.

5.நிருபர்-(நடிகையிடம்) இன்றைய இளைஞர்களின் கனவுக்கன்னி நீங்கதான்
நடிகை-அந்த இளைஞர்கள் விலாசத்தையெல்லாம் சொல்லுங்க..அவங்க கனவில வர நேரத்துக்கான என் கால்ஷீட் பணத்தை வாங்க சௌகரியமா இருக்கும்.

6.எனக்கு நகைச்சுவை உணர்ச்சியே இல்லை என்கிறார்கள் என் நண்பர்கள்
ஏன் அப்படி
எங்க முதலாளி சொல்ற எல்லா ஜோக்குகளையும் நான் ரசிக்கிறேனாம்

7.அந்த பேச்சாளருக்கு ஒரு கூட்டத்தில் பேச 10000 ரூபாயா?
ஆமாம்..ஆனா.. அவர் கூட்டத்திற்கு 2000 பேரை கூட்டிகிட்டு வந்துடுவாராம்.

Tuesday, February 17, 2009

கண்ணதாசன் எழுத்துக்கள் நாட்டுடமைக்கு எதிர்ப்பா??

தமிழ் எழுத்தாளர்கள்..அறிஞர்கள் படைப்புகள் நாட்டுடமை ஆக்கப்பட்டு வருகின்றன.அப்படிப்பட்ட எழுத்தாளர்களின் வாரிசுகளுக்கு..அவை சமுதாயத்தில்..ஏற்படுத்தியிருக்கும் தாக்கம்,அவற்றின்பெருமை ஆகியவற்றின் அடிப்படையில்..எழுத்தாளர்களின் வாரிசுகளுக்கு பரிவுத்தொகை அளிக்கப்பட்டு வருகின்றது.

இந்த அரசின் செய்கைகளால்...அவர்களின் எழுத்துக்களை..அதிக விலை கொடுத்து புத்தகமாக வாங்க வேண்டிய அவசியம் சில நேரங்களில் ஏற்படாது.பல..மலிவு விலை பதிப்புகளாக கிடைக்கும்.அனைத்து தரப்பு வாசகர்களுக்கும்..அவற்றை படிக்கும் வாய்ப்பு ஏற்படும்.

உதாரணமாக..கல்கியின் படைப்புகள்,பாரதியாரின்..கட்டுரை,கவிதைகள்..ஆகியவற்றை சொல்லலாம்.மேலும் சென்ற வருடம் வரை..நா.பார்த்தசாரதி முதலியவர்களின் படைப்புகளும்..அரசுடமை ஆக்கப்பட்டிருக்கின்றன.

ஆனால்..இவ்வளவு நாட்களாக கண்ணதாசன்,பெரியார் ஆகியவர்கள் எழுத்துக்கள் நாட்டுடமை ஆக்கப்படவில்லை.

ஒரு எழுத்தாளரின் குடும்பத்தினர் ..சம்மதம் பெற்றே..அரசுடமை ஆக்கப்படும்.

ஆனல்..நேற்று மேலும் 28 சான்றோர் எழுத்துக்கள் நாட்டுடமை ஆக்கப்பட்டுள்ளன. அவர்களில் சிலர்..மு.வ.,சாண்டில்யன்,,லட்சுமி,சுந்தர ராமசாமி,கண்ணதாசன்..ஆகியோர்.

இதில்..சுந்தர ராமசாமியின் மகனும்..கண்ணதாசன் மகன் காந்தி கண்ணதாசனும்..இதற்கு எதிர்ப்பு தெரிவித்துள்ளனர்.

வாரிசுதாரரின் சம்மதம் இல்லாமல்..எந்த எழுத்தாளர்கள் படைப்பும்...நாட்டுடமை ஆக்கப்படாது என்றும்..விரைவில்..அவர்களிடம் சம்மதம் கேட்கப்பட்ட பின்னரே..இவை நாட்டுடமை ஆக்கப்படும் என அரசு அதிகாரி ஒருவர் தெரிவித்தார்.

நீங்க போட்ட எட்டு..(சிறுகதை)

தனக்கு இதுபோன்றதொரு நிலைமை வரும் என தர்மலிங்கம்..அந்த நிமிடம் வரை நினைக்கவில்லை.

அந்த ஊரில் இருந்த ஒரு பள்ளியில் எட்டாவது வகுப்பு ஆசிரியர் அவர்.கிட்டத்தட்ட இருபத்தைந்து வருட அனுபவம்.

அவரிடம் படித்த மாணவர்கள் பலர்..இன்று பல துறைகளில் பெரும் புள்ளிகளாக இருக்கின்றனர்.ஆனால் அந்த தர்மலிங்கம் என்ற ஏணியோ எட்டாம் வகுப்பிலேயே நிரந்தரமாக இருக்கிறது.

கண்டிப்புக்குப் பெயர் போனவர் அவர்.அவரைக் கண்டால் அத்தனை மாணவர்களுக்கும் பயம்.அவர் வகுப்பிற்கு படிக்காமலேயோ..வீட்டுப்பாடங்களைச் செய்யாமலோ எந்த மாணவனும் வரமுடியாது.அப்படி வந்தால்..அந்த மாணவனின் அரைக்கைச் சட்டையை சற்றே தூக்கி 'எட்டு' போடுவது போல..ஒரு கிள்ளு..கிள்ளி விடுவார்.உயிரே போய்விடும்.

அந்த மாணவன் வீட்டில் போய் சொன்னாலும்..அவனைப் பெற்றோரும் தங்கள் பிள்ளைக்கு ஆதரவாகப் பேசமாட்டார்கள்.'நீ என்ன தப்பு செஞ்சியோ..வாத்தியார்கிட்டே அடி வாங்கிக் கிட்டு வந்து நிக்கறே..அடியாத மாடு படியாது..நல்லா அடி வாங்கு..' என்று கூறிவிடுவார்கள்.

ம்..அதெல்லாம்..அந்தக்காலம்.

இப்ப..கொஞ்சம் கோபமாக பேசினாலும்..கண்டனத்திற்கு ஆளாக நேரிடும்.

தர்மலிங்கத்திற்கு ..அன்று போதாத காலம் போலிருக்கிறது.அவர் வகுப்பில் படிக்கும் விக்ரம் என்னும் மாணவன்..முதல் நாளன்று கொடுத்திருந்த வீட்டுப் பாடங்களை ஒழுங்காக செய்யவில்லை.

அந்த மாணவனை கொஞ்ச நாட்களாகவே கவனித்துக் கொண்டுதான் வருகிறார்.அவன் நடவடிக்கை சரியில்லை.அவனை இப்போது திருத்த முயற்சிக்கவில்லை என்றால் அவனது எதிர்காலமே கேள்விக் குறி ஆகிவிடும் என அவரது உள்மனம் சொல்ல..அவனுக்கு எட்டு போட்டு விட்டார்.மாணவனும் மயங்கி விழுந்து விட்டான்.

பள்ளியே..அல்லோலகலப்பட்டது.ஒவ்வொருத்தர் ஒவ்வொன்று சொன்னார்கள்.அவனை அருகாமையில் இருந்த மருத்துவமனைக்கு தூக்கிச் சென்றார்கள்.மாணவனின் பெற்றோருக்கும்..காவல் துறையினருக்கும் விவரம் தெரிவிக்கப்பட்டது.

என்ன செய்வது..என்று அறியாது..தர்மலிங்கம் தானே சரணடையும் நோக்கத்தில் காவல் நிலயத்திற்கு சென்றார்.அங்கு காவல்துறை அதிகாரி இல்லாததால்..இருந்த நாற்காலி ஒன்றில் அமர்ந்தார்.

சிறிது நேரத்தில் அதிகாரி வர..எழுந்து நின்று தர்மலிங்கம் பள்ளியில் நடந்தவற்றை அவரிடம் கூறினார்.

பொறுமையாக...எல்லாவற்றினையும் கேட்டுக் கொண்டிருந்த அதிகாரி..தன் அரைக்கை சட்டையின் கைகளை சற்றே உயர்த்தி..அந்த கருமை நிற வடுவைக் காண்பித்தார்.

இந்த வடுவைப் பார்த்தீங்களா..இது எனக்கு நீங்க போட்ட எட்டு...என்னைத் தெரிகிறதா உங்களுக்கு..நான்தான் அருணாசலம்..உங்க பழைய மாணவன்.ஒருநாள்..நான்..பக்கத்து பையன் பையிலிருந்து பணத்தைத் திருடிட்டேன்.அதைத் தெரிஞ்சுக்கிட்ட நீங்க கொடுத்த பரிசு 'டேய்..அருணாசலம்..இனிமே நீஒரு தப்பும் செய்யக்கூடாது.ஏதாவது செஞ்சா..அந்த நேரம் இந்த காயம் எப்படி ஏற்பட்டதுங்கற எண்ணம் உனக்கு வரணும்..இந்த காயத்தால ஏற்படப் போகும் வடு..உன்னை ஒரு நேர்மையானவனாக மாற்றும்' என்று சொன்னீங்க...அன்னிக்கு நீங்க எனக்கு இந்த தண்டனை கொடுக்கலைன்னா..நான் இன்னிக்கு இப்படி ஒரு நேர்மையான காவல்துறை அதிகாரியாய் மாறியிருப்பேனான்னு தெரியாது.

'நீ...நீ.. நீங்க..அருணாசலமா ..இப்படி..ரொம்ப மகிழ்ச்சி...ரொம்ப ..ரொம்ப..மகிழ்ச்சி' தர்மலிங்கத்தின் கண்களில் கண்ணீர்...ஆனந்தக் கண்ணீர்.

'ஐயா..அன்னிக்கு நான் நடந்துகிட்ட மாதிரி..ஒரு மாணவன் தப்பா நடந்துகிட்டு இருக்கான்..நீங்களும் அன்னிக்கு ..எனக்கு கொடுத்த அதே தண்டனையைக் கொடுத்திருக்கீங்க.அவன் பயத்திலே மயங்கி விழுந்துட்டான்.இது பெரிய தவறா எனக்குத் தெரியலை..உங்க மேல எதாவது புகார் வந்தா..நான் பார்த்துக்கறேன்..நீங்க போங்க...கான்ஸ்டபிள்..சாரை..நம்ம ஜீப்ல கொண்டுபோய் வீட்டில விட்டுட்டு வா' என்றார்.

தர்மலிங்கம்..இரு கைகளையும் கூப்பி விடை பெற்றார்..'இன்று..இந்த ஆசிரியரின் தண்டனையைப்பெற்ற மாணவன் நாளைக்கு நிச்சயம் என்னைப்போல நேர்மையானவனாக வருவான்.ஏனெனில் அந்த மாணவன் என் ரத்தம்' என்று எண்ணியவாறே..வேறு யாரும் பார்க்காதபடி..தன் கண்களைத் துடைத்துக் கொண்டார் அருணாச்சலம்.

Monday, February 16, 2009

சத்தியராஜ்.என்னும் உயர்ந்த மனிதன்..

ஆரம்ப காலங்களில் வில்லனாக நடித்த நடிகர்கள் பின்னர் கதாநாயகனாக ஆவது ஒரு சில நடிகர்களுக்கே நடந்துள்ளது.

சிவாஜி கணேசன் கூட..தன் ஆரம்பகாலங்களில் துளிவிஷம்,பெண்ணின் பெருமை,கூண்டுக்கிளி போன்ற படங்களில் வில்லனாக நடித்துள்ளார்.அந்தநாள்,திரும்பிப்பார் படங்களில் வில்லத்தனமான நாயகன்.
ரஜினி,மூன்றுமுடிச்சு,பதினாறு வயதினிலே,அவள் அப்படித்தான் போன்ற சில படங்களில் வில்லனாக நடித்துள்ளார்.

சத்தியராஜிற்கும்..24 மணிநேரம்,காக்கிசட்டை,நூறாவது நாள் என பட்டியல் தொடரும்.கதாநாயகன் ஆவதற்கு முன் அதிகப் படங்களில் வில்லனாக நடித்தவர் இவர்தான்.பின்..இவர் நாயகனாக நடித்த பல படங்கள் வெற்றி பெற்றுள்ளன.இவர் நடிக்க..மணிவண்ணன் இயக்க வெளிவந்த பல படங்கள் வெற்றிதான். வாசு இயக்கத்தில் இவர் நடித்த நடிகன் படம் இவர் நடிப்புக்கு ஒரு மைல்கல் எனலாம்.

தமிழ்த்திரையுலகில்..சில நடிகர்கள் படம் எடுக்கவும் அதிகம் செலவழிக்க வேண்டாம்..அவர்கள் நடித்த படமும் தயாரிப்பாளருக்கு நஷ்டத்தை ஏற்படுத்தாது. ஜெய்ஷங்கருக்குப் பிறகு அப்படிப்பட்ட நடிகர் சத்தியராஜ் ஒருவரே!

நடிப்பைப்பொறுத்தவரை இவர் பாணி தனி.சிவாஜி,ரங்காராவ்,எம்.ஆர்.ராதா ஆகியவர்களின் கலவை இவர் எனலாம்.

அமைதிப்படையில் இவர் பாத்திரத்தை வேறு எவராலும் அவ்வளவு அழகாக செய்திருக்க முடியாது.

ஒன்பது ரூபாய் நோட்டு படத்தில்..தன் இமேஜைப் பற்றிக்கவலைப்படாமல்..பாத்திரத்திற்கு ஏற்றாற்போல..கிராமவாசி போலவே..கோவணம் கட்டி..குளித்தார்.மற்ற நடிகர்கள் இப்படி(கமல் நீங்கலாக)நடிப்பார்களா?தெரியாது.

பகல்நிலா..காமராஜர் கெட்டப்பில், அதே சமயம்..வஞ்சக அரசியல்வாதியாக...அருமை. கவுண்டமணியும்..இவரும் சேர்ந்தால்..ரசிகன் வயிற்றுவலியுடன் தான் அரங்கத்தை விட்டு வெளியே வருவான்.

பெரியார்...சிவாஜி ஆசைப்பட்டு..நடிக்க முடியா பாத்திரம்..இவருக்கு அதற்கான அதிர்ஷ்டம் இருந்தது.சிவாஜிகணேசன்.. சத்ரபதி சிவாஜியாக தத்ரூபமாக நடிப்பதைக் கண்டு..பெரியார் சிவாஜி என்ற பட்டத்தைக் கொடுத்தார்.அவர் இருந்திருந்தால்..'பெரியார்' படம் பார்த்ததும் சத்தியராஜிற்கு பெரியார் பட்டம் கொடுத்து..பெரியார் சத்தியராஜ் ஆக்கி இருப்பார்.

அது சரி..தலைப்புக்கு இன்னும் வரவில்லையே..அவர் பகுத்தறிவுவாதி என்பதால் அந்த தலைப்பா..6'2" உயரம் என்பதால் அந்த தலைப்பா என்றால்..அவை எல்லாவற்றிற்கும் மேலே..பாகுபாடு பார்க்காமல் அனைவரிடமும்..பந்தா இல்லாமல் பழகுபவர் என்பதால்தான் இந்த தலைப்பு.

Sunday, February 15, 2009

ஐ.டி.யும்..மற்ற சில தொழில்களும்..

கடந்த சில மாதங்களாக உலகளவில் காணப்படும் பொருளாதார மந்த நிலையால்..ஐ.டி., ஊழியர் பலர் வேலை இழந்துள்ளனர்.பலரின் மாத வருமானம் குறைந்துள்ளது.காலையில் வேலைக்குப் போகும் ஊழியர்கள்..அன்று நம் வேலையைக் காப்பாற்றிக்கொள்ளமுடியுமா? என்ற..கிலியுடன் செல்கின்றனர்.

இந்நிலையில்..இத் துறையால் பாதிக்கப்படும் மற்ற சில தொழில்கள்..

சென்னையில் மட்டும் கிட்டத்தட்ட 200 ஐ.டி.அலுவலகங்களும்..அதில் வேலை செய்யும் 2.5 லட்சம் ஊழியர்களும் உள்ளனர்.தரமணி..டைடல் பூங்கா அருகே உள்ள..ஆட்டோ நிறுத்தத்தில்..ஒவ்வொரு ஆட்டோ ஓட்டுநரும் முன்பெல்லாம்..ஒருநாளைக்கு 1000 ரூபாய் சம்பாதிப்பார்களாம்.அதில்..450 ரூ.வண்டி வாடகை,150ரூ டீசல் செலவு போக ஒருநாளைக்கு 400 ரூபாய் வருமானம் இருக்குமாம்..ஆனால்..இப்போதோ 30 சதவிகிதம் வருமானம் குறைந்துவிட்டதாம்.ஒருவருக்கு இன்றைய வருமானம் இப்போதெல்லாம் 100 அல்லது 150 தானாம்.

விடு வாடகைக்கு விட்டவர்கள்..அநியாய வாடகை வாங்கிக் கொண்டிருந்தனர்.இரண்டு படுக்கை அறைக் கொண்ட அடுக்ககம்..15000 முதல் 20000 வரை வாடகை வாங்கப்பட்டது..ஆனால்..இப்போது 10000 வாடைகை என்றாலும் வர ஆளில்லையாம்.ரியல் எஸ்டேட் துறையினரோ..கமிஷனாக முன்பெல்லாம் 30000 வரை மாதம் சம்பாத்திதனராம்..இப்போது 10000 கூட கிடைப்பதில்லையாம்.

கார் விற்கும் தொழில் நடத்துபவர் ..ஒருவர்..26 வருடங்களாக இந்த வியாபாரத்தில் இருக்கிறேன்..ஆனால் இதுவரை எனக்கு இப்படிப்பட்ட நிலையில்லை.இப்போதெல்லாம் என்னால் மாதம் ஒரு கார் கூட விற்கமுடிவதில்லை என்கிறார்.

மின்சாதன பொருள்கள் விற்பனை செய்பவரோ..எனக்கு 40 சதவிகிதம் வருமானம் குறைந்து விட்டது என்கிறார்.

பல ஐ.டி.நிறுவனங்கள் தாங்கள் ஏக்கர் கணக்கில் வாங்கிப் போட்டிருந்த இடங்களை விற்க தயாராய் இருந்தும்..வாங்க ஆட்கள் இல்லை என்கின்றன.

விலைஉயர்ந்த ஷூக்கள் விற்கும் கடைகளில் கூட 50 சதவிகித தள்ளுபடி என்றாலும் வாங்க ஆட்களில்லையாம்.

மத்திய அரசின் நிதிநிலை அறிக்கையில்..சாஃப்ட்வேர் தொழிலுக்கான வரிச்சலுகை..வரும் நிதி ஆண்டும் நீடிக்கப்படுமா..எனத் தெரியவில்லை என்கிறார்..ஒரு தொழிலதிபர்.

தோல் ஆடை,ஷூக்கள்,தோல் அணிகலன்கள் வியாபாரமும் படுத்து விட்டதாம்.

முன்பெல்லாம் என்ன விலையென்றாலும் வாங்கும் மக்கள்..இப்போது ஒவ்வொன்றிற்கும் விலை கேட்கின்றனர் என்கிறார்..சில்லறை பொருள்கள் விற்கும் வியாபாரி ஒருவர்.

வாழ்க்கைசக்கரம் என்பார்கள்.அந்த சக்கரத்தின்..நேற்றுவரை..மேலே இருந்த பகுதி கீழே சென்றுள்ளது..அது திரும்ப மேலே வந்துதானே ஆக வேண்டும்.

பொறுத்திருப்போம்.

Saturday, February 14, 2009

மதுரையில் காதல் சின்னத்துக்கு பாடை ஊர்வலம்!

காதலர் தினத்துக்கு எதிர்ப்பு தெரித்து, காதலர் உருவ பொம்மைக்கு பாடை கட்டி ஊர்வலம் செல்ல முயன்ற இந்து இளைஞர் பேரவையைச் சேர்ந்த 100 பேர் போலீசாரால் கைது செய்யப்பட்டனர்.

உலகம் முழுக்க இன்று காதலர் தினம் உற்சாகமாக கொண்டாடப்படுகிறது.

இதற்கு பல்வேறு அமைப்புகள் ஆதரவும், இந்து அமைப்புகள் எதிர்ப்பும் தெரிவித்து வருகின்றன.

இந்த நிலையில், மதுரையில் இந்து இளைஞர் பேரவையை சேர்ந்த இளைஞர்கள் சிலர் பெரியார் பேருந்து நிலையம் அருகே குவிந்தனர்.

பின்னர் காதலர் உருவ பொம்மையை பாடையில் வைத்து சங்கு ஊதி எடுத்துச் செல்ல முயன்றனர். அப்போது அவர்களை, தடுத்து போலீசார் கைது செய்தனர்.

இந்த சம்பவத்தை படம் பிடிக்க முயன்ற பத்திரிக்கை புகைப்படக் கலைஞர்களுக்கும், போலீசாருக்கும் இடையே திடீர் மோதல் ஏற்பட்டது.

செய்தியாளர்கள் மீது பாய்ந்த ஏ.சி:

அப்போது, உதவி ஆணையர் இலங்கேஸ்வரன் தாறுமாறான வார்த்தைகளால் செய்தியாளர்களையும், புகைப்படக் கலைஞர்களையும் திட்டத் தொடங்கினார்.

இதனால் அதிர்ச்சி அடைந்த மீடியாக்காரர்கள் அப்படியே சாலையில் அமர்ந்து மறியலில் குதித்தனர். மேலும் உயர் அதிகாரிகளுக்கும் தகவல் தெரிவித்தனர். இதனால் அங்கு பரபரப்பும் ஏற்பட்டது.

காதலர் தின எதிர்ப்பாளர்களின் போராட்டத்தோடு திடீரென பத்திரிக்கையாளர்களும் மறியல் குதித்ததால் பரபரப்பு கூடியது.

நிலைமை சிக்கலாவதைப் பார்த்த உதவி ஆணையர் இலங்கேஸ்வரன் பத்திரிக்கையாளர்களிடம் மன்னிப்பு கேட்டுக் கொண்டார். இதையடுத்து பத்திரிகையாளர்கள் சாலை மறியலை கைவிட்டு கலைந்து சென்றனர்.

நன்றி தட்ஸ் தமிழ்

வழக்கொழிந்த சொற்கள்...

ஒரு மொழி செம்மொழி ஆக என்ன தகுதிகள் வேண்டும்..

அம்மொழி 2000 வருடங்களுக்கு முன்னதான பாரம்பரியம் பெற்றதாய் இருக்க வேண்டும்.(இப்பொழுது..சில மாநில அரசியல்வதிகள் நிர்பந்தத்தால் இந்த நிபந்தனையும் தளர்த்தப்பட்டது)
அம்மொழி வேற்று மொழி சொற்களை தன்னுள் வாங்கிக் கொண்டிருக்கக் கூடாது.

இந்த இரண்டு விதிகளும்..நம் தமிழுக்குள் அடக்கம்.வேற்று மொழிச் சொற்கள்..இப்போது நம் பேச்சிலும்..எழுத்துக்களிலும் காணப்பட்டாலும் ..அச் சொற்களுக்கு தமிழ் மொழியில் சரியான சொற்கள் உண்டு.ஆனால் நாம் தான் பயன்படுத்துவதில்லை.தவிர ..நம்மில் பலருக்கு சில தமிழ்சொற்களும்..வடமொழியில் வழங்கிவரும் சொற்களுக்கும் கூட வித்தியாசம் தெரிவதில்லை.

நான் ஒரு சமயம்..மனநல மருத்துவ மனையை சுற்றிப் பார்க்க சென்றேன் நண்பனுடன்.அப்பொழுது அங்கிருந்த ஒருவர்..."ஆரம்பி...புகைப்படக்கருவி...நடவடிக்கை..வெட்டு.." என்று கூப்பாடு போட்டுக் கொண்டிருந்தார்.நான் அங்கிருந்த மருத்துவரிடம் அது பற்றி விசாரித்தேன்.

மருத்துவர் சொன்னார்...அவர் ஒரு தமிழ் பட இயக்குநர்.தமிழின் மேல் ஆர்வம் கொண்டவர்.அவர் சொன்ன சொற்கள் ஸ்டார்ட், காமிரா, ஆக் ஷன்,கட்...என்பதுதான்.அவர் இவற்றை தமிழில் சொல்வதால்..மன நோயாளி ஆக்கப்பட்டார்.

பாவம்...அவருக்கு..தமிழ் சினிமாவில் தமிழில் படத்திற்கு பெயர் வைத்தால் மட்டுமே போதும்..வரிவிலக்கு உண்டு..என்பது தெரியாது என தோன்றுகிறது எனக்கு.

அது போகட்டும்..தங்கர்பச்சானின் 'ஒன்பது ரூபாய் நோட்டு' படம் பார்த்த போது, திரை அரங்கில் பக்கத்தில் இருந்தவர்..'மடையன்..ஒன்பது ரூபாய் நோட்டே கிடையாது..படத்துக்கு அந்த பெயர் வைச்சிருக்கான் பாரு' என்றார்.நம் தமிழ் அறிவு அந்த அளவுதான்.

சரி..தலைப்புக்கு வருவோம்..

கிணற்றிலிருந்து நீர் இறைக்கும் பொறியை பம்ப்..என்கிறோம்..அதற்கான தமிழ்ச் சொல் எக்கி
சர்வே -நில அளவை
லாஜிக் என்ற பாடத்திற்கு அளவையியல்
ஹார்ஸ் பவர்-குதிரைத் திறன்
அக்ராசனர்,,காரியதரிசி,பொக்கிஷத்தார் - முறையே..தலைவர்,செயலர்,பொருளாளர்
எய்ம்- குறி
லஞ்சம்-கையூட்டு
சயின்ஸ்- அறிவியல்
ராக்கெட்-ஏவுகணை
சைக்கிள்- மிதி வண்டி

மைக்ரஸ்கோப்- நுண்ணோக்கி
மோடிவ்- ஊக்கி
டோனர்- வழங்கி

ஒரு மொழி வளர வேண்டுமானால்..பிற மொழிச் சொற்களை தன்னுள் கலப்பது..தவிர்க்க முடியாது என தமிழ் அறிஞர்களே ஒப்புக் கொண்டுள்ளனர்.ஆனாலும் கூடியவரை தமிழ்ச் சொற்களை பேச தமிழன் கற்க வேண்டும்.

ழ,ர,ல,ற, ள,ண,ன ஆகியவற்றை சரியாக உச்சரித்தாலே போதும்

பின் குறிப்பு-

இந்த பதிவிற்கு என்னை அழைத்த ஜோ(சோ)தி பாரதிக்கு நன்றி

சினிமா இயக்குனர் செய்தி..சும்மா...நகைச்சுவைக்காக சொன்னது

Friday, February 13, 2009

தேங்காய்..மாங்காய்..பட்டாணி..சுண்டல்..(14-2-09)

1. நெப்போலியன் காதல் விஷயத்திலும் மன்னனாம்.14 வயதிலிருந்து 60 வயது வரை அவனுக்கு காதலிகள் இருந்தனராம்.அவன் காதலித்து மணந்துக் கொண்ட ஜோஸஃபைனுக்கு எழுதிய காதல் கடிதங்கள் உலக பிரசத்திப் பெற்றவை.எகிப்தின் மீது அவர் படையெடுத்த போது..ஃபோரே என்னும் இருபது வயது பெண் மீது காதல் வயப்பட்டு..அவளைப் பிரிய மனமின்றி..அவளுக்கு ராணுவவீரன்
போல உடை அணிவித்து...தன்னுடன் யுத்தகளத்துக்கு அழைத்துச் சென்றானாம்.

2.பராசக்தி படத்தில்..பாரதிதாசனின் 'வாழ்க..வாழ்கவே..வளமான எமது திராவிடநாடு' என்ற பாடல் இடம் பெற்றது.திராவிட நாடு என்ற சொல்..திரையில் அப்போதுதான் முதன்முறையாக வந்ததாம்.

3.காதலர்தினத்தன்று எனக்கு ஞாபகம் வருவது...என்னைச் சுற்றி எப்பொதும் இருந்த ஃபிகர்கள்.அதிலிருந்து நான் தப்ப முயன்றாலும்..ஃபிகர்கள் என்னை விடவில்லை.இருங்க..இருங்க..அதுக்குள்ள அவசரப் படாதீங்க..நான் வேலை பார்த்த வங்கியில்..தினமும் கணக்குகள் balance ஆகாமல்..ஃபிகர்களை அதாவது எண்களை பார்த்ததைதான் சொல்கிறேன்.

4.கடலில் கலந்த பனித்துளி தன்னை இழப்பதில்லை..மாறாக தன்னை கடலளவு பெரிது படுத்திக் கொள்ளும்.

5.நீங்கள் ஓட்டப்பந்தயத்தில் சாதனையாளர் என்று நான் சொன்னால் நம்பமாட்டீர்கள்..ஆனால்..இச் செய்தியைப் பாருங்கள்.இந்த பூமியில் பிறப்போர் அனைவரும்..பத்துக் கோடிப் பேருடன் ஓட்டப்பந்தயத்தில் ஜெயித்தப் பிறகே பிறக்கிறார்கள்.ஆம்...தாம்பத்ய உறவின் போது..கிட்டத்தட்ட பத்துக் கோடி விந்தணுக்கள் உருவாகின்றனவாம்.அவற்றுள் ஒரே ஒரு விந்தணு மட்டுமே..எல்லாவற்றையும் தாண்டி..கரு முட்டையை அடையுமாம்.இப்போது சொல்லுங்கள்..பிறக்கும் முன்னரே நீங்கள் சாதனை புரிந்துள்ளீர்கள்.

6.ஒரு கவிதை-
நீ பருவமகள்
உண்மைதான்
குளித்து முடித்த உன்
கூந்தலில்
நீர் சொட்டும்போது
மழைக்காலம்
சீவும்போது
இலையுதிர்காலம்
நீ பூச்சூடும்போது
வசந்தகாலம்
அதை அள்ளி
நான் போர்த்திக்
கொள்ளும் போது
குளிர்காலம்.

- பழநிபாரதி

மனிதரில் இத்தனை வகைகளா.?..- இறுதி பகுதி

(http://tvrk.blogspot.com/2009/02/1.html)part one)
மனோபாவம்....இதை மாற்றிக் கொண்டால்..நம் குணங்களும் மாறும்.ஒருவரின் மனோபாவம்.. மற்றவர்களை குறை சொல்வதில்தான் ஆரம்பிக்கிறது.நாளாக..ஆக..எதிலும் எல்லாவற்றிலும் குறை காண்பது என்ற வழக்கம் ஏற்பட்டு விடுகிறது.

பின் அதுவே..நாம் செய்யும் செயல்களைத் தூண்டுகிறது.இவற்றிலிருந்து ஒருவனால் மீண்டு வரமுடியுமா? கண்டிப்பாக முடியும்...

வெற்றியும்...தோல்வியும்..பயமும்..தைர்யமும்..சோகமும்..இன்பமும்..நாம் நம் மனதை எப்படி பழக்கப்படுத்திக் கொள்கிறோமோ..அப்படியே அமையும்.எதிலும் சந்தோஷம்,துணிவு,வெற்றி காண மனதை மாற்றிக்கொள்ளுங்கள்.

ஒரு காரியத்தில்..வெற்றி அடைய வேண்டும் என்பவர்கள்..எதிலும் நல்லதையே பார்க்கிறார்கள்.எந்த காரியத்தையும் முடிக்க முடியும் என எண்ணுகிறார்கள்.இவர்கள் சிறிய..சிறிய காரியங்களாக எடுத்து..அதில் சாதனை புரிந்து..வெற்றி மனோபாவத்தை வலிமைப்படுத்துகிறார்கள்.

வெற்றியடைபவர்கள்..கருங்கல்லை..கருங்கல்லாய் பார்ப்பதில்லை.ஒரு சிற்பமாக பார்ப்பார்கள்.

வெற்றிகாண விரும்புபவர்கள்..வாய்ப்பை எதிர் நோக்கிக்கொண்டிருப்பர்.

ஆரம்ப தோல்வி கண்டு மனதளர்ச்சி வேண்டாம்.தோல்வி இல்லா மனிதன் இல்லை.தோல்வி ஒரு பாடம்..தோல்வி ஒரு அனுபவம்.அடுத்த முறை வெல்வேன் என தோல்வியடைவோர் எண்ண வேண்டும்.

உங்கள் மனோபாவம்தான் வெற்றிக்கான பாதை.நல்ல எண்ணத்தை வளர்த்துக் கொள்ளுங்கள்.அதை பழக்கமாக ஆக்கிக் கொள்ளுங்கள்.எதிலும் வெற்றி..எதிலும் வாய்ப்பு..எக்கஷ்டம்
வந்தாலும் மீளுதல்..இதுவே நம் அணுகுமுறையாக இருக்க வேண்டும்.

இந்த மனோபாவம் என்னும் தோழன்தான் உங்களுடன்..உங்கள் மனம் இயங்கும் வரை..உணர்ச்சி துடிப்புகள் அடங்கும் வரை..இருக்கப் போகிறவன்.

அவன்தான் உங்கள் தோழன்.

அவன்தான் உங்கள் உயிர் காக்கும் தோழன்.

Thursday, February 12, 2009

திரையுலகில் ஒரு முத்து முத்துராமன்

முத்துராமன்...ஸ்ரீதரால் திரையில் அறிமுகப்படுத்தப்பட்ட நடிகர்.சஹஸ்ரநாமம் நாடகக் குழுவில் நடித்திக்கொண்டிருந்த இவரை நெஞ்சில் ஓர் ஆலயம் படத்தில் அறிமுகப் படுத்தினார் ஸ்ரீதர்.

நட்புடன் பழகும் குணம், மிகையில்லா யதார்த்த நடிப்பு ஆகியவை இவரை கிட்டத்தட்ட 25 வருஷங்கள் ... அவர் அமரர் ஆகும்வரை திரையுலகம் ஆதரித்தது.

இவர் நகைச்சுவை வேடத்தில் நடித்த படங்கள்..காதலிக்க நேரமில்லை,அனுபவி ராஜா அனுபவி, காசேதான் கடவுளடா..ஆகியவை.

சிவாஜியுடன் இவர் நடித்த பல படங்கள் வெற்றிப் படங்கள்.அவற்றுள் சில..அன்னை இல்லம்,பார் மகளே பார்,நெஞ்சிருக்கும் வரை,ஊட்டி வரை உறவு

குணச்சித்திர வேடத்தில் இவர் நடித்து வெற்றிப் பெற்றபடங்கள்..தீர்க்க சுமங்கலி,எதிர் நீச்சல்(நாயர்),வாழ்க்கைப்படகு
எந்த பாத்திரமானாலும் இமேஜ் பார்க்காமல் நடிக்கக் கூடியவர் இவர்.போலீஸ்காரன் மகள் படத்தில்..கதானாயகின் சகோதரனாக நடித்த இவரின் நடிப்பு..பாசமலர் ராஜசேகர் நடிப்புக்கு ஒப்பிடும் தன்மையானது.

இவர் நடிப்பில் வெற்றிப் பெற்ற சில படங்கள்..சித்தி,கற்பகம்,நத்தையில் முத்து. தாகம் என்ற ஆர்ட் ஃபில்மிலும் நடித்துள்ளார்.

பழக இனிமையானவர்..கால் பந்து ஆட்ட ரசிகர்., உடற்பயிற்சிகள் மூலம் தன் உடலை கட்டுமஸ்தாக வைத்திருந்தவர்...எந்த கிசு கிசுவிலும் சிக்காதவர்..தான் உண்டு தன் வேலையுண்டு..என தயாரிப்பாளர்களுக்கு தலைவலி தராதவர்..எந்த பாத்திரமானாலும் நடிக்கக் கூடியவர்..மொத்தத்தில்..ஒரு முத்தாய் இருந்தவர் முத்துராமன்.

தன் 55 வயதில்..ஊட்டியில்..ஒருநாள் காலை..உடன் பயிற்சி செய்துக்கொண்டிருந்த போது..மரணமடைந்தார்.

இவர் கடைசியாக நடித்த படம்'போக்கிரி ராஜா'...
..அதில்..ரஜினியின் வில்லன் இவர்.ஒரு வேளை..இந்த நல்ல மனிதர் வில்லனாக மாறுவதை பொறுத்துக் கொள்ள முடியாததால்..இயற்கை இவரை சீக்கிரமே தன்னிடம் அழைத்துக் கொண்டதோ???

Wednesday, February 11, 2009

வாய் விட்டு சிரியுங்க..

1.எங்க ஆஃபீஸ்ல யார் தப்பு பண்ணினாலும் உடனே வீட்டுக்கு அனுப்பிடுவாங்க..
இப்போ நீங்க வேற வேலை தேடறீங்களா?

2.என்னோட பையன்..எப்போதும்..be indian..buy indian தான்
அவ்வளவு தேச பக்தியா?
ஆமாம்..படிப்பில கூட..இந்தியர்கள் கண்டுபிடித்த '0" தான் வாங்குவான்.

3.வெளிநாட்டிலிருந்து உன் பையன் என்ன வாங்கி வந்தான்
நாலு செண்ட் தான்
ஏன்..ஒரு ஏக்கர் வாங்கிட்டு வரச் சொல்லி இருக்கலாமே

4.டாக்டர்- உங்க வயற்றில எப்படி இவ்வளவு தீப்புண் ஏற்பட்டது
நோயாளி- பையன் +2 ல நல்ல மார்க் வாங்கணுமேன்னு..இவ்வளவு நாள் வயத்தில நெருப்பை கட்டிக்கிட்டு இருந்தேன்

5.டாக்டர் என் மூக்கு பலமடைய ஏதாவது மருந்து கொடுங்க.என் மூக்கு கண்ணாடி வைட்டக் கூட மூக்கால தாங்க முடியல

6.வர வர ஆஃபீஸ்ல இருந்து லேட்டா வர்றீங்களே..என்ன காரணம்
நான் என்ன செய்யறது...ஒரு பயலும் போறப்ப எழுப்பிவிடாம போயிடறாங்க..

ஆதலினால் காதல் செய் ...

1.பூக்கள் கொட்டிக் கிடக்கின்றன. அதில் உனக்காக ஒரு பூ கத்திருக்கிறது.அதை தேர்ந்தெடுக்கிறாயே..அதுதான் காதலின் சக்தி.

2.காதல்..என்பது..ஒன்றை அடைதல் அல்ல..ஒன்றை உணர்தல் என்ற எண்ணம் இருவருக்கும் வேண்டும்.

3.காதல் ஒரு அற்புத உணர்வு..பூத்து..காய்த்து..உதிர்ந்திடும் பூ அல்ல அது.மரணம் வரை தொடரும் விஷயம்..மரணம் வரை தொடரும் வாழ்க்கை.

4.இரவில் கவிதை
கவிதையான இரவு
கனவில் நிலவு
நிலவு பற்றி கனவு
தனிமையில் சிரிப்பு
சிரிப்பில் தனிமை
இதுதானா காதல்?

5.காதலில் ஜெயித்தவர்கள் கதை..ஒவ்வொருவருக்கும் மாறுபடும்..ஆனால்..தோற்றவர்கள் கதை ஒரே மாதிரி இருக்கும். புறக்கணிக்கப்பட்ட தோல்வி..அதனால்தான் தாங்கமுடிவதில்லை.

6.காதல் வயப்படுபவன்(ள்)..இடம்..பொருள்..இரவு..பகல்..பேதமிருக்காது.மனம்..உற்சாகத்திற்கும்..லேசான துக்கத்துக்குமாக மாறி மாறி பயணிக்கும்.மனதில் மழை பெய்யும்..மத்தாப்புக்கள் பூ சொரியும்.

7.அழகு..அறிவு..எல்லாவற்றிலும்..கடந்த மென்மையான உணர்வு காதல்.

8.காதல் என்பது எதுவரை
கல்யாண காலம் வரும்வரை - கண்ணதாசன் வரிகள்

9.பறக்கத் தெரியும்
திசை தெரியாது
காதல் ஓர்
இலவம் பஞ்சு

_ கபிலன்