மாணவி தற்கொலை...உலகே உன் செயல்தான் மாறாதா..?

சென்னை பெசண்ட்நகரைச் சேர்ந்த ஆல்காட் குப்பத்தைச் சேர்ந்த மாணவி திவ்யா.இவர் கடந்த மாதம் 31ஆம் தேதி தூக்குப் போட்டுத் தற்கொலை செய்துக் கொண்டார்.இவர் டாக்டர் எம்.ஜி.ஆர்., ஜானகி கல்லூரியில் பி.காம்.மூன்றாம் ஆண்டு படித்து வந்தார்.இவர் மீது திருட்டுப் பட்டம் சூட்டப்பட்டது.அவரை நிர்வாணப்படுத்தி சோதனை செய்தனராம்.அதனால் மனமுடைந்த அவர் கடிதம் எழுதி வைத்துவிட்டு தூக்கில் தொங்கினார்.

இது தொடர்பாக அக் கல்லூரியைச் சேர்ந்த நாலு பேராசிரியைகள் கைது செய்யப்பட்டுள்ளனர்.

நமக்குப் புரியாதது..

அந்த மாணவி மூன்று ஆண்டுகளாக அக்கல்லூரியில் படிக்கிறாள்.அவளைப் பற்றி அந்தப் பேராசிரியைகளுக்குத் தெரிந்திருக்காதா? அப்படிப்பட்டவரை நிர்வாணப்படுத்தி சோதனையிட அவர்களுக்கு எப்படி மனம் வந்தது

அந்த மாணவி மீது அவர்களுக்கு வன்மம் இருக்குமேயாயின்..கடந்த மூன்று ஆண்டுகள் அக்கல்லூரியில் தினம்..தினம்..அந்தப் பெண் எவ்வளவு வேதனைகளை அனுபவித்திருப்பாள்.

ஒரு வாதத்திற்காக..அம்மாணவியே திருடியதாக இருக்கட்டும்...சட்டத்தை தன் கைகள் ஏந்த இந்த ஆசிரியைகள் யார்?



'எளியோரைத் தாழ்த்தி வலியோரை வாழ்த்தும்

உலகே உன் செயல்தான் மாறாதா"

என்றான் ஒரு கவி ஐம்பது ஆண்டுகளுக்கு முன்



இன்னும் உலகின் செயல் மாறவில்லை.



இது பற்றி வினவு இடுகைக்கு