Thursday, August 13, 2009

தேங்காய்..மாங்காய்..பட்டாணி..சுண்டல் (14-8-09)

1.தமிழக அரசின் இலவசத் திட்டங்களால் ரூபாய் 75000 கோடி கடன் ஏற்பட்டுள்ளது.மக்களின் வரிப்பணம் வீணாகிறது.தமிழகத்தில் உள்ளவர்களின் தலைக்கு 12000 ரூபாய் வீதம் கடன் சுமை ஏற்பட்டுள்ளது...இதை சொன்னவர் விஜய்காந்த்.

அத்துடன்..மரியாதை, எங்க ஆசான்..மூலம் அந்த தயாரிப்பாளர்கள், விநியோகஸ்தர்கள் அடைந்த கடன் சுமை எவ்வளவு என தெரிவிப்பாரா?

2.உடலின் மொத்த எடையில் தண்ணீரின் பங்கு 70 சதவிகிதம் ஆகும்.உடலின் அனைத்து பாகங்களில் அது வியாபித்திருந்தாலும்..மூளை மற்றும் நுரையீரல் போன்ற உறுப்புகளிலும்..ரத்தம்,உமிழ்நீர்,நிணநீர் போன்ற திரவங்களிலும் ஜீரணமுறையில் உள்ள உறுப்புகளின் சுரப்பிகளிலும் அதிகப்படியாகவே அடங்கியுள்ளது.

3.நம் உடலில் ஒரு சுழற்சியில் ரத்தம் ஒரு லட்சத்து 19 ஆயிரம் கிலோமீட்டர் பயணம் செய்கிறது.ரத்தக்குழாய்களில் செல்லும் போது அதன் வேகம் மணிக்கு 65 கிலோமீட்டராம்.

ஓவர் ஸ்பீட் என யாராலும் சார்ஜ் பண்ணமுடியாது..

4.ஒரு மனிதன் தவறு செய்தபின் அதை எண்ணி வருந்துவதைவிட, அதை திருத்திக் கொள்வதைவிட..எளிய வழி ஒன்று உண்டு.தவறே செய்யாவிடின்...

விழுந்து எழுந்திருப்பதைவிட விழாமல் இருப்பது சிறந்தது.

5.வரும் அக்டோபர் மாதம் துவங்கும் 2010ஆம் நிதியாண்டிற்காக அமெரிக்க அரசு 65 ஆயிரம் H1B விசாக்களை அறிவித்ததாம்.இதுவரை 49000 விண்ணப்பங்கள்தான் வந்துள்ளதாம்.எப்போதும் வழக்கமாக அறிவிப்பு வந்ததும் விண்ணப்பங்கள் ஆயிரக் கணக்கில் வந்து குவியுமாம்.

6.பணவீக்க விகிதம் எப்படி கணக்கிடுகிறார்கள் என யாராவது சொன்னால் கேட்டுக் கொள்கிறேன்..இப்போது -1.74 சதவிகிதமாம். பருப்பு விலையும்,எண்ணெய் விலையும் இதில் சேருமா?

7.ஒரு ஜோக்..

சிறுகதைப் போட்டிக்கு வந்த கதைகளில் என் கதைக்கு டாப் 10ல் 10 ஆவது இடமாம்.
மொத்தம் எத்தனை கதைகள் வந்ததாம்..
பத்து கதைகள் வந்ததாம்.

Wednesday, August 12, 2009

கமல் பொன்விழாவும்..மறக்கமுடியா பாத்திரங்களும்..


தமிழ் திரை உலகில்..நடிப்பு ஒன்றையே முழு மூச்சாய் எண்னிய நடிகர் திலகத்திற்கு அடுத்து கமல்ஹாசன் ஒருவரைத்தான் சொல்லமுடியும்.களத்தூர் கண்ணம்மா படத்தில் 50 வருஷங்களுக்கு முன் குழந்தை நட்சத்திரமாக அறிமுகமானவர் கமலஹாசன்..சிறுவன் கமலுக்கு ஏ.வி.எம்., சந்தர்ப்பம் கொடுத்தது என்றால்..அவரை நடன இயக்குநர் ஆக்கியது டேன்ஸ் மாஸ்டர் தங்கப்பன் அவர்கள்.அவர் வாலிப வயதை அடைந்ததும்..பாலசந்தர் அவர்களால் அரங்கேற்றம் படத்தில் சாதாரணமான ஒரு பாத்திரம் தரப்பட்டது.பின்..கமலின் திறமையை உணர்ந்த பாலசந்தர் தொடர்ந்து அவருக்கு..அவர்கள், மன்மத லீலை,அவள் ஒரு தொடர்கதை,அபூர்வ ராகங்கள் ,மூன்று முடிச்சு என பல படங்களில் நடிக்க சந்தர்ப்பம் கொடுத்து அவர் திறமையை வெளிக் கொணர்ந்தார்.பின்..கமலுக்கு எறுமுகம் தான்.

16 வயதினிலே சப்பாணி,கல்யாணராமன்,எல்லாம் இன்ப மயம்,கைதியின் டயரி,சிகப்பு ரோஜாக்கள்,வறுமையின் நிறம் சிவப்பு,சகலகலாவல்லவன்,மூன்றாம் பிறை, ராஜ பார்வை,இளமை ஊஞ்சலாடுகிறது,அவள் அப்படித்தான்,நாயகன்,மீண்டும் கோகிலா,வாழ்வே மாயம் என பல படங்களில் தன் திறமையைக் காட்டினார்.மறக்கமுடியா படங்கள் அவை.

ஆனாலும்..கமல் என்னும் நடிகரை நான் முழுமையாக ரசித்த படங்கள்..

சலங்கைஒலி - தனது நாட்டிய திறமையயும் இப்படத்தில் காட்டினார்.கிளைமாக்ஸ் காட்சியில்..கிணற்றின் மேல் நடனமாடும்..இவர் ..எங்கே கிணற்றில் விழுந்து விடுவாரோ என மனம் பதைபதைக்க வைத்தார்.

மகாநதி-கமலின் மாஸ்டர் ஃபீஸ் படம் இது..இன்று நினைத்தாலும் கல்கத்தாக் காட்சி கண்முன்னேயே நிற்கிறது.

அபூர்வ சகோதரர்கள் அப்புவை மறக்கமுடியுமா?

அன்பே சிவம்-இப்படத்தில் கமலின் நடிப்பைப் பற்றி என்ன சொல்வது..வார்த்தைகளே இல்லை..விபத்தில்..முகமே மாற இழுத்து..இழுத்து பேசும் போது நமக்கு வாய் வலிக்கும்.கமல் நீ ஒரு பிறவி நடிகன் என்பதைச் சொன்ன படம் இது.

தேவர்மகன்- சிவாஜி பெரியதேவராக நடிக்க..கமல் கதாநாயகன்..குறை சொல்லமுடியா நடிப்பு..சொந்த குரலில் கமல் பாடிய..இஞ்சி இடுப்பழகி...கமலை சகலகலாவல்லுநராக ஆக்கியது.

விருமாண்டி-இப்படத்தை வெளியிடுவதற்குள்..எத்தனை இடையூறுகள்..எல்லாம் தாண்டி விருமாண்டியாக கண் முன்னே நின்றார்.

ஒரு படத்தின் நாயகன் பாதி படத்திற்கு மேல் பெண் வேடம் தாங்கி அதை வெற்றி படமாகவும் ஆக்கினார் எனில் அது கமல் மட்டுமே..படம் அவ்வை சண்முகி

இந்தியனையும்..இந்திய தாத்தாவையும் மறக்கமுடியுமா?

படம் முழுதும் வசனமே இன்றி..ஊமைப்படங்களாக முதன் முதல் திரைப்படங்கள் உருவானது என்பதை நாம் அறிவோம்..ஆனால்..கலைமேதை கமல் அவர்கள்..படம் முழுதும் வசனமே இல்லாது..ஆனால்..படத்தின் பெயரை பேசும்படம் எனக் கொடுத்து..வெற்றியடைய வைத்தார்.

மற்றும் நாயகன்,புன்னகை மன்னன்,ஆளவ்ந்தான்,சிப்பிக்குள் முத்து ஆகிய படங்களில் கமலின் நடிப்பைப் பாராட்ட வார்த்தைகளைத் தேடத்தான் வேண்டும்

கமல்..பல பரீட்சார்த்த படங்களை எடுத்து..கையை கடித்துக் கொண்டவர்.உதாரணத்திற்கு ஹே ராம்...குணா,நம்மவர்கள்.. சொல்லலாம்.

வசூல்ராஜா..மருத்துவர்களின் போராட்டங்களுக்குப் பின் வெளியானது.இப்படம் ஹிந்தியில் வந்த போது..கண்டனம் சொல்லாத மருத்துவர்கள்..தமிழில் வரும் போது வெகுண்டு எழுந்தது..கமலின் துரதிருஷ்டமே.

ஆரம்ப காலங்களில் ரஜினியுடன் சேர்ந்து ..மூன்று முடிச்சு,அவள் அப்படித்தான்,இளமை ஊஞ்சலாடுகிறது போன்று 17 படங்களில் நடித்துள்ளார்.

கமல் தன்னால் நகைச்சுவை படங்களிலும் பிரகாசிக்க முடியும்..என பல படங்களில் நிரூபித்திருந்தாலும்..சமீப காலங்களில் வந்த..மைக்கேல் மதன காமராஜன்,பம்மல் கே.சம்பந்தம்,பஞ்சதந்திரம்,மும்பை எக்ஸ்பிரஸ்,தெனாலி,சிங்காரவேலன் ஆகிய படங்களைக் குறிப்பிடலாம்.

கமலின் மகுடத்தில் மற்றொரு வைரக்கல் தசாவதாரம்..10 வேடங்களில் நடித்தார்.ஃபிளச்சரும்,பல்ராம் நாயுடுவும் இன்றும் நம் கண்முன்னே நிற்கிறார்கள்.

கமல் படங்களையும்..அவர் நடிப்பையும் பற்றி எழுதிக் கொண்டிருந்தால்...அதற்கு முடிவே இருக்க முடியாது..

அப்படிப்பட்ட உயர்ந்த மாபெரும் கலைஞன் மலையாளம்,ஹிந்தி படங்களிலும் திறமையைக் காட்டியுள்ளார்.

இன்று அக்கலைஞன் நடிக்க வந்து 50 ஆண்டுகள் பூர்த்தி ஆகின்றன.

நேற்று சிவாஜி என்ற மாபெரும் கலைஞன் 1952ல் நடிக்க ஆரம்பித்து 1999 படையப்பாவரை 47 ஆண்டுகள் நடித்தார்.

இன்று கமல் என்ற கலைஞன் 1959ல் சிறுவனாக நடிக்க ஆரம்பித்து இன்று பொன்விழா கொண்டாடுகிறார்.

இரு மாபெரும் கலைஞனும் நம் காலத்தில் வாழ்ந்ததற்கு நாம் பெருமைப் படுவோம்.

கமல் மேன் மேலும் வெற்றி பெற வாழ்த்துவோம்..

இந்தியாவில் கலைஞர்கள் வாழும் போது சரியாக போற்றப்படுவதில்லை..என்ற கூற்றை பொய்யாக்கி..கமலின் திறமையை அரசு மதித்து..அவருக்கு உரிய மரியாதையை தரட்டும்..

வாழ்க கமல்..வளர்க அவர் கலைப்பணி..

(இப்பதிவிடும்போது நினைவிற்கு வந்த படங்களே பட்டியலிடப்பட்டுள்ளன..பல முக்கிய படங்கள் விட்டுப் போயிருக்கலாம்)

Tuesday, August 11, 2009

உரையாடல் சிறுகதை போட்டியும், சிவராமனும், மற்றும் ஜ்யோவ்ராமும்....

சற்றே தாமதமான பதிவு...காரணம்..பதிவிடுமுன்..நான் படித்திராத பரிசுபெற்ற கதைகளை படிக்க நினைத்ததே.

ஒரு வெகுஜன பத்திரிகை சிறுகதை போட்டி வைத்தால் கூட இவ்வளவு கதைகள் வருமா என்பது சந்தேகமே.

250 கதைகள்...அடேங்கப்பா..பதிவர்கள் தங்கள் திறமையைக் காட்டிவிட்டார்கள்.ஆனால் பாவம் நடுவர்கள்.

இவ்வளவு கதையை படிப்பது என்பது சாமன்யமல்ல..அதைவிட தேர்ந்தெடுத்த கதைகளை ஷார்ட் லிஸ்ட் பண்ணிவிட்டு..அவற்றை மீண்டும் படிக்க வேண்டும்..இறுதி முடிவு எடுப்பதற்கு முன்.அதாவது..மீண்டும் கிட்டத்தட்ட 50 அல்லது அறுபது கதைகளை படித்திருக்க வேண்டும்.எவ்வளவு கடினமான செயல்.அதை வெற்றிகரமாக செய்து முடித்த சிவராமனையும்.. ஜ்யோவ்ராம் சுந்தரையும் எவ்வளவு பாராட்டினாலும் தகும்.

பதிவர்கள் சார்பில்..யாராவது ஒரு மூத்த பதிவர்(வயதில் அல்ல..பதிவிடுவதில்) பரிசு வழங்கும் நாளில் இவர்களை கௌரவிக்க வேண்டும்.செய்வார்களா?

காக்கைக்கும் தன் குஞ்சு பொன் குஞ்சு..

பரிசு கிடைக்காத நண்பர்கள் அனைவருக்கும்..பரிசு பெற்ற கதைகளைவிட தங்கள் கதை சிறந்ததாகவே தெரியும்..ஆனால் .. மீண்டும் மீண்டும் நம் கதையைப் படித்தால்..உள்ள குறைகள் தெரியும்.
எனக்குக் கூட..பரிசு பெற்ற சில கதைகளைவிட..பரிசு பெறா சில கதைகள் பிடித்தன.ஆனால்..நடுவர்கள்..அவர்கள் பார்வையில் தேர்ந்தெடுத்ததை குறை சொல்லக் கூடாது.நடுவர்கள் தீர்ப்பே இறுதியானது.சமயத்தில் கிரிக்கெட் போட்டியில் நடுவர்கள் LBW தீர்ப்பை தவறாகக் கொடுத்தாலும்..batsman அவுட் தானே..அதை சச்சின் போல முகமலர்ச்சியுடன் ஏற்க வேண்டும்.இன்னொன்றையும்..இங்கு சற்றே..மனவலியுடன் கூற ஆசைப்படுகிறேன்.வெற்றி பெற்ற கதை எழுதிய ஒரு பதிவரின் பதிவில் சற்று ஆணவம் தெரிந்தது.தயவு செய்து ஆணவத்தை அனைவரும் விட்டு ஒழிப்போம்.

இனி..போட்டியை நடத்தியவர்களுக்கு சிறு யோசனை..

இனிவரும் போட்டிகளில்...படைப்பினைஅவரவர் வலைப்பூவில் வெளியிடாமல்..நேராக..போட்டி நடத்துபவர்க்கே அனுப்பவேண்டும்.நடத்துபவர் எழுதியவரின் பெயரை வெளியிடாது..படைப்பினை நடுவர்களுக்கு அனுப்ப வேண்டும்.வெற்றி பெற்றவற்றின் படைப்பாளி யார் என பின் தெரிவிக்க வேண்டும்.அப்படி செய்தால்..சலசலப்பிருக்காது.

நடந்து முடிந்த போட்டியில் கலந்துக் கொண்டவர்களுக்கு participation certificate கொடுத்து ஊக்கப்படுத்தலாம்.

சிரிப்போம்...சிரிக்க வைப்போம்...

வாழ்க்கை என்பது ஒரு அற்புதம்..அதை இன்பகரமாக வாழ்ந்து காட்ட வேண்டியது..அவரவர் திறமை..ஏன்..அதை அவரவர் கடமை என்று கூட சொல்வேன்..அதற்கு..இன்றியமையா தேவைகள் பல இருந்தாலும்...குறிப்பாக நகைச்சுவை உணர்ச்சி முக்கியம்..

பல முக்கியச் செய்திகள்..நகைச்சுவையோடு கலந்து கொடுத்தால் தான்..நாம் எதிர்பார்த்தபடி..எதிர்ப்பார்த்த நபர்களை சென்று அடையும்.

ஆகவேதான்..திரைப்படங்களிலும்..கலைவாணர் அவர்களின் நகைச்சுவை..சில சீரிய..கருத்துக்களுடன் இருக்கும்.நகைச்சுவையாக சொல்லும்போது..முதலில் சிரித்தாலும்..பின்னர் அதில் பொதிந்திருக்கும் செய்தியை உணர்வோம்.

சிலர்...என்னதான் சிரிப்பான செய்தியைக் கேள்விப்பட்டாலும்...சிரிக்காமல்..எதையோ பறிகொடுத்தது போல் ..முகத்தை..சீரியஸ் ஆக வைத்திருப்பார்கள்.

நம்மை சிரிக்க வைத்த காமெடியன்கள் பலர் வாழ்க்கை..சோகமயமானது.உதாரணத்திற்கு..நடிகர் சந்திரபாபுவை சொல்லலாம்..அவர்கள் தங்கள் சோகத்தை மறந்து..தண்ணீருக்குள் மீன் அழுதால்..அதன் கண்ணீரை யார் அறிவார்..என்பதற்கேற்ப..அவர் தனிப்பட்ட சோகத்தை மறைத்து நம்மை மகிழ வைத்தார்.

பணத்தை பெரியதாக நினைப்பவர்கள்...சிரிப்பை மறந்தவர்கள்..

எந்திர மயமான வாழ்வில்..காலையில் கடற்கரையில்..நின்று ..உடல் நலனுக்காக..வலுக்கட்டாயமாக..சிரிக்க வேண்டியிருக்கிறது இன்று.. சிரிப்பு..அரு மருந்து என்பதால்..

சிரிப்பு...மனிதனுக்கு மட்டுமே..ஆண்டவன் கொடுத்த வரப்பிரசாதம்

சிரிப்போம்..வாய் விட்டு சிரிப்போம்...

வன்மத்தை விட்டு...எதிரியையும் சிரிக்க வைப்போம்..

சாதிக்க முடியாத விஷயங்களையும்..முக மலர்ச்சியுடன், எதிர் கொண்டால்..சாதிக்கமுடியும்..

Monday, August 10, 2009

கலைஞர் ஒரு திரைப்பட பாடலாசிரியர்

ஒருவர் கவிஞராக இருப்பார்..அல்லது
எழுத்தாளராக இருப்பார்..அல்லது
திரைப்பட வசனகர்த்தாவாக இருப்பார்..அல்லது
இலக்கியவாதியாக இருப்பார்..அல்லது
திரைப்பட பாடலாசிரியராக இருப்பார்..அல்லது
அரசியல்வாதியாக இருப்பார்.....ஆனால்
தமிழன்னை..தன் செல்லப்புதல்வன் கலைஞருக்கு...எல்லாவற்றையும்...வாரி..வாரி...வழங்கி இருக்கிறாள்.
ஆம்...அந்த தமிழன்னையின் செல்லப்பிள்ளை தான்...நம் கலைஞர்.

இப்பதிவு...திரைப்பட பாடலாசிரியராக கலைஞர்.

பல திரைப்படங்களுக்கு..திரைக்கதை,வசனம் எழுதியவர் அவர் என்பதை நாம் அறிவோம்.ஆனால்..பலருக்கு, குறிப்பாக இளம் தலைமுறையினருக்கு அவர் ஒரு திரைப்பட பாடலாசிரியர் என்பது தெரியாது.

1950ல் வந்த மந்திரிகுமாரி படத்தில் இடம் பெற்ற கலைஞர் பாடல்..

அருமைக் கன்னுக்குட்டி - என்
எருமைக் கன்னுக்குட்டி...
ஊருக்கு உழைப்பவன்டி..ஒரு
குற்றம் அறியான்டி
உதைப்பட்டு சாவான்டி....
என்று வரும் வரிகள்...

அடுத்து....அறிஞர் அண்ணாவின் ரங்கோன் ராதா படத்தில் கலைஞரின் பாடல்...

பொதுநலம்..என்றும் பொதுநலம்
புகழ் உடலைக் காக்கும்..மிகப் புனிதமான செயல்
பொதுநலம்.....என்ற பாடல்
(பூம்புகார்..படத்தில் வரும் அவர் பாடல்..சுந்தராம்பாள் பாடுவார்..
'வாழ்க்கை என்னும் ஓடம்
வழங்குகின்ற பாடம்
மானிடனின் மனதினில்
மறக்க வொண்ணா வேதம்....- என்ற பாடல்.


மறக்கமுடியுமா...என்ற படத்தில்..அவர் எழுதிய ஒரு அருமையான பாடல்....

காகித ஓடம் கடலலை மேலே
போவதுபோல ...மூவரும் போவோம்...- மறக்கமுடியா பாடல்.

எல்லாவற்றையும் விட நம்மால் மறக்கமுடியாதது...பராசக்தியில்...

பூமாலை..நீயே
புழுதி மண்மேலே-வீணே
வந்தேன்..தவழ்ந்தாய்....என்ற பாடல்.

தவிர...பூமாலை படத்தில்..'கன்னம்..கன்னம்..சந்தனக்கிண்ணம்' என்ற பாடல்..
ராஜா ராணியில்'பூனைக்கண்ணை மூடிக்கொண்டால் பூலோகம் இருண்டு போகுமா..மியாவ்..மியாவ்...' பாடல்.

எனக்கு நினைவில் தற்போது வந்த பாடல்கள் இவை.
கடல் நீரை..குடத்திற்குள் அடக்கி விட முடியுமா?

Saturday, August 8, 2009

மனிதரில் இத்தனை வகையா!?

மனிதர்கள் பலவிதம்..ஒருவர் போல ஒருவர் இருப்பதில்லை.சிலர் பேசிக்கொண்டே இருப்பார்கள்.சிலர்..தேர்ந்தெடுத்து சொற்களை வெளியிடுவார்கள்.ஒரு சிலரோ...வாயைத் திறந்தாலே..முத்து உதிர்ந்துவிடும் போல எண்ணி வாயைத் திறக்க மாட்டார்கள்.

என் நண்பர் ஒருவர்..பெயர் வேண்டாமே..எதிலும் குறை சொல்பவராகவே இருப்பார்.நண்பர்கள் பற்றியோ..அரசியல் பற்றியோ பேசும் போது..எளிதில் உணர்ச்சி வசப்பட்டு..கடுமையாக தாக்கிப் பேசுவார்.இதனால்..நண்பர்கள் இவரை விட்டு..அவ்வப்போது விலகுவர்.

வேறு ஒரு நண்பர்..இவர் பத்திரிகைகளில் அரசியல் விமரிசகர்.அவரிடம்..'உன்னால் எப்படி..குடைந்து..குடைந்து பார்த்து அரசியல்வாதிகள் பற்றி எழுத முடிகிறது?'என்றபோது, அவர்..'நான் வக்கீலுக்கு படித்தவன்..அதனால் ஓட்டை எங்கு என்று அறிந்துக் கொள்ளமுடியும்.அதனால் அவர்கள் குறைகளை..கண்டுபிடிப்பது எளிதாய் இருக்கிறது..ஆகவே..அவர்களுடன் நான் புத்திசாலியாக இருக்கிறேன்'(?!) என்றார்.

சில நண்பர்கள்..தங்கள் சுய லாபத்திற்காக பழகுவர்.அவர்கள் நினைத்த காரியம் முடிந்ததும்..நம்மை கழட்டி விட்டு விடுவார்கள்.

சிலர் எப்போதும் ..விரக்தியாகவே..இருப்பார்கள்.இவர்கள் வாயைத்திறந்தாலே..'எல்லாம் மோசம்..நாடு பாழாகிக் கொண்டிருக்கிறது.நாட்டை யாரும் காப்பாற்ற முடியாது' என்று பேசுவார்கள்.

வேறு சிலர்..தான் தவறு செய்தாலும்..அதை மறைத்து பழியை பிறர் மீது போடுவார்கள்.இவர்கள் தங்கள் காரியத்தை சாதிக்க..பிறரை பலிகடா ஆக்கவும் தயங்க மாட்டார்கள்.

ஒரு சிலர்..பழகவே..கூச்சப் படுவர்.சிலரோ..எதோ பறிகொடுத்தாற்போல சோகத்திலேயே இருப்பர்.சிலர் வேலை செய்யாமலேயே..நெளுவெடுப்பர்.சிலர் பயந்த சுபாவத்துடன் இருப்பர்.

இதையெல்லாம் எப்படி போக்குவது...நண்பர்கள் உயிர் காப்பான் என்பார்களே..அது பொய்யா?

மனோபாவம்....இதை மாற்றிக் கொண்டால்..நம் குணங்களும் மாறும்.ஒருவரின் மனோபாவம்.. மற்றவர்களை குறை சொல்வதில்தான் ஆரம்பிக்கிறது.நாளாக..ஆக..எதிலும் எல்லாவற்றிலும் குறை காண்பது என்ற வழக்கம் ஏற்பட்டு விடுகிறது.

பின் அதுவே..நாம் செய்யும் செயல்களைத் தூண்டுகிறது.இவற்றிலிருந்து ஒருவனால் மீண்டு வரமுடியுமா? கண்டிப்பாக முடியும்...

வெற்றியும்...தோல்வியும்..பயமும்..தைர்யமும்..சோகமும்..இன்பமும்..நாம் நம் மனதை எப்படி பழக்கப்படுத்திக் கொள்கிறோமோ..அப்படியே அமையும்.எதிலும் சந்தோஷம்,துணிவு,வெற்றி காண மனதை மாற்றிக்கொள்ளுங்கள்.

ஒரு காரியத்தில்..வெற்றி அடைய வேண்டும் என்பவர்கள்..எதிலும் நல்லதையே பார்க்கிறார்கள்.எந்த காரியத்தையும் முடிக்க முடியும் என எண்ணுகிறார்கள்.இவர்கள் சிறிய..சிறிய காரியங்களாக எடுத்து..அதில் சாதனை புரிந்து..வெற்றி மனோபாவத்தை வலிமைப்படுத்துகிறார்கள்.

வெற்றியடைபவர்கள்..கருங்கல்லை..கருங்கல்லாய் பார்ப்பதில்லை.ஒரு சிற்பமாக பார்ப்பார்கள்.

வெற்றிகாண விரும்புபவர்கள்..வாய்ப்பை எதிர் நோக்கிக்கொண்டிருப்பர்.

ஆரம்ப தோல்வி கண்டு மனதளர்ச்சி வேண்டாம்.தோல்வி இல்லா மனிதன் இல்லை.தோல்வி ஒரு பாடம்..தோல்வி ஒரு அனுபவம்.அடுத்த முறை வெல்வேன் என தோல்வியடைவோர் எண்ண வேண்டும்.

உங்கள் மனோபாவம்தான் வெற்றிக்கான பாதை.நல்ல எண்ணத்தை வளர்த்துக் கொள்ளுங்கள்.அதை பழக்கமாக ஆக்கிக் கொள்ளுங்கள்.எதிலும் வெற்றி..எதிலும் வாய்ப்பு..எக்கஷ்டம்
வந்தாலும் மீளுதல்..இதுவே நம் அணுகுமுறையாக இருக்க வேண்டும்.

இந்த மனோபாவம் என்னும் தோழன்தான் உங்களுடன்..உங்கள் மனம் இயங்கும் வரை..உணர்ச்சி துடிப்புகள் அடங்கும் வரை..இருக்கப் போகிறவன்.

அவன்தான் உங்கள் தோழன்.

அவன்தான் உங்கள் உயிர் காக்கும் தோழன்.

Friday, August 7, 2009

சிவாஜி நடிப்பில் திருப்தி இல்லை - கமல்ஹாசன்

சத்யம் சினிமாஸ்..மற்றும் ரியல் இமேஜ் மீடியா டெக்னாலஜி இணைந்து தயாரிக்கும்..திரு திரு துறு துறு படத்தின் ஆடியோவை கமல் வெளியிட்டார்.

அப்போது அவர் பேசுகையில் சிவாஜி கணேசன் 20ஆம் நூற்றாண்டு கலஞர்.அவரை 19ம் நூற்றாண்டிலேயே வைத்திருந்து துரோகம் செய்து விட்டோம் என்றார்.

வித்தியாசமாக இருக்கட்டுமே என விழாவில் ஒவ்வொருவரும் திரு திரு என்று விழித்த அனுபவங்களை பகிர்ந்துக் கொள்ளுமாறு கேட்டுக் கொள்ளப்பட்டனர்.

ஆடியோ வெளியிட்டு அவர் மேலும் பேசுகையில்..

நான் வணக்கம் சொன்னதும் இங்கு பெரும் ஆரவாரம் எழுந்தது.அது பணிவுக்குக் கிடைத்த மரியாதை.பணிவிற்கும்,துணிவிற்கும்தான் இந்த மரியாதை கிடைக்கும்.

எனக்கு சிவாஜியுடன் ஒரு அனுபவம்..ஆனால் நான் திரு..திருன்னு விழிக்கவில்லை.தேவர்மகன் படபிடிப்பின் போது, ஒரு காட்சியில் சிவாஜி நடித்துவிட்டார்.ஆனால் எனக்கு முழு திருப்தி இல்லை.இயக்குநரிடம் சென்று..இன்னொரு தடவை அந்தக் காட்சியை எடுக்கலாம்.அவர் இன்னும் நல்லா பண்ணித் தருவார்..என்றேன்.அதை சிவாஜி கணேசன் கவனித்து விட்டார்.அவருக்கு ஏழெட்டுக் கண்கள்.எல்லாப் பக்கமும் கவனிப்பார்.

என்னை அழைத்தார்..'என்ன வேணும் முதலாளி?'என்றார் சிரித்தபடியே.

நான் உடனே..'படத்தில நீங்க பெரிய தேவர்.இது..கொஞ்சம் சின்ன தேவர் மாதிரி இருக்கிறது என்றேன்.அந்தக் காட்சி மீண்டும் படமாக்கப்பட்டு..சிவாஜியின் நடிப்பு மிக சிறப்பாக அமைந்தது.அது தான்..படத்தில் நான் மழையில் வழுக்கும் போது சிவாஜி பதறும் காட்சி.

சிவாஜி எப்படி நடிப்பார்? என்பது ரசிகன் என்ற முறையில் எனக்குத் தெரியும்.வியட்நாம் வீடு, எங்க ஊர் ராஜா எல்லாம் பார்த்திருக்கிறோம் அல்லவா?

20ஆம் நூற்றாண்டு நடிப்பை சிவாஜியால் காட்டமுடியும்.அந்த 20 ஆம் நூற்றாண்டு நடிகரை 19ஆம் நூற்றாண்டில் வைத்திருந்தது நம் தவறு.அந்த துரோகம் எனக்கும் நடந்து விடக் கூடாது.டைரக்டர்கள் நடிப்பை சொல்லித் தர வேண்டும்.என் எதிர்காலம் அவர்கள் கையில் தான் இருக்கிறது.

இந்த படம் முழுக்க..முழுக்க டிஜிட்டலில் தயாராகி உள்ளது.மிகவும் மகிழ்ச்சி.இதுதான் எதிர்கால சினிமா. என்றும் கூறினார்.

(சிவாஜி 21ஆம் நூற்றாண்டு நடிகர்..20 ஆம் நூற்றாண்டிலேயே வைத்திருந்தது நம் தவறு..என கமல் சொல்லி இருக்க நினைத்திருப்பார் என எண்ணுகிறேன்.)

படத்தின் இயக்குநர் நந்தினி.

Thursday, August 6, 2009

தேங்காய்..மாங்காய்..பட்டாணி..சுண்டல் (7-8-09)


1.கடும் வறட்சியில் சிக்கித் தவிக்கும் உத்திரபிரதேசத்தில்..தனது சிலைகள் உட்பட தலைவர்களின் சிலையை வைக்க 550 கோடி ஒதுக்கியுள்ள மாநில முதல்வர் மாயாவதி..வறட்சி நிவாரணத்திற்கு மத்திய அரசிடம் 250 கோடி வேண்டும் என கோரிக்கை விடுத்துள்ளார்.

2.இந்தியாவின் திறமையான இளைஞர்கள்..அமெரிக்க பொருளாதார வளர்ச்சிக்கு தேவை..அதனால் இந்தியர்களுக்கு அமெரிக்காவின் கடும் குடியுரிமை சட்டத்தில் விலக்கு அளிக்க வேண்டும்...என அமெரிக்க கம்ப்யூட்டர் மன்னன் பில்கேட்ஸ் தெரிவித்துள்ளார்.

3.அழகிரி தன் பெயரின் ஸ்பெல்லிங்கை மாற்றிவிட்டாராம்.தமிழின் சிறப்பு 'ழ' என்ற எழுத்து.இதை வட இந்தியர்கள் உச்சரிக்க சிரமப்படுகிறார்களாம்.(நம்மவர்களிலும் இருப்பது வேறு விஷயம்). மேலும் அதை ஆங்கிலத்தில் எழுதும் போது zha என எழுதுவதை அவர்கள் ஜா..இல்லை ஸா என்கிறார்களாம்.அழகிரியை அஜாகிரி என்றும் அஸாகிரி என்றும் சொல்கிறார்களாம்.அதனால் அழகிரி..தன் பெயரின் ஸ்பெல்லிங்கை Alagiri என்று மாற்றிவிட்டாராம். கனிமொழி என்ன செய்யப் போகிறார் என்று பார்ப்போம்.

4.ரஜினி அரசியலுக்கு வருவது குறித்து எந்திரன் படத்திற்குப் பிறகு முடிவெடுக்கப்படும் என அவரது அண்ணன் சத்தியநாராயண ராவ் தெரிவித்துள்ளார்.மக்கள் விரும்பினால் அவர் அரசியலுக்கு வருவார்.இது குறித்து படம் வெளிவந்த பின் முடிவெடுக்கப் படும் என்றும் கூறினார்.
எத்தனை காலம்தான்......

5. உருளைக்கிழங்கை அதிக அளவில் உட்கொள்ளுவதால் உடல் எடை அதிகரிக்கும்..நீரிழிவு பாதிப்பு ஏற்படும் என்றெல்லாம் நினைப்பது தவறாம்.மாறாக உடல் ஆரோக்யத்திற்கு அது துணைபுரிகிறதாம்.இதில் குறைந்த அளவே கலோரியே உள்ளதாம்.இயற்கையிலேயே கொழுப்பு குறைவான..உயிர்ச்சத்துக்கள் மிகுதியாக உள்ளனவாம்.இதைச் சொல்வது இந்திய மருத்துவ சங்கம்.

6.இடைத்தேர்தலில் 3 தொகுதிகள் தன் பொறுப்பில் உள்ளதாகவும்..இந்த தொகுதியில் பொட்டியிடும் தி.மு.க., வேட்பாளருக்கு அதிக ஓட்டுகள் பெற்றுத்தரும் மாவட்ட செயலருக்கு தனது சொந்த செலவில் முதல்வர் உருவம் பொறித்த டாலருடன் கூடிய 25 சவரன் தங்கசங்கிலி பரிசாக வழங்கப்போவதாக மத்திய அமைச்சரும்..கலைஞரும் மகனுமான அழகிரி தெரிவித்துள்ளார்.
தந்தை அண்ணாவிடம் கணையாழி பெற்றார்.மகன்...?

கொசுறு ஜோக்..

அவன் பணக்காரன்னு எப்படி சொல்ற
தினமும் அவன் வீட்ல பருப்பு சாம்பார்தானாம்.

சிவாஜி ஒரு சகாப்தம் - 21

சிவாஜி ஒரு சகாப்தம் - 21
1976ல் வந்த படங்கள்

உனக்காக நான்
கிரஹப்பிரவேசம்
சத்யம்
உத்தமன்
சித்ரா பௌர்ணமி
ரோஜாவின் ராஜா

இதில் கிரஹப்பிரவேசம்,சத்யம்,ஆகியவை நூறு நாட்கள் படங்கள்.உத்தமன் வெள்ளிவிழா படம்

சத்யம் இலங்கையிலும் 100 நாட்கள் ஓடியது.

உத்தமன் கொழும்பு,யாழ்ப்பாணம் நகரங்களில் வெள்ளிவிழா கொண்டாடியது.

உனக்காக நான் சுஜாதா சினி ஆர்ட்ஸ் சார்பில் கே பாலாஜி தயாரிப்பில் வந்த படம்.சிவாஜி,ஜெமினி, லட்சுமி நடித்தனர்.சி வி ராஜேந்திரன் இயக்கம்
எம் எஸ் விஸ்வநாதன் இசை.இப்படம் 1973ல் வந்த நமக்கரம் என்ற ஹிந்திப் படத்தின் தழுவல்

கிரகப்பிரவேசம், சிவாஜி, கே ஆர் விஜயா நடிக்க யோகானந்த் இயக்கத்தில் வந்த படம்.எம் எஸ் விஸ்வநாதன் இசை

சத்யம், எஸ் ஏ கண்ணன் இயக்கம்.சிவாஜி, தேவிகா, கமல் ஹாசன் நடித்திருந்தனர்.கே வி மகாதேவன் இயக்கம்

உத்தமன், சிவாஜி, மஞ்சுளா நடிக்க ஜகபதி ஆர்ட்ஸ் சார்பில் வந்த படம்.இயக்கம் வி பி ராஜேந்திரபிரசாத்.ஆ கலே லக்ஜா என்ற ஹிந்தி படத்தழுவல்.மகாதேவன் இசை

சித்ரா பௌர்ணமி, சிவாஜி, ஜெயலலிதா நடிக்க பி மாதவன் இயக்கம்.விஸ்வநாதன் இசை

ரோஜாவின் ராஜா விஜயன் இயக்கத்தில் சிவாஜியுடன் வாணீஸ்ரீ நடித்த படம்.விஸ்வநாதன் இசை

மற்றபடி..சற்றே தேக்கநிலை இவ்வாண்டும்..அடுத்த ஆண்டும்.

1977 படங்கள்
--------------------

அவன் ஒரு சரித்திரம்
தீபம்
இளையதலைமுறை
நான் பிறந்த மண்
அண்ணன் ஒரு கோயில்

இதில்..தீபமும்,அண்ணன் ஒரு கோயிலும்  100 நாள் படங்கள்.தீபம் இலங்கையிலும் 100 நாட்கள்.

அவன் ஒரு சரித்திரம்..சிவாஜி,மஞ்சுளா நடிக்க கே எஸ் பிரகாஷ் ராவ் இயக்கம்.விஸ்வநாத்ன் இசை

தீபம்..விஜயன் இயக்கம்.கே பாலாஜி தயாரிப்பாளர்.சிவாஜி,சுஜாதா நடிக்க இளையராஜா இசையமைத்தார்.தீக்கனல் என்ற மலையாளப் படத்தின் தழுவல். (ஹிந்தியில் அமர்தீப் என்றும், தெலுங்கில் அமரதீபம் என்றும் இப்படம் வெளிவந்தது.முறையே ராஜேஷ் கன்னா, கிருஷ்ணம் ராஜு நடித்தனர்)

இளையதலைமுறை..சிவாஜி, வாணிஸ்ரீ நடிக்க கிருஷ்ணன் பஞ்சு இயக்கம்.விஸ்வநாத்ன் இசை

நான் பிறந்த மண்..சிவாஜி,ஜெமினி,கே ஆர் விஜயா,கமல் ஹாசன் நடிக்க ஏ வின்சென்ட் இயக்கம்.விஸ்வநாதன் இசை

அண்ணன் ஒரு கோயில் ..சிவாஜி, சுஜாதா நடிக்க  கே விஜயன் இயக்கம்.விஸ்வநாத்ன் இசை.தேவரகன்னு என்னும் கன்னடப் படக்கதை



Wednesday, August 5, 2009

வாய் விட்டு சிரியுங்க..

என் பையன் ஆஃபீஸ்ல ஒரு வேலையை முடிச்சு தரச் சொன்னா..என் கிட்டேயே லஞ்சம் கேட்கிறான்..
அப்படியா?
கேட்டா..இது தொழில் ரீதியான சந்திப்புன்னு சொல்றான்.

2.எங்க ஊர் தாதா அரிவாளை எடுத்துட்டா கொலை விழாமல் இராது..
அது என்ன பெரிய விஷயம்..எங்க ஊர் டாக்டர் சாதாரண கத்தியிலேயே..ஆபரேஷன் தியேட்டர்ல அந்த கொலையை பண்ணிடுவார்.

3.தந்தை- (மனைவியிடம்) நம்ம பொண்னு ரகசியமா..உன் கிட்ட என்ன சொல்றா
மனைவி-அவ இனிஷியலை மாத்திக்கணுமாம்..உங்க பர்மிஷன் கேட்கறா

4. ஹிஸ்டரில ஃபெயில் மார்க் வாங்கி இருக்கியே
நான் பொறக்கறதுக்கு முன்னால நடந்ததெல்லாம் கேட்கறாங்க

5.அந்த டாக்டர் போலின்னு எப்படி சொல்ற
18 வயசுக்குள்ள இருக்கற நோயாளிக்கு ஆபரேஷன் பண்ணினா அது மைனர் ஆபரேஷனாம்..அதுக்குமேல வயசுள்ளவங்களுக்கு பண்ணினா அது மேஜர் ஆபரேஷனாம்

6.எங்க தமிழ் ஆசிரியரைப் பற்றி சின்னதா ஒரு நாவல் எழுதி இருக்கேன்
குரு நாவல்ன்னு சொல்லு

7.உங்க பையனுக்கு எஜுகேஷன் லோன் வாங்கினியே..எப்படி படிக்கிறான்..
கடனேன்னு படிக்கிறான்

Tuesday, August 4, 2009

ஹிட்ஸ் அதிகரிப்பது எப்படி..பதிவர் சந்திப்பில் ஆராய்ச்சி..

வர வர..ஒவ்வொருவர் பதிவையும் படிக்க வரும் வாசகர்கள் குறைவதைக் கண்டு...இந்நிலையை தவிர்ப்பது எப்படி என அமெரிக்க பொருளாதார சீர்க்குலைவுக்கு மண்டையை பிய்த்துக்கொள்ளும் வல்லுநர்கள் போல பிரபல பதிவர்கள் தலையைப் பிய்த்துக் கொண்டு..ஆராய பதிவர் சந்திப்பு ஒன்றை ஏற்படுத்தினர்.

இதில் கலந்துக் கொண்டவர்கள் கருத்துக்கள்..

இதற்கு முக்கியக் காரணம் பைத்தியக்காரன்தான் என அக்னி ஒரு குற்றச்சாட்டை வைத்தார்.அதற்கு அவர் சொன்ன காரணம்..அடுத்த உரையாடல் போட்டிக்கான கரு என்னாவாயிருக்கும் எனத் தெரியாத நிலையில்..அனைவரும்.கதை,கட்டுரை என யோசித்துக் கொண்டிருப்பதாகக் கூறினார்.

அதை வன்மையாக மறுத்த நர்சிம்..லக்கி லுக்கே காரணம் என்றார். லக்கி ..அந்த பெயரைவிட்டு யுவகிருஷ்ணா என்று எழுதுவதால் என்றார் அவர்.ஆனால் அதற்கு லக்கி..'நர்சிம் தன் பதிவுகளை திரட்டிகளில் இணைக்கவில்லை..அதுதான் காரணம்' என்றார்.

வால்பையன்...'அனுஜன்யா கவிதையை எழுதுவதை நிறுத்த வேண்டும்..அவர் எழுதும் கவிதையில்..அவை தமிழ் எழுத்துக்கள் என்ற அளவிலே தான் புரிகிறது என்றார்.ஆதியும் ஏதோ இது சம்பந்தமாக புலம்புவது கேட்டது.

ஜ்யோவ்ராம்சுந்தரை பள்ளிக்கூடங்களில் மாணவர்களிடையே பிரபலமான பாடல்களை எழுதச் சொல்லலாம்..என பைத்தியக்காரன் கூறினார்.அதற்கு சுந்தரின் நண்பர் ராஜாராம் 'சரியான யோசனை' என்றார்.

அதிஷாவை..இன்ஃபினிடி கதைகளையும்..கார்க்கியின் புட்டிக்கதைகளையும் நிறைய எழுத வேண்டும்..என லக்கி சொல்ல ..கூட்டம் முழுதும் வழி மொழிந்தது.

இதற்கெனவே..சிங்கையிலிருந்து வந்திருந்த கோவி..எல்லா பதிவு தலைப்பும்..ஆபாசம்..பாலியல்..என்ற பெயரில் வர வேண்டும் என்றார்.அதற்கு பின்னூட்டம் என எண்ணிக் கொண்டு ரிபீட்டு என்றார் அதிஷா.

என்னைப்போல் அனைவரும் கவிதை எழுதினால் ,..தீர்வு கிடைக்கும் என்றார் அகநாழிகை.

நிகழ்ச்சிகளில் கலந்துக் கொண்டாலும்..கருமமே கண்ணாக..ஃபோட்டோ எடுத்துக் கொண்டிருந்தார் ஜாக்கி சேகர்.

இடையே கேபிள் சங்கர்..சந்திப்பு முடிந்ததும்..எனக்கு தெரிஞ்ச பரோட்டா கடை ஒன்று பக்கத்தில் இருக்கு..அங்கு பரோட்டா சாப்பிடுவோம் என்றார்.எல்லோரும் வெண்பூவை தேட ஆரம்பித்தனர்.

எதிலும் பட்டுக் கொள்ளாமல்..வந்த பதிவர்களிடம் கையெழுத்து வாங்கிக் கொண்டிருந்தார் டோண்டு ராகவன்.

இந்த பதிவை எழுதினாலாவது..பரிந்துரையில் வருமா..என என் மனம் கணக்குப் போட்டுக் கொண்டிருந்தது.

நர்சிம் பேசியபோது மட்டும்..ஆமாம்..ஆமாம் ..என சொல்லிக் கொண்டிருந்த முரளிக்கண்னன்..மீதி நேரங்களில் மௌனமாயிருந்தார்.

கோவையிலிருந்து வந்திருந்த வடகரை வேலன்..மௌனமாயிருந்தார்..நாளை சபை நடுவே பேசாதிருப்பவன் என ஒரு பதிவு அவரிடமிருந்து வந்தாலும் வரும்..

வழக்கம் போல எந்த முடிவும் எடுக்காமல்..கூட்டம்..டீக்கடைக்கு கிளம்பியது.

Monday, August 3, 2009

தம்பிதுரையால் அரசுக்கு இழப்பு..

தமிழகத்தில் 5 தொகுதிகளுக்கு இடைத்தேர்தல் நடைபெறுகிறது.இதனால் அரசுக்கு லட்சக்கணக்கில் செலவு.

இளையாங்குடியில் தேர்ந்தெடுக்கப்பட்ட தி,மு.க., எம்.எல்.ஏ., அ.தி.மு.க.,விற்கு கட்சி மாறியதால்..தன் பதவியை ராஜினாமா செய்ய ..அந்த இடத்திற்கு இப்போது இடைத்தேர்தல்.

ம.தி.மு.க., எம்.எல்.ஏ.,க்கள் கண்ணப்பன், ராமகிருஷ்ணன் ஆகியோர் தி.மு.க.,விற்கு தாவியதால் தொண்டாமுத்தூர், கம்பம்..தொகுதிகளில் இடைத்தேர்தல்.

அ.தி.மு.க., எம்.எல்.எ., தம்பிதுரை..,கடந்த நாடாளுமன்ற தேர்தலில் கரூர் தொகுதியில் போட்டியிட்டு..எம்.பி., ஆகி விட்டதால்..பர்கூர் எம்.எல்.ஏ., பதவியைத் துறந்தார்.அதனால் அங்கு தேர்தல்.

இவர்கள் எல்லாம்..ஜனநாயகத்தை கேலிக்கூத்தாகி வருகிறார்கள்.

ஒரு பதவியில் இருப்பவர்கள்..மற்ற பதவிக்கு போட்டியிட்டு வென்றால்..முந்தைய பதவியை விட்டு விலகுவதைத் தவிர.. மீண்டும் அவ்விடத்திற்கு நடைபெறும் இடைத் தேர்தல் செலவை அவ்வேட்பாளரே ஏற்க வேண்டும்..என அரசியல் சட்டம் மாற்றப்பட வேண்டும்.

மேலும்..கட்சி மாறும்,இடையில் அமரராகிவிடும்..வேட்பாளர்கள் தொகுதியில்..முன் தேர்தலில் வென்ற கட்சியே..வேட்பாளரை நியமித்துக் கொள்ளலாம்..என்ற நிலை வரவேண்டும்..

இல்லையேல்..மக்களின் வரிப்பணம் தேவையற்ற இடைத்தேர்தலுக்கு கோடிக்கணக்கில் செலவாவதை தவிர்க்க முடியாது.

இப்போது அ.தி.மு.க., எம்.எல்.ஏ., அனிதா ராதாகிருஷ்ணன் தி.மு.க., வில் சேர்ந்து விட்டதால்..அடுத்து அத் தொகுதிக்கும் இடைத்தேர்தல் வரப்போகிறது.

Sunday, August 2, 2009

உடல் பருமன்..மற்றும் இல்லாதார் கவனத்திற்கு..

இன்றைய..பல குழந்தைகள்..இளைஞர்கள் மத்தியில்..தீரா பிரச்னையையாக இருப்பது Obesity என்னும் உடல் பருமன் தான்.

உடல் பருமன் சர்க்கரை நோய்,இதய நோய்,ரத்த அழுத்தம்,பக்கவாதம் ஆகிய நோய்களுக்கு ஒரு காரணமாய் அமைந்துவிடுகிறது.

சமீபத்திய ஆய்வு ஒன்றின் படி..இருபது சதவிகிதம் குழந்தைகளும்,60 சதவிகிதம் இளைஞர்களும் அளவுக்கு அதிகமாக உடல் பருனாய் இருப்பதாய் தெரிய வந்துள்ளது.

இதற்கு முக்கிய காரணம்..நமது உணவில் ஏற்பட்டுவரும் மாற்றம்தான் என தெரிய வந்துள்ளது.இட்லி,தோசை,பொங்கல்..ஆகியவை..இந்திய குடும்பங்களிலிருந்து..கொஞ்சம்..கொஞ்சமாய் மறைந்துஅவற்றின் இடத்தை..நூடில்ஸ்,பிஸ்ஸா,பர்கர் ஆகியவை பிடித்து வருகின்றன.

மேலும்..பணம்,புகழ்,ஆகியவற்றை குறிக்கோளாகக் கொண்டு..பலர்..தங்கள் உடல்தகுதிக்கு முக்கியத்துவம் கொடுப்பதில்லை.ஒழுங்கான உடற்பயிற்சி,நடை ஆகியவை வாழ்க்கையில் முக்கியமான ஒன்றாக நினைத்து செயல் பட வேண்டும்.

BMI எனப்படும் body mass index ஐ நினைவில் கொள்ளுங்கள்..அதாவது..நமது எடையை கிலோகிராமில் எடுத்துக் கொண்டு..அதை நம் உயரத்தால்..உயரத்தை மீட்டர் ஸ்கொயரால்(M2) வகுக்கு வேண்டும்.

25 க்குள் ஈவு இருந்தால்..சரியான எடை
25 முதல் 30 வயதுவரை எடை அதிகம்
30க்கு மேல் Obesity

ஆரோக்ய உணவை அருந்தி..சரியான உடற்பயிற்சி செய்து..நோயை நம்மை அண்டவிடாமல் தடுப்போம்.

சுவர் இருந்தால்தான் சித்திரம் வரைய முடியும் ...

உறவுகளும்..நாமும்...

உறவுகள்...

இதில்தான் எத்தனை வகை..

தாய்,தந்தை,தாத்தா,பாட்டி,மனைவி,மகன்,மகள் போன்ற குடும்ப உறவுகள்..

வெளியே..நண்பர்கள் என சமூக உறவுகள்.

நம் வாழ்க்கைத்தரத்தை தீர்மானிப்பதில், உறவுகள் பெரும் பங்கு வகிக்கின்றன.உண்மையில்..ஒருவருக்கு உதவிகள் தேவைப்படும்போதுதான்..உறவுகளின் ஞாபகம் வருகிறது.ஆனால்..எதிப்பார்ப்புகள் நிறைவேறாத போது...உறவில் விரிசல் ஏற்படுகிறது.

நம் உறவுகள்..நம்மை..விட்டு விலக, நம் கோபமும் காரணமாகிவிடுகிறது.நம் கருத்தை மற்றவர்கள் மீது திணிக்கும் போதுதான் கோபம் ஏற்படுகிறது.உறவுகள் நமக்குப் பிடிக்காத காரியம் செய்யும்போது கோபம் வருகிறது.நமக்கு கோபம் வருவது போல..உறவினருக்கும் கோபம் வரும் என்பதை நாம் நினைவில் கொள்வதில்லை.

சற்று யோசனை செய்தால்..இவை புரியும்..

நம் வீட்டில் வேலை செய்யும்..நபர்கள் கூட..தன் மீது ஒருவர் அதிகாரம் செலுத்துவதை விரும்புவதில்லை.அதனால்...அவர்களையும்..நமக்கு சமமாக...நம்மில் ஒருவராக..எண்ணி பழகினால்..எதிர்ப்பார்த்ததற்கு மேல் பலன்கள் கிட்டும்

உறவுகள்..தொடர..யாரையும் நிர்வகிக்க முயற்சி செய்யாதீர்கள்.

உறவுக்கு ஆதாரம் அன்புதான்..ஆகவே அனைவரிடமும் அன்பு செலுத்துவோம்.வெறுப்பை..வெறுத்து ஒதுக்குவோம்.

உறவுப்பூக்கள் மலரும்..இனிய நண்பர் தின வாழ்த்துக்கள்..

கடைசியாக ஒரு ஜோக்..

நண்பன்-ஏன்..காலையிலிருந்து வருத்தமாய் இருக்கீங்க?
இவர்- என் மனையுடன் சண்டை..ஒரு மாசம் பேசமாட்டேன்னு சொல்லிட்டா
நண்பன்-இது சந்தோஷ விசயம் தானே...ஏன் வருந்த வேண்டும்
இவர்-அந்த ஒரு மாசம்..இன்னியோட முடியுதே!

Saturday, August 1, 2009

சிவாஜி ஒரு சகாப்தம் - 20

1974ல் வந்த சிவாஜி படங்கள்..

சிவகாமியின் செல்வன்
தாய்
வாணி-ராணி
தங்கபதக்கம்
என் மகன்
அன்பைத்தேடி

இதி ..தங்கபதக்கம்..வெள்ளிவிழா படம்.உதிரிபூக்கள் மகேந்திரன் கதைவசனம்.இது சிவாஜி நாடகமன்றத்தாரால் நாடகமாக சபா மேடைகளில் நடத்தப்பட்டு பின் திரைப்படமானது.முதன் முதலாக
1.75 கோடி வசூலான தமிழ்ப்படம் இது.மதுரையில் தொடர்ந்து 185 காட்சிகள் அரங்கு நிறைந்த காட்சிகளாக சாதனைப் படைத்தது.பெங்களூரு,இலங்கை ஆகிய இடங்களிலும் 100 நாட்கள் ஓடி சாதனை புரிந்த படம்.

சிவகாமியின் செல்வன்..மற்றுமொரு 100 நாட்கள்படம்..இனிமையான பாடல்கள் ...கொண்ட படம்.

என்மகன்..பாலாஜி தயாரிப்பு..இப்படப் பாடல்களும் பிரபலம்.இதுவும் 100 நாட்கள் ஓடிய படம்.

வாணி-ராணி..ஹிந்தியில்..ஹேமமாலினி..நடித்து வெளிவந்த சீதா அவுர் கீதா படக் கதை.நாயகனுக்கு அவ்வளவு வேலை இல்லை..ஆகவே படமும் ஓடவில்லை.50 நாட்கள் மட்டுமே ஓடியது.

அன்பைத் தேடி..நீண்ட நாட்கள் தயாரிப்பில் இருந்ததால்...வெற்றியை எட்டவில்லை.

1975ல் படங்கள்

மனிதனும்..தெய்வமாகலாம்
அவன்தான் மனிதன்
மன்னவன் வந்தானடி
அன்பே ஆருயிரே
வைர நெஞ்சம்
டாக்டர் சிவா
பாட்டும் பரதமும்

இதில் அவன்தான் மனிதன்..மற்றும்..மன்னவன் வந்தானடி..ஆகிய இரு படங்கள் 100 நாட்கள் ஓடின.சிவாஜியின் 175ஆவது படம் அவன் தான் மனிதன்.23 ஆண்டுகளில் 175 படம்.

ஸ்ரீதர்..முதலில் ஹீரோ 72 என்ப் பெயரிட்டு, பின்..காலமெல்லாம் காத்திருப்பேன் என பெயர் மாறி..வைர நெஞ்சம் என்ற பெயரில் வந்த படம்.வெற்றி பெறவில்லை

பாட்டும் பரதமும்..சிவாஜியின் அருமையான நடிப்பு இருந்தும்..படம் எதிர்ப்பார்த்த வெற்றி பெறவில்லை.

அடுத்த பதிவில் 1976க்கான படங்களைப் பார்ப்போம்.

Friday, July 31, 2009

தேங்காய்..மாங்காய்..பட்டாணி..சுண்டல் (31-7-09)

1.துணை மின்நிலையம் மற்றும் மின் கடத்தி பணிகளை தமிழக மின்சார ஒழுங்குமுறை ஆணய காலக் கெடுவைவிட தாமதமாக முடித்ததால்..தமிழக மின்வாரியத்திற்கு 5 ஆண்டுகளில் 123 கோடியே 97 லட்சம் இழப்பு ஏற்பட்டுள்ளதாக முதன்மை கணக்காயர் சங்கர்நாராயண் தெரிவித்துள்ளார்.

2. திருப்பதி வெங்கடாஜலபதி கோவிலில்..அவருக்கு அணிவிப்பதற்கு மட்டும் 11 டன் அளவுக்கு தங்கம்,வெள்ளி,வைர,வைடூரிய நகைகள் உள்ளனவாம்.தினமும் ஏழுமலையானுக்கு 70 கிலோ நகைகள் அணிவிக்கப்படுகின்றன.இவ்வளவு எடை உள்ள நகைகள் அணிவிக்கப்படுவதால் சிலையில் விரிசல் உண்டாகும் அபாயம் உள்ளதாம்.

3.ரத்தக்கொதிப்பை கட்டுப்படுத்தாமல் விட்டுவிட்டால்..மாரடப்பு வர வாய்ப்புள்ளது.பக்கவாதம்,மூளையில் பாதிப்பு ஆகியவை ஏற்படலாம்.தவிர, கண்கள்,சிறுநீரக கோளாறுகள்..என உடலின் பல பாகங்கள் பாதிக்கப்பட வாய்ப்புண்டு.ஆகவே உங்கள்..வயது எதுவாயினும் ரத்த அழுத்தத்தை 140/90 என்ற அளவிலேயே வைத்திருங்கள்.

4.கடுமையான நிதி நெருக்கடி காரணமாக அமெரிக்காவில் கடந்த 7 மாதங்களில் 64 வங்கிகள் திவாலாகி உள்ளன.மாதம் சராசரியாக 9 வங்கிகள் மூடப்படுகின்றனவாம்.பொருளாதார நெருக்கடியில் சிக்கித் தவிக்கும் அமெரிக்கா அதிலிருந்து மீள இன்னும் சில ஆண்டுகள் ஆகலாம் எங்கின்றனர் வல்லுநர்கள்.

5.எந்தத் தொழிலும்..முழு ஈடுபாட்டுடன் செய்தால் பணம் சம்பாதிக்கும் தொழிலே..மும்பை தாஜ் ஓட்டல் சலவையாளர் சாகர் என்பவர் ஓராண்டிற்கு 1 கோடியே 53 லட்சம் சம்பாதிக்கிறார்.இவர் 33 வருடங்களாக அந்த ஓட்டலில் வேலை செய்கிறார்.அதே ஓட்டல் சமையல்காரரின் ஆண்டு வருமானம் 60 லட்சத்து 53 ஆயிரமாம்.

6.பொருள் தேடும்வரை சுற்றத்தினர் நம் மீது அன்பு வைத்திருப்பார்கள்.நோயில் தளர்ந்து போனப் பின் யாரும் நம்மை கண்டுக் கொள்ள மாட்டார்கள்.

7. பொருத்துக..

திருவள்ளுவர் -இலவுகாத்த கிளி
ஒகேனக்கல் - சர்வக்ஞர்
முல்லைபெரியார் - எடியூரப்பா
இலங்கை தமிழர் - அச்சுதானந்தன்
எல்.கணேசன் - கலைஞர்

Thursday, July 30, 2009

கலைஞர் என்னும் தேனீ..

அவனன் அலுவலகம் சென்று வந்துவிட்டு..மற்ற வேலைகள் செய்ய நேரமில்லை என்று சொல்வதைப் பார்த்திருக்கிறோம்..

ஆனால்..கலைஞரோ..முழு நேர அரசியல்வாதி..55வருடங்களுக்கு மேல்..கட்சி வேலை,எம்.எல்.ஏ., அமைச்சர்,முதல்வர்,எதிர்க்கட்சித்தலைவர் என தொண்டாற்றிவருபவர்.

ஆனால்..இவ்வளவிற்கும் இடையே..70 திரைப்படங்களுக்கு மேல் திரைக்கதை வசனம் எழுதியுள்ளார்.(இது பற்றி தொடர் பதிவு ஒன்று போட உள்ளேன்.)

தவிர..ரோமாபுரி பாண்டியன்,தென்பாண்டி சிங்கம்,வெள்ளிக்கிழமை,நெஞ்சுக்கு நீதி,இனியவை இருபது,சங்கத் தமிழ்,குறளோவியம்,பொன்னர்-சங்கர்,திருக்குறள் உரை,தொல்காப்பிய பூங்கா..என பல நூல்களை எழுதியுள்ளார்.

தவிர..மணிமகுடம்,ஒரே ரத்தம்,பழனியப்பன்,தூக்கு மேடை,காகிதப்பூ,நானே அறிவாளி,வெள்ளிக்கிழமை,உதய சூரியன்,சிலப்பதிகாரம் அகிய மேடை நாடகங்களை எழுதியுள்ளார்.

ஆகவே..இனி நேரமில்லை என எக்காரியத்திற்கும் சொல்லாதீர்கள்.

மனமிருந்தால் வழி உண்டு.

நமக்கு இயற்கை அளித்துள்ள அதே 24 மணிநேரமே தான் கலைஞருக்கும் அளித்துள்ளது.

Wednesday, July 29, 2009

அ.தி.மு.க., எம்.பி., தேர்தல் செலவும்..எஸ்.வி.சேகரும்..

அண்மையில் நடந்து முடிந்த நாடாளுமன்ற தேர்தலில்..தென்சென்னையில் அ.தி.மு.க., வெற்றி பெற்றது.இதையடுத்து..ஒவ்வொரு வேட்பாளர்களும் தான் செய்த செலவு கணக்கை தாக்கல் செய்ய வேண்டும்.

எஸ்.வி.சேகர்..அ.தி.மு.க.,விலிருந்து நீக்கப்பட்டுள்ளார்.பத்திரிகையாளர்களிடையே பேசிய சேகர்..நாடாளுமன்ற தேர்தலில் அ.தி.மு.க., வெல்ல தான் 6 லட்சம் செலவு செய்ததாகவும்..மயிலை தொகுதியில்தான் அ.தி.மு.க., விற்கு அதிக வாக்குகள் விழுந்தன என்றும் கூறியுள்ளார்.மேலும் 17 ஆண்டுகள் கழித்து அ.தி.மு.க.,விற்கு கிடைத்த வெற்றி இது என்றும் கூறியுள்ளார்.

கடந்த ஓராண்டுகாலமாகவே..ஓரம்கட்டப்பட்ட சேகர் ஏன் 6 லட்சம் செலவு செய்தார்?

வேட்பாளர் செலவு செய்த கணக்கில் இந்த பணம் சேர்த்துக் காட்டப்பட்டுள்ளதா?

இல்லையெனில்..கணக்கில் வராமல் செலவு செய்துள்ளதா இப்பணம்.அதுவும் ஒரு சட்டசபைதொகுதியில்.
(6 சட்டசபை தொகுதி ஒரு பாராளுமன்றதொகுதி)

சேகர் சொல்வது உண்மையெனில்..தேர்தலில் தி.மு.க., பணத்தை வாரி விட்டு..வெற்றி பெற்றது என்று ஜெ சொன்னது..அவருக்கும் பொருந்தும் அல்லவா?

தேர்தல் ஆணையம்..வேட்பாளர் கணக்கை ஆய்வு செய்யுமா?

எனக்கு மீண்டும் விருது..


இம்முறை..எனது சகோதரி இயற்கை விருது அளித்திருக்கிறார்.மனம் மகிழ்வு அடைகிறது.

நன்றி இயற்கை..

நான் இவ்விருதை என் நண்பர்களுக்கு அளிக்கவேண்டும்.இணையத்தில் அனைவரும் என் நண்பர்கள்தான்.அதனால்..நான் இவ்விருதை வழங்கப்போகும் மூவர்..மற்ற நண்பர்களுக்கு வழங்குவர்.

நான் அளிக்கும் மூவர்..

கோமா

உடன்பிறப்பு

ஸ்டார்ஜன்

அவர்கள்..தங்கள் வலைப்பூவில்..இவ்விருதைப் போட்டுக்கொள்வதுடன்..மற்ரவர்களுக்கும் கொடுக்க வேண்டுகிறேன்.

Tuesday, July 28, 2009

ஜெ வும்..விஜய்காந்தும்..

விஜய்காந்த் கட்சி ஆரம்பித்ததால்..அதிகம் பாதிக்கப்பட்ட கட்சி அ.தி.மு.க., என்று சொல்லலாம்.

2006ல் நடந்த சட்டசபைத் தேர்தலில்...பல இடங்களில் குறைந்த ஓட்டுகள் வித்தியாசத்தில்.அ.தி.மு.க., தோல்வியடைந்தது.தி.மு.க., கூட்டணி வென்று ஆட்சி அமைத்தது.இத் தேர்தலில் விஜய்காந்த் வாங்கிய ஓட்டுகள் அ.தி.மு.க., விற்கு விழுந்திருந்தால்..ஜெ..மீண்டும் முதல்வர் ஆகி இருக்கமுடியும்.

ஏன்..அதனால் தி.மு.க., பாதிக்கப்படவில்லையா? என கேள்வி எழும்பலாம்..

உண்மையில்..விஜய்காந்தால்..தி.மு.க., விற்கு பெரும் பாதிப்பு இல்லை எனலாம்.ஏனெனில்..தி.மு.க., ஒரு கட்டுக்கோப்பான கட்சி..அதற்கான வாக்கு வங்கியில் இருந்து ஓட்டுகளை மற்ற கட்சிகள் வாங்க முடியாது.மேலும்..சென்ற தேர்தலில்..தி.மு.க., சக்தி வாய்ந்த கூட்டணி அமைத்திருந்தது.அ.தி.மு.க., ஓட்டுகளே பிரிந்து விஜய்காந்திற்கு விழுந்தன எனலாம்.

கடந்த நாடாளுமன்ற தேர்தலிலும்...ஆயிரம் ஊழல் புகார்கள் கூறப்பட்டாலும்...தி.மு.க., விற்கும்..அ.தி.மு.க.விற்கும்..15 லட்சம் வாக்குகளே வித்தியாசம்..ஆனால் தே.மு.தி.க., பெற்ற வாக்குகள் 30 லட்சத்திற்கு மேல்.இவர்கள் ஒரே அணியில் செயல்பட்டிருந்தால்...தேர்தல் முடிவிலும் மாற்றம் இருந்திருக்கும்.மேலும்..அ.தி.மு.க.,வில் பூத் ஏஜண்டுகள் விலைபோனதையும் ஜெ கூறினார்.இது யார் தவறு?

..இனி வரும் தேர்தலில்..விஜய்காந்துடன் கூட்டணி வைத்தால்தான் வெற்றிபெற முடியும் என்ற நிலை இனி திராவிட கட்சிகளிடையேக் கூட உருவாகும் சூழ்நிலை உருவாகி வருகிறது.

இந்நிலையில்..இடைத்தேர்தலில் யாரும் ஓட்டுப் போட வேண்டாம்..என அ.தி.மு.க., கேட்பதை விடுத்து..விஜய்காந்திற்கு ஆதரவை தெரிவிக்க வேண்டும்.அப்படிப்பட்ட நிலை உருவானால்..தமிழகத்தில் இனி வரும் காலங்களில் பல மாற்றங்களை எதிர்ப்பார்க்கலாம்.

விஜய்காந்தும்...பிற கட்சிகளுடன் கூட்டணி வைத்தாலே வெற்றி பெறமுடியும் என்பதை உணர வேண்டும்..இல்லையேல்...இனி வரும் தேர்தல்களில் அக்கட்சியின் சார்பில் போட்டியிட வேட்பாளர்கள் கூட கிடைக்க மாட்டார்கள்.

Monday, July 27, 2009

வேலைக்கு விண்ணப்பம் அனுப்பும்முன்...போலிகளிடம் ஏமாறாதீர்..

இப்போதெல்லாம்..கடைகளில் வேலை விண்ணப்ப படிவங்கள் விற்கப்படுகின்றன.

பல கடைகளில்...ஒரு படிவம் 10 ரூபாய் முதல் 20 ரூபாய் வரை விற்கப்படுகின்றன.தவிர விளம்பரத் தாளில்..1000 வேகன்ஸி..2000 வேகன்ஸி என்றல்லாம்..பிரிண்ட் போட்டு..கடையில் தொங்கவிடுகிறார்கள்.

எனக்கு தெரிந்த நண்பர் ஒருவர்..இப்படித்தான்..ஒரு வங்கி வேலைக்கான படிவத்தை பத்து ரூபாய் கொடுத்து வாங்கி..அதில் சொல்லப்பட்டிருந்தார் போல 500 ரூபாய்க்கான டிரஃப்ட் இணைத்து..அந்த தேசிய வங்கியின் தலைமையகத்துக்கு அனுப்பினார்.

ஒரு மாதம் கழித்து...அவ்வங்கியிலிருந்து..'எங்கள் வங்கியில் நீங்கள் குறிப்பிடுள்ளது போல எந்த வேலைக்கும் ஆட்கள் எடுக்கவில்லை.இதுபோல் தவறுதலாக விண்ணப்பிக்க வேண்டாம் என எச்சரித்து..டிராஃப்டை திருப்பி அனுப்பியிருந்தனர்.ஏதோ அவர் நல்லகாலம்..டிராஃப்ட் திரும்பி வந்தது.சில நிறுவனங்கள் அதையும் கிடப்பில் போட்டுவிடும்.

கடையில் விசாரித்ததில்..'நாங்கள் வேறு ஒரு கடையில் இருந்து வாங்கிவந்து விற்கிறோம் .அவர்களைக் கேட்டுச் சொல்கிறோம்' என்றனர்.பலன் பூஜ்யம்.அந்த விண்ணப்பப் படிவமே போலியானது.

விண்ணப்பிக்க அவர் செலவு செய்த பணம்..டிராஃப்டை கேன்ஸல் செய்ய வங்கி கமிஷன்,சான்றிதழ்களில்..ஒப்புதல் கையெழுத்து வாங்க அலைந்த நேரம்..எல்லாம் விரயம்.எல்லவற்றையும் விட அடைந்த ஏமாற்றம் .

இளைஞர்களின் கனவுகளுடன் விளையாடும்..இந்த போலிகளை நம்ப வேண்டாம்.

விளம்பரங்களை..செய்த்திதாள்களில் படித்து...தெரிந்துக் கொண்டு விண்னப்பிப்பது சிறந்தது.

புரிந்துணர்வும்...அன்பு உள்ளமும்..

காந்தக்கல் இருக்கிறதே..அது..தான் எவ்வளவு பெரியவன் என்று பார்ப்பதில்லை..தன்னருகே வரும்..சிறு இரும்பு ஊசியையும்..தன்னுள் இழுத்துக்கொள்கிறது.

கொடிகளை..மரங்கள் அரவணைத்துக்கொள்கின்றன.

நதிகளின் சங்கமமாக கடல் திகழ்கிறது.

நம் மனமும்..அதுபோல நம்மை அறியாது..யாருடனாவது லயித்து விடுகிறது.அது நட்பு..பாசம்..காதல்..என இடத்திற்கு ஏற்றார் போல பெயரைப் பெறுகிறது.

ஒருவரிடம் நாம் வைக்கும் அன்பு..அல்லது ..மதிப்பு..பண்டமாற்று போல ..ஏதோ ஒரு பொருளுக்கு ஏதோஒரு பொருள் ..வழங்குவது போல அல்ல.,

நீ எப்படி இருக்கிறாயோ..அதேபோல..நான் எப்படி இருக்கிறேனோ.அதே போல் இருந்து விட்டுப் போவோம் என்பதில் புரிந்துணர்வு இருப்பதாய் ..நான் நினைக்கவில்லை.இருவருக்கும் இடையே,,ஏற்றுக்கொள்ள இயலா..மாற்றுக்கருத்துக்கள் இருந்தாலும்..அந்த நட்பு நிலைக்க வேண்டும்.

ஈ.வெ.ரா.விற்கும் ராஜாஜிக்கும் அப்படிப்பட்ட நட்புதான் இருந்தது.

என் மனதில் அழுக்கு இல்லை..கண்ணாடி போல சுத்தமாக இருக்கிறது...அதே போன்று என்னை புரிந்துக்கொள்ளாதவன் மனமும் இல்லை என்றால் கவலை இல்லை.ஆனால்..என்னை புரிந்துக் கொண்டவன் மனமும் அப்படி இல்லை என்றால்..மனம் சங்கடப்படவே செய்கிறது.

அன்பு செலுத்தாமல் இருந்தோமெனில்..அதில் என்ன ஆனந்தம் இருக்க முடியும்?

நாம் அன்பு செலுத்தும் நபரிடமிருந்து என்றாவது பிரிய நேரிடுகிறது மன வேதனையுடன்.இல்லை அவர் நம்மை விட்டுப் பிரிகிறார் அதே வேதனையுடன்.

இப்படியெல்லாம் ஏற்படாமல் இருக்க என்ன செய்ய வேண்டும்?

அன்பைவிட்டு துவேஷம் நம் மனதில் குடியேறாமல் பார்த்துக் கொள்ள வேண்டும்.ஏற்றத்தாழ்வின்றி அன்புடன் இருக்க வேண்டும்.அன்பற்ற வாழ்வு வாழ்ந்து வாழ்க்கையை வீணடிப்பதில் என்ன லாபம்?

ஆகவே..நண்பர்களே..அன்பு..சாதி..மதங்களுக்கு அப்பாற்பட்டதாய் இருக்கட்டும்.

இந்த புரிந்துணர்வு இருந்தால்...எல்லாம் நன்மையாய் முடியும்.

(மீள்பதிவு )

Sunday, July 26, 2009

சிவாஜி ஒரு சகாப்தம் - 19

1973ல் வந்த சிவாஜி படங்கள்

பாரதவிலாஸ்
ராஜ ராஜ சோழன்
பொன்னூஞ்சல்
எங்கள் தங்க ராஜா
கௌரவம்
மனிதரில் மாணிக்கம்
ராஜ பார்ட் ரங்கதுரை

இவற்றுள்..பாரதவிலாஸ்,ராஜ ராஜ சோழன்,எங்கள் தங்க ராஜா,கௌரவம்,ராஜபார்ட் ரங்கதுரை ஆகிய ஐந்து படங்கள் 100 நாட்களை கடந்து ஓடியவை.

பாரதவிலாஸ் படம் தேசிய ஒருமைப்பாட்டை சித்தரிக்கும் படம்.முதன் முதலாக இந்திய அரசே..ஒரு படத்தின் நெகடிவ் உரிமையை வாங்கிய படம் இது.நட்சத்திர பட்டாளமே இதில் உண்டு.

ராஜ ராஜ சோழன்..அரு.ராமனாதன் எழுத்து.டி.கே.எஸ்., பிரதர்ஸ் மேடையேற்றிய நாடகம்.அதை ஆனந்த் தியேட்டர் அதிபர் உமாபதி படமாக்க விரும்பினார்.முதன் முதல் சினிமாஸ்கோப் படம் இது.

கௌரவம்..கண்ணன் வந்தான் என்ற பெயரில்..வியட்நாம் வீடு சுந்தரம் எழுத நாடகமாக நடிக்கப்பட்டது ஒய்.ஜி.பி.,குழுவினரால்.பின் கௌரவம் என்ற பெயரில் திரைப்படமானது.

நாடகங்கள் திரைப்படமானால் வெற்றி பெரும் என நிரூபித்தவர் நடிகர்திலகம்.கட்டபொம்மன்,வியட்நாம் வீடு,ஞானஒளி,ராஜ ராஜ சோழன்,கௌரவம்..(தங்கப்பதக்கம்,பரீட்சைக்கு நேரமாச்சு,ஆனந்தக்கண்ணீர்..ஆகியவையும் நாடகங்களே)

கௌரவம் 56 நாட்கள் ஒரு திரை அரங்கில்..ஹவுஸ் ஃபுல் ஆகி சாதனைப் படைத்தது.குவைத் நாட்டில் முதன் முதலாக திரையிடப்பட்ட தமிழ் படம் கெளரவம்

எங்கள் தங்க ராஜா..சிவாஜி 3 வேடங்கள்.பி.மாதவன் இயக்கம்.'யாரை நம்பி நான் பிறந்தேன்" பாடல் ஹிட்.

ராஜ பார்ட் ரங்கதுரை..நாடக நடிகனின் கதை.இப்படத்தில் நடிகர் திலகம் 14 கெட்டப்பில் வருவார்.

இனி..அடுத்தபதிவில் 1974ல் வந்த படங்களைக் காணலாம்.

Saturday, July 25, 2009

நேர்முகத் தேர்வும்..அதி புத்திசாலி அண்ணாசாமியும்..

அண்ணாசாமிக்கு..நீண்ட நாட்கள் கழித்து ஒரு நிறுவனத்திலிருந்து நேர்முகத் தேர்வு அழைப்பு வந்தது.அதை தன் நண்பர் ஆறுமுகத்திடம் போய் சொல்ல..அவரும் தனக்கும் அந்நிறுவனத்திடமிருந்து அழைப்பு வந்ததாகத் தெரிவித்தார்.

இருவரும் ஒன்றாக சென்றனர்.

முதலில்..ஆறுமுகம் அழைக்கப்பட்டார்..அவரிடம் கேட்கப்பட்ட கேள்வி

உங்க அப்பாவின் குழந்தைக்கு...அண்ணனும் இல்லை..தம்பியும் இல்லை..அக்காவும் இல்லை..தங்கையும் இல்லை ..அப்படியென்றால் அக்குழந்தை யார்? என்ற கேள்வி கேட்கப்பட்டது.

ஆறுமுகம்..உடனே..அக்குழந்தை நான்தான் என பதில் அளித்தார்.

அடுத்து அண்ணாசாமி அழைக்கப்பட்டார்..அதற்குமுன் அண்ணாசாமி..ஆறுமுகத்திடம் என்ன கேட்டார்கள்..எனக்கேட்க ஆறுமுகமும்..சொன்னார்.

உடன்..அண்ணாசாமி..அதற்கு விடை..என்று கேட்க..'நான்தான்' என்றார் ஆறுமுகம்.

உள்ளே சென்ற அண்ணாசாமியிடம்..அதே கேள்வி கேட்கப்பட..சற்றும் தடங்கல் இன்றி அண்ணாசாமி..'அது ஆறுமுகம் தான்' என்றார். .

Friday, July 24, 2009

அருமை+கலக்கல்+;-)) = பிரபலம் (சிறுகதை)

புது நிர்வாக அதிகாரி வருகிறார் இன்று எங்கள் அலுவலகத்திற்கு.

இளைஞர்தானாம்..ஆனால் அதி புத்திசாலியாம்.அவர் பதவி ஏற்றதும்தான் ரெஷஷன் சமயத்திலும்..எங்கள் அலுவலக graph மட்டும் வடக்கு நோக்கியே போய்க்கொண்டிருக்கிறது.

அவர்..எங்கள் அலுவலகம் வருகிறார் என்றதும்..எங்கள் அனைவருக்கும் படபடப்பு.

'கார் வந்து விட்டது' என கத்தினான் அட்டெண்டர் ஆறுமுகம்.எங்க டீம் லீடர் விக்னேஷ் அவருக்கு மாலை போட..நான் பூங்கொத்தைத் தருகிறேன்.

ஒரு சென்டிமீட்டர் அளவே வாய் விரித்து புன்னகைக்கிறார்.உள்ளே மிதமான குளிரூட்டப்பட்ட அறைக்குச் சென்று அமர்கிறார்.நானும்..விக்னேஷும் உள்ளே செல்கிறோம்.நான் தற்போது நடந்துக் கொண்டிருக்கும் புராஜக்ட் பற்றி விவரிக்கிறேன்..'அருமை' என்கிறார்.

விக்னேஷ்..ஸ்டாஃப் குறைவாயிருந்த போதும்..எல்லா வேலைகளையும் குறித்த நேரத்தில் முடித்து விடுகிறோம்..என்கிறான்...'கலக்கிட்டீங்க' என பாராட்டுகிறார்.

பின்..எல்லாவற்றிற்கும்..ரெடிமேடாக தயாரித்தாற்போல ஒரிரு வார்த்தைகளிலேயே பதில் சொல்கிறார்.

நானும் விக்னேஷும் வெளியே வருகிறோம்...எனக்கோ ஆச்சர்யம்..விக்னேஷிடம் ..'அதிகம் பேசமாட்டேன் என்கிறார்..எப்படி இவர் திறமையானவராய் இருக்கிறார்' எனக் கேட்க நினைக்கிறேன்.

அதற்குள் விக்னேஷ் சொல்கிறான்..'உனக்குத் தெரியுமா..இணையதளத்தில்..மிகப் பிரபல பதிவர் இவர். இவர் பிளாகை தினம் 1000 பேருக்குமேல் பார்வையிடுகிறார்கள்'

Thursday, July 23, 2009

தேங்காய்..மாங்காய்..பட்டாணி..சுண்டல் (24-7-09)

1.தமிழ்மொழி பற்றி பேசும் தகுதி கலைஞர் ஒருவருக்குத்தான் உள்ளது.வேறு யாருக்கும் அந்த தகுதி கிடையாது.அவர் தொடாத துறைகளே இல்லை.கதை,கட்டுரை,கவிதை,துணுக்குகள்,நாடகம்,நகைச்சுவை,உரையாடல் என அனைத்து துறைகளிலும் முதல்வர் தடம் பதித்துள்ளார் என்று அன்பழகன் சமீபத்தில் சட்டசபையில் பேசும்போது கூறினார்.

2.ஆறிப்போன காஃபி,தேநீர் ஆகியவற்றை மீண்டும் சுடவைத்து குடிப்பது.சூடான நீரை பாலிதீன் கவர்களில் ஊற்றி குலுக்கி பாலுடன் கலப்பது.உலோகப் பாத்திரத்தை அடுப்பிலேற்றி சூடாக்குவது..ஆஸ்பெஸ்டாஸ் கூரையின் கீழ் வாழ்வது போன்றவை புற்றுநோயை உண்டாக்கக் கூடுமாம்.

3.ஒரு மனைவி போதும் என்பவன் ராமனை வணங்குவான்
இரு மனைவி போதும் என்பவன் முருகனை வணங்குவான்
இரண்டுக்கு மேல் வேண்டும் என்பவன் கண்ணனை வணங்குவான்
நான் கண்ணனின் தாசன்..என ஒரு முறை கண்ணதாசன் கூறினார்.

4.அடிமை இந்தியாவில் பிறந்தார்
சுதந்திர இந்தியாவில் கோலோச்சினார்
மீண்டும் அடிமை இந்தியாவில் மறைந்தார்
அன்னையின் விலங்கொடித்து அன்னியனை விரட்டினார்
இன்னொரு அன்னையால் பாரத அன்னை விலங்கிடப்பட்ட காலை
மனம் உடைந்து மரணமடைந்தார்.
தலைமாட்டில் உட்கார்ந்து அழ மனைவியோ..
கால்மாட்டில் உட்கார்ந்து அழ மக்களோ இல்லாதவர் அவர்...ஆனால்
அவர் மரணத்தில் நாடே அழுதது..வானமும் அழுதது..
(காமராஜ் பிறந்த நாள் அன்று தினமணியில் வந்த தலையங்கத்தில் ஒரு பகுதி)

5.ஞாபகங்கள் என்பது மூளைக்குள் செயல்படும் சின்னச்சின்ன ரசாயன மின்சுழற்சிகள்

6.ஒரு ஜோக்

பொய் பேசறவங்களுக்கு என்ன தண்டனை கிடைக்கும் தெரியுமா?
ஓ..கல்யாணம் ஆகாமலேயே மாமியார் வீட்ல இருக்கறதாயிடும்..

வாய் விட்டு சிரியுங்க..

உனக்குப் பிடிக்குமேன்னு சோளப்பொரி வாங்கிவந்தேன்..
எனக்கு அது பிடிக்காது...பாப்கார்ன் தான் பிடிக்கும்

2.உனக்கும்..உன் மனைவிக்கும் சண்டையா? கடைசியா என்ன ஆச்சு
நான் பிறந்த வீட்டுக்கு வந்துட்டேன்

3.(இரண்டு பெண்கள் பேசிக்கொள்கிறார்கள்) ஒருத்தி- என்னைவிட நீ கொடுத்து வைத்தவ..நாலு பிள்ளங்க..நாலு மருமகளோட சண்டை போடலாம்.ஆனா எனக்கு ஒரே பிள்ளை..ஒருத்தியோட மட்டும்தான் சண்டை போட்டுக்கிட்டு இருக்க முடியும்.

4.இயக்குநர்- (கதாசிரியரிடம்)தொப்புள்ல பம்பரம் விட்டாச்சு..ஆம்லெட் போட்டாச்சு..நீ வேற ஐடியா கொடுய்யா
கதாசிரியர்- கதாநாயகியை நாய் கடிச்சுடுது.. டாக்டர் 14 ஊசி போடணும்னு சொல்லிடறார்..அப்படின்னு எழுதறேன்..14 முறை தொப்புளை குளோசப்ல காட்டிடலாம்.

5.அந்த கிளினிக்ல என்ன கூட்டம்
ஆடி தள்ளுபடியாம்..ஒரு ஆபரேஷன் செஞ்சுக்கிட்டா ஒரு ஆபரேஷன் இனாமாம்

6.அந்த தயாரிப்பாளர் வீட்டு வாசல்ல ஒரே கிழவிகள் கூட்டமா இருக்கே...என்ன விஷயம்
அவர் எடுக்கப்போற படத்துக்கு 18 வயசு புதுமுகம் தேவைன்னு விளம்பரம் கொடுத்தாராம்..தவறி 81ன்னு பிரசுரமாயிடுச்சாம்.

Wednesday, July 22, 2009

அ.தி.மு.க., மெல்ல இனி....??

அ.தி.மு.க., இடைத் தேர்தலை புறக்கணிக்கும் என அறிவித்துள்ளது.ஜெ யை எதிர்த்து பேசத்தெரியா கூட்டணிக் கட்சிகளும்..புறக்கணிக்கப் போவதாக அறிவித்துள்ளன.

அதற்கான காரணங்கள் பலவற்றைக் கூறினாலும்..உண்மைக் காரணம் தோல்வி பயமே.

தேர்தல் ஆணையமும்..இத்தொகுதிகளில் வாக்களிக்க புது மின்னணு இயந்திரம் வாங்கியுள்ளதாக அறிவித்துள்ளது.

இந்நிலையில்..ஒரு பொறுப்பான எதிர்க்கட்சி..ஆளும் கட்சி செய்யும் தவறுகளை தட்டிக் கேட்க வேண்டும்..அதைவிடுத்து...பயந்து நடப்பது போல இருக்கிறது அதன் இன்றைய செய்கை.

1991 சட்டசபைத் தேர்தலில்..ராஜிவ் காந்தி மறைந்த சமயம் அது..224 தொகுதிகளில் அ.தி.மு.க.,கூட்டணி வெற்றி பெற்றது.பெரம்பூர் தொகுதி..ஒரு வேட்பாளர் மறைவால்..தேர்தல் ஒத்திவைக்கப்பட்டது.கலைஞர் மட்டுமே..துறைமுகத்தில் வென்றார்.அப்போதும் மனம் உடையாமல்..தன் தோல்வியை ஒப்புக்கொண்டதுடன்..எம்.எல்.ஏ., பதவியை ராஜிநாமா செய்தார்.

ஆனால் ஜெ யோ..ராஜிவ் இறந்த அனுதாப அலையில் வென்றாலும்..அதை ஒப்புக் கொள்ளாமல் அது தன் வெற்றி என்றார்.

பின் நடந்த இடைத்தேர்தலில் பெரம்பூரிலும்..துறைமுகத்திலும் தி.மு.க., வென்றது.

தேர்தலில்..வெற்றி..தோல்விகள் சகஜம்..அது எந்த காரணத்தால் ஏற்பட்டாலும்..அதை பெருந்தன்மையுடன் ஏற்றுக்கொள்ள வேண்டும்.

பெருந்தலைவர்..ஒரு மாணவனிடம்..தன் சொந்த ஊரிலேயே தோற்ற போதும்..அதை ஏற்றார்..வென்றவர்க்கு வாழ்த்து சொன்னார்.

அந்த பெருந்தன்மையை..இன்றைய தலைவர்களிடம்..எதிப்பார்க்கமுடியாவிடினும்...இதுதான் ஜனநாயகம் என்ற அளவிலாவது ஒப்புக்கொள்ள வேண்டும்..

அதை..விடுத்து...தேர்தலை புறக்கணிப்போம் என்பது..ஜனநாயகத்தை..அக்கட்சி மதிக்கவில்லை என்றே ஆகிறது.

இந்நிலை நீடிக்குமேயாயின்..அ.தி.மு.க., மெல்ல இனி....

Tuesday, July 21, 2009

வைகோ விற்கு ஒரு கடிதம்..


தானை தளபதி வைகோ அவர்களுக்கு

நீங்கள் தி.மு.க., விலிருந்து..பிரிந்ததோ...அல்லது பிரிக்கப் பட்டதோ கண்டு மன வேதனை அடைந்தவர்களில் நானும் ஒருவன்.

பிறகு தாங்கள் கட்சி ஆரம்பித்ததும்..உங்கள் தனித்தன்மை வெளிவரும் என்று நினைத்தேன்..ஆரம்பத்தில்..அப்படித்தான் தோன்றியது.பிறகு...காங்கிரஸ் கட்சியைப்போல் ஏதாவது ஒரு திராவிடக் கட்சியின் முதுகில் சவாரி செய்துதான் ஒரு சில இடங்களில் வெல்ல முடிந்தது.

இது எல்லாம் பழங்கதை..அதைப் பற்றி இப்போது பேசி பயனில்லை என்று எனக்குத் தெரியும்...

ஆனால்..அடுத்த மாதம் நடக்கவிருக்கும் சட்டசபைக்கான 5 தொகுதிகளில் போட்டியிடாமல்..புறக்கணிப்பதாக அ.தி.மு.க., அறிவித்துள்ளது.அதற்கு அவர்கள் ஆயிரம் காரணம் கூறினாலும்..உண்மையான காரணம் 'தோல்வி பயம்"

ஆனால்..அதற்காக அவர்கள் கூட்டணியில் உள்ள நீங்களும் தேர்தலை புறக்கணிக்கத் தேவையில்லை என்றே நினைக்கிறேன்.5 தொகுதிகளிலும் ம.தி.மு.க., போட்டியிடட்டும்.அ.தி.மு.க., வின் ஆதரவைக் கேளுங்கள்.தி.மு.க.,விற்கு சரியான போட்டியை உங்களால் கொடுக்க முடியும்.அதை விடுத்து..கூட்டணி தர்மம் என்றெல்லாம் பேசிக்கொண்டிருந்தால்..அடுத்து தயாராக இருக்கும் விஜய்காந்த் கட்சி போட்டியிட்டு..சில இடங்களை வெல்லக்கூடும்.

அடுத்து வரும் தேர்தல்களில் உங்கள் கட்சி மிகவும் பின்னுக்குத் தள்ளப்படும்.மேலும் தேர்தலை புறக்கணிப்பது என்பது..அரசியல் கட்சிகளின் ஜனநாயக விரோத போக்கையே உணர்த்தும்.

நீங்கள் சமீபத்தில் அளித்துள்ள பேட்டியில்..நாடாளுமன்றத்தில் 15000 வாக்குகள் வித்தியாசத்தில்தான் தோற்றுள்ளதாகக் கூறியுள்ளீர்கள்.அதாவது ஒரு சட்டசபைத் தொகுதிக்கு சராசரியாக 2500 வாக்குகளே குறைவு.அதனால் சட்டசபை இடைத்தேர்தலில் வெல்ல வாய்ப்பு இருப்பதாகத்தானே அர்த்தம்.

இந்நிலையில் நீங்கள் உங்கள் முடிவை மாற்றிக்கோண்டு..கூட்டணி கட்சிகளின் ஆதரவைக் கேட்டு பெற்று, எல்லாதொகுதியிலும் போட்டியிடுவதே..கட்சியின் எதிர்காலத்திற்கு சிறந்தது.

சற்று சிந்திக்கவும்..

இப்படிக்கு
உங்கள் நலம் நாடும் தோழன்

திரைகவி திலகம் மருதகாசி...சில நினைவுகள்..

தமிழ்த் திரையில் பாடலாசிரியர்களில் மறக்கமுடியாதவர்களில் மருதகாசியும் ஒருவர்..அவர் பாடல்களில் இன்னமும் என் நினைவில் நிற்கும் பாடல்கள்..

தாய்க்குப்பின் தாரம்..படத்தில்..
மனுஷனை மனுஷன் சாப்பிடறாண்டா தம்பிப்பயலே
இது மாறுவதெப்போ...தீருவதெப்போ நம்ம கவலை

சமுதாயத்தில்..மக்களிடம் காணப்படும்..மேலோர் கீழோர் பற்றிய கவியின் கவலை இப்பாட்டில் தெரியும்.

2.நீலமலைத் திருடன் படத்தில்..
சத்தியமே லட்சியமாய் கொள்ளடா..
தலை நிமிர்ந்து உனை உணர்ந்து செல்லடா...பாடல்..அதில் வரும் பிடித்த வரிகள்

குள்ளநரிக் கூட்டம் வந்து குறுக்கிடும்
நல்லவர்க்கு தொல்லை தந்து மயக்கிடும்..நீ
எள்ளளவும் பயம் கொண்டு மயங்காதேடா-அவற்றை
யமனுலகுக்கு அனுப்பி வைக்க தயங்காதேடா

3.மன்னாதி மன்னன் படத்தில் வரும்..ஆடாத மனமும் உண்டோ? பாடல்

4.நினைத்ததை முடிப்பவன் படத்தில்...கண்ணை நம்பாதே உன்னை ஏமாற்றும்..என்ற பாடல்

5.தூக்கு தூக்கியில்
கண்விழி புகுந்து கருத்தினில் கலந்த
மின்னொளியே ஏன் மௌனம் - என்ற பாடல்
6.மருத மலை மாமணியே..முருகையா..மதுரை சோமு பாடிய இப்பாடலை மறக்க முடியுமா? இப்பாடல் மருதகாசிக்கு தமிழ்நாடு அரசின் விருது பெற்று தந்தது.

7.யார் பையன் படத்தில் கண்டசாலா பாடிய..'சுயநலம் பெரிதா..பொது நலம் பெரிதா..' என்றபாடல்

8.சாரங்கதாரா படத்தில்..இன்னமும் நம் காதுகளில் ஒலித்துக் கொண்டிருக்கும்..'வசந்த முல்லை' பாடல்..இவர் எழுதியது என்பது எவ்வளவு பேருக்குத் தெரியும்?

9.மக்களைப் பெற்ற மகராசியில்...;'மனப்பாறை மாடு கட்டி..மாயவரம் ஏரு பூட்டி' பாடல் அருமை.

10.மண்மீது மானம் ஒன்றே பிரதானம்..என்றெண்ணும் குணம் வேண்டும்..என்ற பாடல் சதாரம் படத்திற்காக எழுதப்பட்டது.

11.மனமுள்ள மறுதாரம் படத்தில் வரும்..இன்பம் எங்கே..பாடல்..இதன் வரிகள் சில
கனிரசமாம் மது அருந்தி பார்ப்பதல்ல இன்பம்
கணிகையரின் பேச்சினிலே கிடைப்பதல்ல இன்பம்
இணையில்லா மணையாளின் தேன் மொழியே இன்பம் - எவ்வளவு அருமையான கருத்து.

மேலும்..வண்ணக்கிளியில் அடிக்கிற கைதான் அணைக்கும்
ரம்பையின் காதலனில்..சமரசம் உலாவும் இடமே..
இப்படி அடுக்கிக் கொண்டே போகலாம்..

இவ்வளவு சொல்லிவிட்டு..ஒன்றை சொல்லாவிட்டால் இளா விற்கு கோபம் வரும்..அதுதான்
விவசாயி..படத்தில் வரும்..விவசாயி பாடல்

முன்னேற்ற பாதையில் மனச வைச்சு
முழு மூச்சாய் அதற்காக தினம் உழைச்சு
மண்ணிலே முத்தெடுத்து பிறர் வாழ வழங்கும்
குணமுடையோன் விவசாயி..

ஆகா..எத்தனை அருமையான வரிகள்..

மருதகாசி...தமிழ்திரைஉலகின்..திரைகவிதிலகம் என்பது உண்மை.

தமிழ்க் கவிகள் பலர் மறக்கப்படுகிறார்கள்.

Monday, July 20, 2009

வாசகர் பரிந்துரை புறக்கணிப்பு..

வரும் சட்டசபை இடைத்தேர்தலை அ.தி.மு.க., புறக்கணிக்கும் என ஜெ அறிவித்துள்ளார்.

அதற்கு அவர் கூறும் காரணங்களில் ஒன்று..'மின்னணு இயந்திரத்தை பயன்படுத்துவது'.ஏற்கனவே அதன் பட்டனை அழுத்தினால்..ஒரு குறிப்பிட்ட கட்சிக்கே வாக்குகள் விழுகின்றன என்று அவர் கூறியுள்ளார்.பி.ஜே.பி.,கூட தேர்தல் ஆணையம்..இது குறித்த சந்தேகங்களை போக்க வேண்டும் எனக் கூறியுள்ளார்.

சற்று யோசித்துப் பார்த்தால்..தமிழ்மண பரிந்துரையும் அப்படித்தான் இருக்கிறது...எனக்கு போடப்படும் தம்ஸப் வாக்குகளும்..தம்ஸ் டௌனில் விழுவதாக நினைக்கிறேன்.தேவையில்லாமல் எனக்கு நெகடிவ் வாக்குகள் விழுகின்றன.

ஒரு..உதாரணம்..என் சமீபத்திய..சன் டீவிக்கு கண்டனம் பதிவு..இதில் எதிர்த்து வாக்களிக்க என்ன இருக்கிறது.

தமிழ்மணம் என்னைப் போன்றோரின்..சந்தேகத்தை தீர்த்து வைக்கவேண்டும்.

அல்லது..குறைந்த பட்சம்..குறிப்பிட்ட பதிவிற்கு..ஏன் எதிர்த்து வாக்களிக்கிறோம்..என வாக்களித்தவரின் எண்ணத்தையாவது..சம்பந்தபட்டவர் அறிய வகை செய்தல் வேண்டும்.

அதுவரை வாசகர் பரிந்துரையை புறக்கணிக்க..எங்கள் செயல்குழு முடிவெடுத்துள்ளது.

சன் டீ.வி.க்கு ஒரு கண்டனம்

1..ஐடியல் செல்லுலர் தயாரிப்பான விளம்பர படம்.walk while you talk..என்கிறார்கள்..அப்படி பேசித்தானே அவ்வப்போது சில உயிர்கள் அடிபட்டு மரணம் அடைந்துள்ளன.நடக்கும் போது,வண்டி ஓட்டும் போது எல்லாம்..அலைபேசியில் பேசக்கூடாது என்ற கருத்தை மக்களிடம் கொண்டு சேர்ப்பதை விட்டு..இப்படி விளம்பரம் செய்யும் அக்கம்பெனியை கண்டிக்கிறேன்.

2.சன் டீவியில்...ஒரு நாளைக்கு நூறு முறை வரும் விளம்பரம்..மாசிலாமணி யும்...சன் டி.டீ.எச்., விளம்பரமும்.

இரண்டாவது விளம்பரத்தில்..முடி திருத்தும் கடையில் இருவர் பேசுவது போல் வரும் விள்ம்பரம்..

440 ரூபாய்க்கு..சன் டி.டீ.எச்., இணைப்பு கிடைப்பதாக பக்கத்து வீட்டுக்காரர் கூறியதும்...மற்றவர்..முடி திருத்துபவரை.. 'டேய்..இரு..'என்பார் மரியாதை இல்லாமல்.அதுவே..அவருடன் பேசும் பக்கத்து வீட்டுக்காரரை அப்படி சொல்வாரா.

முடி திருத்தும் தொழிலாளி என்றால் ..வயதானவரானாலும்...மரியாதை இல்லாமல் 'டேய்' என சொல்லலாமா?

இது அத்தொழில் செய்பவர்களை கேவலமாக எண்ணுவது போல உள்ளது..இதை வன்மையாகக் கண்டிக்கிறேன்.

Sunday, July 19, 2009

நட்பின் சிறப்பு என்பது யாதெனில்....

உயிர் காப்பான் தோழன்..என்பர்.

அது எவ்வளவு தூரம் உண்மை என நான் அறியேன்..ஏனெனில் நான் யார் உயிரையும் காப்பாற்றியதில்லை..என்னையும் யாரும் காப்பாற்றியதில்லை.

ஆனால்..நமக்கு வாழ்வில்..ஏற்படும் நண்பர்கள்தான் எவ்வளவு?

பள்ளி பருவத்தில்...உண்டாகும் இளம் நண்பர்கள்..மன விகாரம் இல்லா வயது.கிடைத்த அனைத்தையும் பகிர்ந்துக் கொள்ளும் வயது.ஒன்றாக சேர்ந்து விளையாடிய வயது.மாமரத்தில் இருந்து விழும் அல்லது திருடும் மாங்காயை..உப்பு ,காரம் தோய்த்து சாப்பிட்ட நட்பு,கமர்கட்டை காக்காய் கடி கடித்து பகிர்ந்துக் கொண்ட வயது.போட்டி படிப்பில் மட்டுமே.இப்படி அந்த கால நட்பு..மனதில் பசுமரத்தாணி போல பதிந்து இன்றும் நினைவில் அவர்கள் பெயர் தங்கியிருக்கும் நட்பு.

அடுத்து..கல்லூரி கால நட்பு.பெற்றோர் கஷ்டப்பட்டு செலவு செய்து படிக்க வைப்பது தெரிந்தும்..பணத்தைப்பற்றி கவலைப்படாமல் இருக்கும் வயது.இக்காலத்தில் ஏற்படும் நட்பு சிலருக்கு வாழ்வில்..சிகரெட்,மது,மாது..போன்ற பழக்கங்களை ஏற்படுத்தி வைக்கிறது..அப்படிப்பட்டவர் நட்பு இவ்வயதில் அதிகம் கிடைக்கிறது.இப்படிப்பட்ட நட்பு..ஆசைக்காக..சில எதிர்ப்பார்ப்புகளோடு அமைந்து விடுகிறது.இப்பருவ நட்பு கம்பி மேல் நடப்பது போல.

அதைத் தாண்டி வந்தால்..அலுவலகத்தில், உடன் வேலை செய்வார் நட்பு.இந்த சமயம்...நிறைய சம்பாதிக்க வேண்டும்,சமுதாயத்தில் ஒரு பெரிய மனிதனாக வரவேண்டும்..அவனைவிட நான் பெரிய ஆளாக வர வேண்டும் என்றெல்லாம் எண்ணக்கூடிய சுயநலம் நிறைந்த நட்பு..

பின் ஓய்வு பெற்றதும்..கிடைக்கும் நட்பு...பழைய வாழ்வை அசை போடும் நண்பர்களுடன்.

இப்படி ஒவ்வொரு பருவத்திலும்..பல வேறுபட்ட நண்பர்கள்..பள்ளி பருவம் முதல்..கடைசி வரை தொடரும் நட்பு..ஒரு சிலருக்கே கிட்டும்.அப்படிப்ப நட்பு அமைந்தால் அதுதான் சிறந்த நட்பு..அப்படிப்பட்டவன் தான் சிறந்த நண்பன்.

ஆனால் எப்பருவத்தில்..எவ்வளவு நாட்கள் தொடரும் நட்பாய் இருந்தாலும்..வீட்டில்..பெற்றோரோ,மனைவியோ கோபப்பட்டால், அதைத் தாங்கும் மனம்..நண்பன் ஒருவன் நம்மை தவறாக புரிந்துக் கொண்டால்..கடுமையாக ஏசி விட்டால்/பேசிவிட்டால் தாங்க மாட்டேன் என்கிறது.

இது தான் நட்பின் சிறப்பு.

Friday, July 17, 2009

சிவாஜி ஒரு சகாப்தம் - 18

1972ல் வந்த படங்கள்

ராஜா
ஞானஒளி
பட்டிக்காடா..பட்டணமா
தர்மம் எங்கே
தவ புதல்வன்
வசந்த மாளிகை
நீதி

இந்த ஆண்டு மிகச் சிறப்பான ஆண்டு அவருக்கு..

வெளியான 7 படங்களில்4 படங்கள் 100 நாட்கள் படம்.2 வெள்ளிவிழா படம். ..தர்மம் எங்கே..மட்டுமே எதிர்ப்பார்த்த அளவிற்கு வெற்றி பெறவில்லை.

வசந்த மாளிகை வெள்ளிவிழா படம்.இப்படம் இலங்கையிலும் வெள்ளிவிழா கொண்டாடியது.வாணிஸ்ரீ கதாநாயகி.வசந்தமாளிகை செட் நீண்ட நாட்கள் கலையுலகில் பேசப்பட்டது.

ராஜா..வழக்கம் போல பாலாஜியின் படம்.ஹிந்தியில்..தேவானந்த் நடித்து வந்த ஜானி மேரா நாம் படம்..ஜெயலலிதா கதாநாயகி.

பட்டிக்காடா..பட்டணமா..மாதவன் இயக்கத்தில் ஜெ யுடன் சிவாஜி.

தவ புதல்வன்..முக்தா ஃபிலிம்ஸ் படம்..

நீதி..மீண்டும்...இவ்வருடம் பாலாஜியின் படம்.

எந்த ஒரு நடிகரும்..ஒரே வருடத்தில்..6 வெற்றி படங்களைக் கொடுத்த தில்லை.

இச்சாதனை முறியடிக்க முடியா சாதனை.

தமிழ் சினிமாவில் வெளியான அனைத்து கருப்பு வெள்ளை படங்களில் உச்ச கட்ட வெற்றி பெற்ற படம் பட்டிக்காடா பட்டணமா.

இன்று வரை தமிழின் எந்த கருப்பு வெள்ளை படமும் பெறாத வசூலை பெற்ற படம் - பட்டிக்காடா பட்டணமா

இந்த வருடத்தின் முதல் வெள்ளி விழா படம் இது


1973 படங்கள் அடுத்த பதிவில்.

Thursday, July 16, 2009

தேங்காய்..மாங்காய்..பட்டாணி..சுண்டல் (17-7-09)

1.ஆண்டிக்கு 15 கோடி வருமானம்

ஒரு பழத்திற்காக கோபித்துக் கொண்டு...எல்லாவற்ரையும் துறந்து..ஆண்டிக்கோலம் பூண்டு..பழனி மலையில் நின்றவர் முருகன் என்பது கதை.

அந்த ஆண்டியின் கோவிலுக்கு இந்த நிதி ஆண்டு வருமானம் கிட்டத்தட்ட 15 கோடியாம்.

தமிழக கோயில்களில் பக்தர்கள் அதிகம் வரும் கோயில் இது.

பூஜை டிக்கட்டுகள் மூலம் வந்த வருமானம் 8 கோடியே 71 லட்சம்.

பஞ்சாமிர்த விற்பனை 15 கோடி..

இன்று ஆண்டிகள் என்றால் கோடிஸ்வரர்கள் என்று அர்த்தம் கொள்ளலாமா?

2.ஜீன்ஸ் படப் புகழைவிட ஒரு மிகப் பெரிய புகழை நடிகர் பிரசாந்த்...பொன்னர்-சங்கர் படத்தில் இயற்றித் தருவாரெனில்..அதைவிட பெரும் பரிசு எனக்கு எதுவும் இருக்க முடியாது..என்கிறார் கலைஞர்.

3.உறவு என்பது எப்படி இருக்க வேண்டும் தெரியுமா?

தண்ணீரில் எண்ணெய் கலப்பது போல இருக்கக்கூடாது. தண்ணீரில் பால் கலப்பது போல் இருக்க வேண்டும்.

4.கடல் ஆழமாக இருப்பதால்..உயரமாக இருக்கும் மலையைவிட மட்டமாகி விடுமா?

5.ஒரு நாடு சுதந்திரநாடு என்பது வேறு..தனிப்பட்ட மனிதன் ஒவ்வொருவனும் போராடித்தான் சுதந்திரம் பெற்றாக வேண்டும்.

6.சென்னை சத்யமூர்த்தி பவனில்..பெருந்தலைவர் காமராஜரின் 107ஆம் பிறந்தநாள் விழா..எவ்வித தகராறும் இன்றி ..(பல தலைவர்கள் கூடியிருந்தும்) கொண்டாடப்பட்டது.

7.ஒரு ஜோக்..
வலைப் பதிவர்கள் எல்லாம்..கையில் ஒரு வலையைத் தூக்கிட்டு எங்கே போறாங்க?
அனானிகளை வலைவீசி தேடப்போறாங்களாம்.

8.இந்த வாரத்திற்கான ஜோக் விருது பெறுபவர் இரா.செழியன்..அவர் சொன்ன ஜோக்

ம.தி.மு.க., தான் அண்ணா வழி வந்த உண்மையான திராவிட இயக்கம்.இதற்கு சிறந்த எதிர்காலம் இருக்கிறது.இக்கட்சிக்கு எதிர்காலம் இல்லையெனில்..நாட்டிற்கே எதிர்காலம் இல்லை.

எனக்கும் விருது..




எனக்கு விருது வழங்கிய கோமா அவர்களுக்கு என் நன்றி..

இன்டெரெஸ்டிங் பிளாக்..விருது..

எனது தமிழா தமிழா தளம் அப்படிப்பட்டது என்று தேர்ந்தெடுத்த கோமாவிற்கு நன்றி..ஆனாலும்..அவரது ரசிப்புத்தன்மை சற்று சந்தேகத்தை எனக்கு ஏற்படுத்திகிறது.

ஏனெனில்..ஒரு பிரபல பதிவர் எனது வலைத்தள follower ஆக இருந்தார்.திடீரென விலகிக் கொண்டார்.

எனக்கு கொடுக்கப்பட்ட இவ்விருது நான் வேறுயாருக்கேனும் கொடுக்க வேண்டும்...ம்..ம்..

சரி..

இவ்விருதை துவக்கிய செந்தழல் ரவிக்கு இதை அளிக்கிறேன்.

அவரது தளம்

http://imsai.blogspot.com

Wednesday, July 15, 2009

நீண்ட நாட்கள் வாழ....

இன்று மருத்துவம் மிகவும் முன்னேறியுள்ளது.ஆண்களின் சராசரி வயது 64 ஆகவும்..பெண்களின் சராசரி வயது 65 ஆகவும் உள்ளது.

சிலர் சைவ சாப்பாடு சாப்பிட்டால்..நீண்ட நாட்கள் இருக்கலாம் என எண்ணுகின்றனர்.

நீண்ட நாள் வாழ சைவ,அசைவ சாப்பாடுகள் காரணமில்லை.

சுத்த சைவமான ராஜாஜியும் 94 வயது வாழ்ந்தார்...கடைசி வரை பிரியாணியை விரும்பி உண்ட தந்தை பெரியாரும் 94 ஆண்டுகள் இருந்தார்.

நீண்ட நாட்கள் வாழ குடும்ப ஜீன்ஸ் ஒரு காரணம் என்றாலும்...கட்டுப்பாடான வாழ்க்கையும் அவசியம்.

அளவான சாப்பாடு

உடலுக்கு தேவையான உடற்பயிற்சி (தினமும் குறைந்தது ஒரு மணி நேரம் நடை அல்லது சைக்கிளிங்)

உப்பு குறைவாக சேர்த்துக் கொள்ளவும்..இரத்த அழுத்தத்தை தவிர்க்கலாம்.

சர்க்கரை குறைவாக சேர்த்துக் கொண்டால்..நீரிழிவு கட்டுப்பாட்டிற்குள் இருக்கும்.

வெண்மை நிற..அரிசி,சர்க்கரை,உப்பு,மைதா ஆகியவற்றை குறையுங்கள்.

மனதை சந்தோஷமாக வைத்திருங்கள்.கோபத்தை விடுங்கள்.பிறர் மீது குறை காண்பதை தவிருங்கள்.பொறாமைக் குணம் வேண்டாம்.

மனம் களங்கம் இல்லை என்றாலே...மனம் சந்தோஷமாய் இருக்கும்.ஆரோக்ய வாழ்வு வாழலாம்.

நாம் வாழ்க்கையில் இன்பமாயிருக்கிறோமா?துன்பமாய் இருக்கிறோமா? என்பது நம் கைகளில் தான் இருக்கிறது.

இயற்கை நமக்கு எத்தனை இன்பங்களை வாரி வழங்கி இருக்கிறது.

எத்தனைக்கோடி இன்பம் வைத்தாய் இறைவா..என்றான் பாரதி.பாரதி இன்பமாய் நினைத்தவை...எதை எதைத் தெரியுமா?

தண்ணீர்: இதில் குளித்தால் இன்பம்..குடித்தால் இன்பம்.
தீ ; குளிர் காய்ந்தால் இன்பம்..பார்த்தாலே இன்பம் (தீபம்)
மண் ; இதன் விளைவுகளிலே இன்பம்.,இதன் தாங்குதல் இன்பம்.
காற்று ; இதை தீண்டினால் இன்பம்..மூச்சில் கொண்டால் இன்பம்.
ஆகாயம்;கேட்கவே வேண்டாம்..பகலில் சூரியன் இன்பம்..இரவில் நிலவு இன்பம்
நட்சத்திரக் கூட்டம் இன்பம்.
தவிர..உயிர்களிடத்தில் பழகுதல் இன்பம்.
மனிதர் உறவு இன்பம்
அன்பு இன்பம்
உண்ணுதல் இன்பம்
உழைத்தல் இன்பம்
உறங்கல் இன்பம்
கூடுதல் இன்பம்
கற்றல் இன்பம்
கேட்டல் இன்பம்
பாடுதல் இன்பம்
பார்த்தல் இன்பம்
எழுதுதல் இன்பம்

இப்பொழுது சொல்லுங்கள்..ஆண்டவன் (இயற்கை) எத்தனைக் கோடி இன்பங்களை நமக்களித்துள்ளான்


ஆகவே வாழும் போது துக்கத்தை பெருக்கிக் கொள்ளாது...இன்பமாய் வாழ்வோம்.

இறந்த பின் சொர்க்கம் போக வேண்டும் என்னும் எண்ணத்தை விட்டு...வாழும் போது..வாழ்வை..நரகமாய் ஆக்கிக் கொள்ளாது சொர்க்கமாய் ஆக்கிக் கொள்வோம்

கலைஞர் கதை வசனத்தில்..மத்திய அமைச்சர் நடிக்கும் படம்..

கலைஞர் இதுவரை 70 படங்களுக்கு திரைக்கதை..வசனம் எழுதி சாதனைப் படைத்துள்ளார்.

இப்போது அவர் எழுதிய பொன்னர்-சங்கர் திரைப்படமாக உள்ளது.அப்படத்திற்கான தொடக்க விழா சமீபத்தில் நடந்தது.

வள்ளுவர் கோட்டத்தில் நடைப்பெற்ற இவ்விழாவில்..ஏ,வி.எம்.சரவணன் கிளாப் அடிக்க...கலைஞர் காமிராவை இயக்கி திரைப்படத்தை தொடங்கி வைத்தார்

இப்படத்தில்..பிரசாந்த் தவிர..மத்திய சமூக நீதித் துறை இணை அமைச்சரான நெப்போலியனும் நடிக்க இருக்கிறார்.பிரதமர் மன்மோகன் சிங்கின் அனுமதி பெற்றே தான் நடிப்பதாக அவர் தெரிவித்தார்.நெப்போலியன் எம்.பி., ஆக தேர்ந்தெடுக்கப்பட்டதும்..திரைப்படங்களில் இனி நடிக்க மாட்டேன் என்று கூறியிருந்தார்.

பொன்னர்-சங்கர் வெற்றிவிழா காணும் என கலைஞர் கூறியுள்ளார்.

Monday, July 13, 2009

வாய் விட்டு சிரியுங்க..

1.தயாரிப்பாளர்-தூக்கம் வரலேன்னா நம்ம படத்தைப் பார்க்கலாம்னு பத்திரிகைல விமரிசனம் எழுதி இருக்காங்க..
இயக்குநர்- அதனால்தான் படத்துக்கு ஆஃபீஸ்னு பெயர் வைக்க வேண்டாம்னு சொன்னேன்.

2.தயாரிப்பாளர் (கதாசிரியரிடம்) என்னங்க..உங்க கதையில ஒரே துப்பாக்கி சத்தம்..கொலை..அப்படி..இப்படின்னு இருக்கு..மக்கள் சட்டம் என்ன செய்யுதுன்னு கேட்கமாட்டாங்களா?
கதாசிரியர்- அதற்கும்..ஒரு ஐடியா வைச்சிருக்கேன்..கதாநாயகன் எப்பவும் கையில ஒரு மர சட்டம் வைச்சிருப்பார்..அதனால சட்டம் அவர் கையிலன்னு சொல்லிடலாம்.

3.எங்க ஆஃபீஸ்ல இப்ப தொட்டதெற்கெல்லாம் மெமோ கொடுத்திடறாங்க..
ஆமா..அப்படி எதைத் தொட்டீங்க?
ரிஷப்ஷனிஸ்ட் தாராவைத்தான்

4.என்னங்க..உங்க ஹோட்டல்ல பா.ம.க., ஐந்து ரூபாய்னு போட்டிருக்கீங்க
பார்சல் மட்டும் கட்ட ஐந்து ருபாய்..அதன் சுருக்கம்தான் பா.ம.க.,

5.ஏன் சார்..முகத்தை திருப்பி வெச்சுக்கிட்டு லஞ்சம் வாங்கறீங்க
யாராவது ஃபோட்டோ எடுத்தா ஆள் யாருன்னு தெரியக்கூடாதே...அதற்குத்தான்..

6.அந்த மருந்து கடையில வேலை செய்யறவர் முன்னால டாஸ்மாக் ல வேலை செஞ்சார்னு எப்படி சொல்ற
இருமலுக்கு மருந்து கேட்டா 100 மில்லியா..200 மில்லியான்னு கேட்கறாரே

Sunday, July 12, 2009

திருவள்ளுவர் சிலை திறப்பும்...துரைமுருகன் பதவி பறிப்பும்

ஆகஸ்ட் மாதம் 8ஆம் தேதி பெங்களூரு வில் திருவள்ளுவர் சிலை திறப்பு விழா நடைபெறுகிறது.18 ஆண்டுகளாக சிலை திறக்க அனுமதி அளிக்காத கன்னடர்கள்..பதிலுக்கு கன்னட கவி சர்வஞ்னர் சிலையை சென்னையில் வைக்க அனுமதி கொடுத்தால்...திருவள்ளுவர் சிலை அமைக்க ஒப்புக் கொள்வதாக கோரிக்கை வைக்க..தமிழக அரசும் ஒப்புக் கொண்டது.

சமீபத்தில் சென்னை வந்த எடியூரப்பா கலைஞரிடம் இது குறித்துப் பேச..கலைஞரும் ஆகஸ்ட் 10 அல்லது 13ஆம் நாள் சர்வஞ்னர் சிலையை சென்னையில் வைக்க ஒப்புக் கொண்டுள்ளார்.

இதனிடையே..ஒகேனக்கல் குடிநீர் திட்டம் குறித்துக் கர்நாடகாவிற்கும்..தமிழகத்திற்கும் சர்ச்சை இருந்துக் கொண்டிருக்கிறது.

கர்னாடகா முதல்வர் சென்னையில் கலைஞரை சந்தித்து...சிலைகள் பரிமாற்றம் பற்றி மட்டுமே பேசினார் என்றால் சரி.

இதற்கும்..துரைமுருகன் திடீரென பொதுப்பணித்துறையிலிருந்து விடுவிக்கப் பட்டதற்கும் சம்பந்தம் இருக்காது என நம்புவோமாக.

கர்நாடகாவும்..அப்படி ஒரு கோரிக்கைவைத்து.. கலைஞரும் அதற்கு ஒப்புக் கொண்டிருக்க மாட்டார் என்றே தோன்றுகிறது.

துரைமுருகன் பொதுப்பணித்துறையிலிருந்து விடுவிக்கப் பட்டது எதேச்சையாக நடந்திருக்கக்கூடும்.

நான் யார் ..நான் யார் ...

நான்
உடல் வலிமையுள்ளவன் என்கிறாயே
உன் அன்னைக்கு நன்றி சொல்
உதிரத்தை பாலாய் கொடுத்தவள்
அவர்

நான்
பண்புள்ளவன் என்கிறாயே
உன் தந்தையை வணங்கு
உன்னை ஆக்கியவர்
அவர்

நான்
அறிவாளி என்பவனே
உன் ஆசிரியரை நினை
உன் அறிவை வளர்த்தவர்
அவர்

நான்
நல்ல கணவன் என்கிறாயே
உன் மனைவியைக் கேள்
உனக்கு அப்பெயர் வரக் காரணம்
அவள்

நான்
நல்ல தந்தை என்பவனே
உன் வாரிசுகளைக் கேள்
உன் கடமையைசெய்ததை உரைப்பவர்
அவர்

நான்
நல்லவன் என பெருமையுறுபவனே
உன் உடல் சுமக்கப்படும் போது
உன் சுற்றமும்..நட்பும் சொல்லட்டும்
அதை

Friday, July 10, 2009

ஏன் இப்படி...?

பூமி வெப்பமயமாகிக் கொண்டிருக்கிறது...

பூமியில் வாழும் நாமும் அப்படி ஆகிக் கொண்டிருக்கிறோமா..?

ஆமாம்..என்கிறது இணைய தளம்..

எவ்வளவு சூடு பறக்கும் பதிவுகள்.ஒருவர் மீது ஒருவர் சேற்றை வீசிக் கொண்டிருப்பது ஏன்? தனிப்பட்ட முறையில் பேசுவதற்குக் கூட இப்போது பயமாய் இருக்கிறது.

நம்மிடம் புரிதல் இல்லை என்பதையே இது காட்டுகிறது.

சமிப காலங்களில் பாருங்கள்..சாரு,பைத்தியக்காரன்,லக்கிலுக் பதிவுகள்..நாகர்ஜுனிடம்..பைத்தியக்காரன் பகிரங்க மன்னிப்பு.

பரிசல் பதிவில்..அதிஷா ஏதோ பின்னூட்டமிட..மணிகண்டன் அதற்கு பதில் சொல்ல..பரிசல் பகிரங்க மன்னிப்பு.

இப்போது..

நர்சிம்,தீபா..பதிவுகள்.

பதிவர்களுக்கு ஒரு வேண்டுகோள்..

உங்கள் தளத்தில் நீங்கள் உங்கள் கருத்துகளை பதிவிடுவதில் தவறில்லை.

ஆனால்..அதற்குமுன்..இது தனிப்பட்ட முறையில்..யாரையாவது புண்படுத்துமா? என யோசியுங்கள்...யோசிக்காமல் எழுதிவிட்டு..பின் மன்னிப்பு என்பதில் என்ன லாபம்

வார்த்தைகளை கொட்டி விட்டால்..அள்ள முடியாது..

வரும் நாட்களில்...

நகைச்சுவை என்றாலும்..அதனால் பிறர் மனம் துன்படும் என்றால்..அப்பதிவு வேண்டாமே....

மறப்போம்...மன்னிப்போம்..

ப்ளீஸ்...

Thursday, July 9, 2009

தேங்காய்..மாங்காய்..பட்டாணி..சுண்டல் (10-7-09)

1.மனிதரில் மூன்று பிரிவு உண்டு.விலங்கு,மனிதன்,தேவர்..தனக்காக வாழ்பவன் விலங்கு, பாதி தனக்காகவும்...மீதி பிறருக்காகவும் வழ்பவன் மனிதன்...பிறருக்காகவே வாழ்பவன் தேவன்

2.யார் வீட்டுக் கூரை எறிந்தால் என்ன...என் வீடு பத்திரமாக இருக்கிறது என்ற சுயநலத்துடன் இருக்காதீர்கள்.நாளையே உங்கள் வீடு எரியும் போது மற்றவர்கள் அப்படி எண்ணிவிட்டால்?

3.அவன் உயர்ந்தவன்..நான் தாழ்ந்தவன்..அவ்னுக்கு எல்லாம் தெரியும்...எனக்கு தெரியாது...என்றெல்லாம் தாழ்வு மனப்பான்மையுடன் இராதீர்கள்.பூமிக்கடியில் புதைந்து கிடக்கும்..கரித்துண்டுதான்..ஒருநாள் வைரமாக மிளிருகிறது.

4.மழை தனக்காக பொழிவதில்லை
மரங்கள் தமக்காக வளர்ந்து கனிகளை அடைவதில்லை
சூரியன் தனக்காக உதிப்பதில்லை
ஆறுகள் தனக்காக ஓடவில்லை
காடுகள் அவற்றிற்காக வளரவில்லை
கடல்கள்..முத்தையும்,மீங்களையும்,உப்பையும் தமக்காக வைத்திருக்கவில்லை
பிறருக்கு கொடுக்கவே இவை இப்படி
ஆனால்...மனிதன் மட்டுமே..தனக்காக வாழவேண்டும் என எண்ணுகிறான்.

5.marriage
It is an agreement in which a man loses his bachelor's degree and a woman gains her master's

6.காதலன்; நாம ஓடிப்போய் ரிஜிஸ்தர் ஆஃபீஸ்ல கல்யாணம் பண்ணிக்கலாம்
காதலி;நாம ஓடத்தெரிஞ்சவங்க..சரி...ஓடத் தெரியாதவங்க எங்க போய் கல்யாணம் செஞ்சுப்பாங்க?

சிவாஜி ஒரு சகாப்தம் - 17

1971ல் வந்த படங்கள்
இரு துருவம்
தங்கைக்காக
அருணோதயம்
குலமா குணமா
பிராப்தம்
சுமதி என் சுந்தரி
சவாலே சமாளி
தேனும் பாலும்
மூன்று தெய்வங்கள்
பாபு

இவற்றில் 3 படங்கள் 100 நாள் படங்கள்.அவை குலமா குணமா,சவாலே சமாளி,பாபு.

கே.எஸ்.ஜி.,படம்..குலமா குணமா..பாடல்கள் அருமை..பத்மினி நாயகி

சிவாஜியின் 150 ஆவது படம் சவாலே சமாளி..கே.எஸ்.ஜி.,யின் சீடராய் விளங்கிய மல்லியம் ராஜகோபால் தயாரிப்பு..இயக்கத்தில் வந்த படம். சிவாஜி நடிக்க வந்து 19 வருடங்களில் 150 ஆவது படம்.

சுமதி என் சுந்தரி..நல்ல கதையமைப்பு..பாடல்கள் இருந்தும் எதிர்ப்பார்த்த வெற்றி அடையவில்லை.அருணோதயம்..படமும்..அப்படியே..

இரு துருவம்..பி.எஸ்.வீரப்பா படம்..படத்தின் கதையமைப்பு ரசிகர்கள் எதிர்ப்பார்ப்புக்கு இல்லை.

பாபு..சிவாஜி தான் செய்த தவறுக்காக..ஒரு குடும்பத்தைக் காக்கும் பொறுப்பேற்பார்.

தேனும் பாலும்..நீண்ட நாள் தயாரிப்பில் இருந்ததால் தோல்வியுற்ற படம். பிராப்தம்..சாவித்திரியின் சொந்தப் படம்..தோல்வி.

மூன்று தெய்வங்கள் படத்தில்.. ஜோடி,டூயட்,பாடல் ஏதுமில்லாமல் நடித்திருக்கிறார்.

இவ்வருடம்..ஒரே திரை அரங்கில் தொடர்ச்சியாக 15 மாதங்கள் சிவாஜியின் படங்கள் தொடர்ந்து ஓடி சாதனை புரிந்தது.

மதுரை..ஸ்ரீதேவி திரையரங்கில்..சென்ற வருடம் தீபாவளி முதல்..1971 முடிவு வரை தொடர்ந்து..எங்கிருந்தோ வந்தாள்,தங்கைக்காக,குலமா குணமா,சவாலே சமாளி,பாபு..என மொத்தம் 444 நாட்கள் சிவாஜி படங்கள் திரையிடப்பட்டது.

அடுத்த பதிவில் 1972 படங்களைக் காணலாம்.

Wednesday, July 8, 2009

வாய் விட்டு சிரியுங்க..(ஹோட்டல் ஜோக்ஸ்)

1.அந்த ஹோட்டல் முதலாளி முன்னால ரேஷன் கடையில இருந்தார்னு எப்படி சொல்ற
போர்டுல..இன்றைய இருப்பு 20 இட்லி,30 பூரி,15 தோசை..25 வடைன்னு எழுதியிருக்காரே

2.அந்த ஹோட்டல் முதலாளியை ஏன் கைது பண்ணிட்டாங்க
ஆடிக்கழிவுன்னு போட்டாராம்..சாப்பிட்டவங்க எல்லாம் கழிஞ்சுக்கிட்டே இருக்காங்களாம்..

3.அந்த ஹோட்டலுக்குப் போனால் தகாத உறவெல்லாம் ஏற்படுமா? எப்படி?
இட்லிக்கு கிழங்கும்..பூரிக்கு வடகறியும் கொடுப்பாங்க

4. அந்த ஹோட்டல்ல இரண்டு இட்லி சாப்பிட்டா இரண்டு இட்லி இலவசமா தருவாங்களாம்
ஏன் அப்படி
ஸ்டாக் கிளியரன்ஸாம்

5.அந்த ஹோட்டல்ல காசு இல்லாம சாப்பிட்டா அரைச்ச மாவையே அரைக்க சொல்லுவாங்களாம்
ஏன்
அந்த ஹோட்டல் முதலாளி முன்னால மெகா சீரியல் தயாரிப்பாளராம்

6.அந்த டாக்டர் முன்னால ஹோட்டல் வைச்சிருந்தார்னு எப்படி சொல்ற
கிளினிக் வெளியே போர்டுல பெரும் வியாதியஸ்தர்கள் உள்ளே வரக் கூடாதுன்னு போட்டிருக்காரே!

Tuesday, July 7, 2009

திரை இசைமேதை ஆர்.சுதர்சனம்

ஆர்.சுதர்சனம் என்ற திரைப்பட இசையமைப்பாளரை நம்மில் பலர் மறந்திருப்போம்..அல்லது தெரியாது இருந்திருப்போம்.

அவர் இசை அமைப்பில் வந்த படப்பாடல்கள் அருமை.அவற்றில் சிலவற்றைப் பார்ப்போம்.

ஏவி.எம்.,மின் ஆஸ்தான இசை அமைப்பாளரான இவர்...நாம் இருவர் படத்தில் பாரதி பாடல்களுக்கு இசையை பிரமாதமாக அமைத்துள்ளார்.அவற்றில் ஒரு பாடல் "ஆடுவோமே..பள்ளு பாடுவோமே"

அறிஞர் அண்ணாவின்..திரைக்கதை வசனத்தில் வந்த ஓர் இரவு படத்தில்..'அய்யா சாமி' பாடலும்...'துன்பம் நேர்கையில்' பாடல்கள் இவர் இசை அமைத்தவை.பிந்தைய பாடலின் ஆசிரியர் பாரதிதாசன்.

களத்தூர் கண்ணம்மா படப்பாடல்கள் அருமை.'ஆடாத மனமும்' 'அருகில் வந்தாள்' குறிப்பிடத்தக்கவை.

கொஞ்சும் சலங்கை..'சிங்கார வேலனே' இன்னும் காதுகளில் ஒலித்துக் கொண்டிருக்கிறது.

தெய்வப்பிறவி..'அன்பால தேடிய" மறக்க முடியா பாடல்.

அன்னை படத்தில்..பானுமதி பாடிய "அன்னை என்பவள்'பாடல்,சந்திரபாபு பாடிய 'புத்தியுள்ள மனிதரெல்லாம்" இவர் திறமைக்குச் சான்று.

காட்டு ரோஜா படத்தில்...'ஏனடி ரோஜா" பாடலும்..பி.பி.ஸ்ரீனிவாசன் பாடிய..கண்ணதாசனின்..'எந்த ஊர் என்றவனே" அருமையானவை.

திலகம் என்ற படத்தில்..'B..O..Y..பாய்' பாடல்..அந்த நாளில் பிரசித்தம்.

'கண்ணா கருமை நிறக் கண்ணா' பாடல் மட்டுமில்லாது..நானும் ஒரு பெண் பாடல்கள் அனைத்தும் அருமை.

பெண் படத்தில்...'கல்யாணம்' என்ற பாடல்..எஸ்.பாலசந்தருக்காக..சந்திரபாபு பிண்ணனி பாடிய பாடல்.

பராசக்தியில் அனைத்து பாடல்களும்..குறிப்பாக..'கா..கா..கா..'பாடல்.மற்றும் பூமாலை நீ ஏன் பிறந்தாய் பாடல்கள்

ஸ்ரீவள்ளி படத்தில்...கானாத காயகத்தே..இன்றும் பல திருவிழாக்களில் தெருக்கூத்து நிகழ்ச்சிகளில் பாடப்படுகிறது.

தவிர்த்து..கலைஞரின்..பூம்புகாரில்..'என்னை முதன் முதலாய்' பாடல்..பூமாலையில்..'பாரிஸ் நகர பியூட்டி' பாடல்..

இப்படி...தேனினும் இனிய பல பாடல்களுக்கு இசை அமைத்தவர் சுதர்சனம்.

ஏ.வி.எம்.மின் லோகோ விற்கு இசை அமைத்தது இவர்தான்... இன்றும் நம் காதுகளில் தினம் ஒலித்துக் கொண்டிருக்கிறது அது.

Monday, July 6, 2009

ஒரு வருடம் ஓடிப்போச்சு...

திடீரெனத்தான் ஞாபகம் வந்தது.

இப்படித்தான்..சில விஷயங்களை ஞாபகத்தில் வைத்துக் கொண்டாலும்...சரியாக ஞாபகம் வரவேண்டிய சமயங்களில் அவற்றை மறந்து விடுவோம்.உதாரணமாக..திருமண நாளை முதல் நாள் வரை ஞாபகம் வைத்திருப்போம்.அடுத்த நாள் வீட்டில் மனைவி 'இன்று என்ன சொல்லுங்க பார்ப்போம்.." என ஆவலாய் கேட்கும் போது..மறந்து தொலைத்திருப்போம்.

ஆமாம்...இப்போது எதற்கு அதையெல்லாம் சொல்கிறீர்கள்? ஏதேனும் மொக்கை பதிப்பு போடப்போகிறீர்களா என்கிறீர்களா?

எனக்கு இப்பதிவு மொக்கையில்லை...உங்களுக்கு எப்படியோ..

நான் தமிழ்மணத்தில்..இடுகைகளை போட ஆரம்பித்து..ஒரு வருடம் நேற்றுடன் முடிந்தது.

பதிவுலகில்..யாரையும் தெரியாமல் பதிவிட ஆரம்பித்த எனக்கு...இன்று என் நலம் நாடும்..சகோதர, சகோதரிகள் எவ்வளவு பேர் !!

ஆகஸ்ட் 3ல் ஃபிட்ஜிட் போட்டேன்...இதுவரை 94000 ஹிட்ஸ்..

78 Followers

கிட்டத்தட்ட 6000 பின்னூட்டங்கள்..

இது ஒரு சாதனை இல்லைதான்...சிலரின் சாதனைகளுடன் ஒப்பிடும்போது...

ஆனால் என்னைப் பொறுத்தளவில்...மனம் மகிழ்கிறது...

இதைவிட சாதனை பெரிதல்ல..

அனைவருக்கும் நன்றியும்...அன்பு வணக்கங்களும்..

Sunday, July 5, 2009

'திரை இசைத் திலகம்'கே. வி.மகாதேவன்

இரு திறமைசாலிகள் இருக்கையில்...ஒருவர் மட்டும் பெரும் புகழ் அடைவதும்...அவருக்கு இணையான திறமையுள்ளவர் அவ்வளவு புகழ் அடையமுடியாமல் இருப்பதும் சகஜம் என்றாலும்...திரையுலக இசையமைப்பாளர் கே.வி.மகாதேவனை அனைவரும் மறந்துவிட்டது அவரது துரதிருஷ்டமே.

திரை இசைத் திலகம் மாகாதேவன் என்றதும்..நமக்கு உடன் ஞாபகம் வருவது..அந்த கால எம்.ஜி.ஆர்., படப் பாடல்களே..அதுவும் தேவர் ஃபிலிம்ஸ் படப் பாடல்கள் அனைத்தும் சிறப்பானவை.

ஏமாறாதே..ஏமாற்றாதே,மஞ்சள் முகமே வருக(வேட்டைக்காரன்),மனுஷனை மனுஷன்(தாய்க்குப் பின் தாரம்),சிரித்து சிரித்து(தாய் சொல்லை தட்டாதே),உண்டாக்கி தந்தவர்கள் இரண்டு பேரு(முகராசி),உழைக்கும் கரங்களே..(தனிப்பிறவி),ஏதோ ஏதோ ஒரு மயக்கம்(குடும்பத்தலைவன்),பல்லாண்டு வாழ்க பாடல்கள் இப்படி சொல்லிக் கொண்டே போகலாம்.விவசாயி படப் பாடல்கல் அனைத்தும் அருமை.

கே.எஸ்.கோபாலகிருஷ்ணன் படங்களுக்கும் இசை இவர்தான்...'மாமா..மாமா' பாடலை எளிதில் மறந்துவிட முடியுமா..இப்பாடலுக்குப் பிறகு..மாகாதேவனை திரையுலகினர் அனைவரும் கூப்பிடுவது 'மாமா' என்றுதான்.இவர் இசை அமைத்த மற்ற மறக்க முடியா பாடல்கள்..என் நினைவிலிருந்து...

ஒரே ஒரு ஊரிலே (படிக்காத மேதை)
சிட்டுக்குருவி(டவுன் பஸ்)
மணப்பாரை மாடு கட்டி (மக்களை பெற்ற மகராசி)
அமுதும் தேனும் எதற்கு (தை பிறந்தால் வழி பிறக்கும்)
பசுமை நிறைந்த நினைவுகளே(ரத்த திலகம்)
பறவைகள் பலவிதம்,கண்ணெதிரே தோன்றினாள் (இருவர் உள்ளம்)
தூங்காத கண்ணென்று ஒன்று,சின்னஞ்சிறிய வண்ணப்பறவை (குங்குமம்)

தவிர திருவிளையாடல்,தில்லானா மோகனாம்பாள் ஆகிய படங்கள்.'ஒரு நாள் போதுமா" இவரை சொல்ல.ஏ.பி.என்.படங்கள் இசையை மறந்துவிட முடியுமா?

இதயக்கமலம்..படப்பாடல்கள்..

இப்படி சொல்லிக் கொண்டே போகலாம்.இவருக்கு உடன் இருந்து கடைசி வரை தொண்டாற்றினார் புகழேந்தி.

ஆமாம்..இவ்வளவு சொல்லிவிட்டு...முக்கியமான ஒன்றை சொல்லவில்லை என்கிறீர்களா?

ஆம்...பல தெலுங்கு படங்களிலும் இவர் இசை பாராட்டப்பட்டது.

மகுடம் வைத்தாற்போல்..'சங்கராபரணம்" பாடல்களை மறக்கமுடியுமா?


இப்படிப்பட்ட இசைமேதை வாழ்நாளில் சரியாக கௌரவிக்கப் படவில்லை..திறமைசாலிகளுக்கு இப்படிப்ப நிலை என்பதுதான் தலைவிதி போலும்.

எப்படி வாழ வேண்டும்..(அரைபக்கக் கதை)

ஒரு சந்நியாசியிடம்..அவர் சிஷ்யன்..ஒருநாள்..'சுவாமி...நான் எப்படி வாழவேண்டும்..என்பதை..தெரிவித்தால்..நலமாயிருக்கும்..'என்றான்.,

குருவும்..தன் ஆயுட்காலம் முடிவதை..அறிந்து..தன் சிஷ்யன் இனி..தனியாக..விவரங்களை தெரிந்துக்கொள்ளட்டும்..என்று...தூரத்தில் நொண்டிக்கொண்டே வரும் நரியைக்காட்டி..'அதனுடன் செல்..அதற்கு உணவு எப்படி கிடைக்கிறது..என்று பார்..அப்போது..நீ எப்படி வாழவேண்டும் என்று தெரியும்..' என்றார்.,

நரியை தொடர்ந்து வந்த சிஷ்யன்..தூரத்தே ஒரு சிங்கம்..இறந்த மானின் உடலை இழுத்து வருவதை பார்த்து ஒளிந்துக் கொண்டான்.அந்த மான் சிங்கத்தால் வேட்டையாடப்பட்டது.அதை சிறிது தின்றுவிட்டு..மீதத்தை..நரியிடம் போட்டு விட்டு சென்றது..சிங்கம்..

உடனே சிஷ்யனுக்கு ..வாழவேண்டிய வழி தெரிந்தது போல இருந்தது..

அடுத்தநாள் முதல்...சிஷ்யன்..உண்ணாமல்...யாரேனும் தனக்கு..உணவு கொண்டுவந்து தருவார்கள் என காத்திருக்க ஆரம்பித்தான்..

நாட்கள் உருண்டன...

ஆனால்..யாரும் உணவை கொண்டுவந்து தரவில்லை..

அவன் உடல் இளைத்து..தெம்பையெல்லாம் இழந்தான்..குருவைத் தேடி வந்தான்..நடந்த விஷயங்களைக் கூறி.'குருவே..அந்த நரிக்கு கொடுத்தாற்போல்..யாரேனும்..எனக்கு ..உணவு கொண்டுவந்து தருவார்கள் என எண்ணினேன்..ஆனால் யாரும் வரவில்லை.'என புலம்பினான்..

பதிலுக்கு..குரு..'அட..மடையா..நீ என்னிடம்..எப்படி வாழவேண்டும் என்று கேட்டாய்...நானும் சொன்னேன்..ஆனால்..நீ..சிங்கம்..நரியைப் பார்த்து..தப்பாய் புரிந்துக் கொண்டாய்..உண்மையில்..நீ என்ன செய்திருக்க வேண்டும்..சிங்கம் போல வாழ நினைத்திருக்க வேண்டும்..மற்றவர்களுக்கு..உதவியாய்...மற்றவர்களுக்கு..உணவளிக்கக் கூடியவனாய் இருக்க எண்ணியிருக்க வேண்டும்'என்றார்..

அப்போதுதான்..சிஷ்யனுக்கு..எப்படி வாழவேண்டும் என்பதற்கான விடை தெரிந்தது.
(மீள்பதிவு )

Saturday, July 4, 2009

வாய் விட்டு சிரியுங்க

அந்த நீதிபதி தீர்ப்பு சொல்லும் போது எல்லாம் கையிலே ஒரு தீப்பந்தத்தை வைச்சிருப்பார்
ஏன்?
சட்டம் ஒரு இருட்டறைன்னு யாரும் சொல்லிடக்கூடாது இல்லையா?

2.உங்களுக்கு மாடு வாங்க லோன் தந்தா அதை எப்படி திருப்பிக் கட்டுவீங்க?
கால் நடையா வந்துதான்.

3.கள்ள நோட்டை அடிச்ச நீ எப்படி மாட்டிண்ட
நோட்டிலே ரிசர்வ் பாங்க் கவர்னர் கையெழுத்து போட வேண்டிய இடத்திலே என் கை நாட்டை வைச்சுட்டேன்.

4.தலைவர் போற இடத்திற்கெல்லாம் ஒரு கட்டு பேப்பர்களை எடுத்துட்டுப் போறாரே..ஏன்?
அவர் மேல உள்ள வழக்குகளுக்கு முன் ஜாமீன் வாங்கினத்துக்கான பேப்பர்களாம்

5.என் கணவர் தூங்கும்போதும் கண்ணாடி போட்டுக்கிட்டுத்தான் தூங்குவார்
ஏன்?
கனவுல வர்றவங்க சரியா தெரியணும்னுட்டுத்தான்

6.நீங்க பேய்,பிசாசு இருக்கறதை நம்பறீங்களா?
கல்யாணம் ஆறவரைக்கும் எனக்கு அதில் நம்பிக்கை இல்லாமல் இருந்தது

Friday, July 3, 2009

தேங்காய்..மாங்காய்..பட்டாணி..சுண்டல் (3-7-09)

1.பிறப்பையும்..இறப்பையும் தவிர..அனைத்தும் மறுபரீசலனைக்குரியது.பூமியில் மிகப் பெரியவனாகத் தெரிபவன்...கடலுக்குள் விழுந்து விட்டால் அதில் உள்ள மீனுக்கு சிறியவனாகி விடுகிறான்.

2.கப்பல் கரையில் இருக்கும்வரை பிரச்னை இல்லை.அது கடலில் செல்லும்போதுதான் புயலை சந்திக்க நேரிடும்.ஆனாலும் கப்பல் என்பது..கரையில் இருக்க கட்டப்பட்டதில்லை.பிரச்னைகளை எதிர்கொண்டு வெற்றி கொள்வதில்தான் திறமை இருக்கிறது.

3.ராமன் ஆண்டா என்ன..ராவணன் ஆண்டா என்னன்னு இருக்கக்கூடாதுன்னு சொல்வாங்க...ஆனா என்னைக் கேட்டா அது தப்புன்னு சொல்வேன்..யார் ஆண்டாலும் நம் குடும்பத்துக்கு நாம் உழைச்சாத் தான் சோறு.இந்த எண்ணம் அனைவருக்கும் வேண்டும்.

4.அச்சத்தை தவிருங்கள்..இதுதான் என் வழி என தீர்மானியுங்கள்.பின்..அந்த லட்சியத்தில் முன் வைத்த காலை பின் வைக்காதீர்கள்.நமக்கு அதில் பயணம் மட்டுமே நம் குறிக்கோளாக இருக்க வேண்டும்.

5.ஒரு ஜோக்
சார்..நீங்க என் அப்பாவைவிட பெரியவங்க.
தம்பி என்ன சொல்றீங்க
ஆமாம்..சின்ன வயசில என்னை தூங்க வைக்க எங்கப்பா படாத பாடு படுவார்.கதை சொல்வார்..பாடுவார்..ஆனா நீங்க இது எதுவும் இல்லாமல் பேசியே எனக்கு தூக்கத்தை வரவழித்து விடுகிறீர்கள்.

6.இந்தவார சிறந்த ஜோக் விருது ஸ்ரீதர் வாண்டையாருக்கு..அவர் சொன்னது
நடந்து முடிந்த நாடாளுமன்ற தேர்தலில் 14 இடங்களில் தி.மு.க., வெற்றிக்கு பாடுபடுவோம்னு சொல்லிவிட்டு 12 இடங்களில் வெற்றியை பெற்று தந்துள்ளோம் என்கிறார் மூவேந்தர் முன்னேற்றக் கழகத் தலைவர் ஸ்ரீதர் வாண்டையார்.

Thursday, July 2, 2009

எஸ்.வி.சேகர் செய்வது நியாயமா?

சேகர்...2006க்கு முன்..ஒரு நடிகர்.ஒரு முறை தேர்தலில் சுயேட்சையாக நின்று..மைலாப்பூர் தொகுதியிலேயே 1500 ஓட்டுகள் மட்டுமே பெற்றவர்.பின்..பி.ஜே.பி., என்றவர்..சங்கராச்சாரியார் என்றவர்..அம்மாவிடம் தஞ்சம்.

மைத்ரேயனுக்குத்தான்..மைலை தொகுதி என்ற நிலையில்..ஜெ..இவருக்கு கொடுத்தார்.இரட்டை இலை சின்னம் என்பதால் வெற்றி பெற்றார்.அதுவும் எதிர்த்து போட்டியிட்ட நெப்போலியனை..குறைந்த வாக்குகள் வித்தியாசத்தில் வென்றார்.

பின்னர்...தலைமையிடம் மனக்கசப்பு...சேகர்..எப்போதும் தனக்கு சரியென்று தோன்றுவதை செய்பவர்.விளம்பரப் பிரியர்.அப்படிப்பட்டவரால்..அடிமை சாசனம் எழுதிக் கொடுத்துவிட்டு...காலில் விழும் கட்சியில் குப்பை கொட்ட முடியுமா?

விரிசல்...பெருகியது..

இந்நிலையில்.. மற்ற எம்.எல்.ஏ.,க்களை சட்டசபையில் இருந்து வெளியேற்றம் செய்தபொது..செக்யூரிட்டியினர்..இவரை விட்டு விட்டனர்.நான் திரிசங்கு நிலையில் இருக்கிறேன்..என்கிறார்.

இவர் செய்வது நியாயமா...

சேகர்....

கட்சி உங்களை ஒதுக்கினாலும்...நீங்கள் தேர்ந்தெடுக்கப்பட்டது அ.தி.மு.க., வேட்பாளராக..

ஆகவே..அக்கட்சிக்கு உண்மையாக இருக்க வேண்டும்..அவர்கள்..சட்டசபையில் எடுக்கும் முடிவுக்கு கட்டுப்பட வேண்டும்.அதை விடுத்து..தனியாய் செயல்படுவேன்..என்றால்..நீங்கள்..உங்களைத் தேர்ந்தெடுத்த மைலை வாக்காளர்களுக்கும் உண்மையாய் இல்லை என்றே ஆகிறது.

இப்படியே..அடுத்த இரு வருடங்களை ஓட்ட நினைத்தால்...சபைக்கே வராதீர்கள்.சட்டசபைக்கு வந்துதான் தீருவேன் என்றால்...நீங்கள் சார்ந்த கட்சிக்கு கட்டுப்படுங்கள்..அக்கட்சி உங்களை நிராகரித்தாலும்.

ஆது..முடியவில்லை எனில்..பதவியை ராஜிநாமா செய்யுங்கள்.பின் நடக்கும்..இடைத்தேர்தலில் போட்டியிட்டு (எந்த கட்சி சார்பாய் இருந்தாலும்) வெற்றி பெற்று...மக்கள் உங்கள் பக்கம்தான் என நிரூபியுங்கள்.

அதைவிடுத்து...சட்டசபையிலும்..நகைச்சுவையாளன் என்பதை எஷ்டாபிளிஷ் செய்ய வேண்டாம்.

இது..எந்த உள்நோக்கமோ ..கட்சியை ஆதரித்தோ எழுதப்படவில்லை.

...மைலை வாக்காளரில் ஒருவன் என்ற முறையிலும் எழுதப் பட்டது.

Wednesday, July 1, 2009

வாய் விட்டு சிரியுங்க..

1.நம்ம தலைவரோட வேட்பு மனு ஏன் நிராகரிக்கப்பட்டது?
பழக்க தோஷத்திலே வேட்பு மனுவுக்கு பதிலா முன் ஜாமீன்
மனுவை தாக்கல் பண்ணிட்டாராம்.

2.டாக்டர் என் மனைவி உட்காரவே மாட்டேன்னு சொல்லறா..
எப்பவும் நின்னுக்கிட்டேதான் இருக்கா..
அப்படியா? உன் பெயர் என்னம்மா?
அமராவதி

3.கட்சி அலுவலகத்தை தலைவர் ஏன் a \c பண்றார்?
அவர் கிட்ட எல்லாருக்கும் குளிர் விட்டுப்போச்சாம்.
4.என் பையன் போற போக்கைப் பார்த்தா கவலையாயிருக்கு..
மதிக்கவே மாட்டேன்னு சொல்றான்.
உங்களையா ?
அவன் மனைவியை

5.அலுவலகத்திற்கு நேரமாயிடுச்சுன்னு சொல்றீங்க..ஆனா
போறப்போ வெத்தலை,பாக்கு பழம் எல்லாம் எடுத்துட்டு
போறீங்களே..ஏன்?
அலுவலகத்திற்கு தாமதமாய் போனால் அதிகாரி அர்ச்சனை
பண்ணுவார்னு சொன்னாங்க..அதுக்குத்தான்... .

Twenty 20 -- ஒரு விமரிசனம்

ஏல்லோரும்..இப்ப வலைப்பக்கங்களில் சினிமா விமரிசனம் செய்ய ஆரம்பிச்சாச்சு..நாம மட்டும் சும்மா இருந்தா எப்படி.

நம்ம பங்குக்கு நாமும் ஒரு படத்தை விமரிசனம் செய்யணுமே! என்ன செய்யலாம்னு யோசனை பண்ணப்போ..Twenty 20 மலையாளப் படம் பார்க்க நேர்ந்தது.அதைப்பற்றி..

மலையாளப் படங்களில்..நம்ம ஊர் மாதிரி நடிகர்களுக்கு ஈகோ கிடையாது.இந்த படத்தில்..மது,மம்முட்டி,மோகன்லால்,ஜெயராமன்,பிருத்விராஜ்,நயன்தாரா,கோபிகா,கலாபவன் மணி என ஒரு நட்சத்திர பட்டாளமே உண்டு.

பாத்திரங்கள் அமைப்பில்..மோகன்லாலை விட சற்று கூடுதல் வெயிட் உள்ள கேரக்டர் மம்முட்டியுடையது.ஒரு பிரபல வக்கீல் பாத்திரத்தில் வருவார்.மோகன்லால்..கிட்டத்தட்ட ஒரு வில்லன் போன்ற பாத்திரம்.ஆனாலும்...நம் மனம் மோகன்லால் வெற்றி பெற வேண்டும் என்ற எண்ணத்தை தோற்றுவிக்கும் .

ஒரு ஓய்வு பெற்ற நீதிபதியின் பேரன் படிக்கும் மருத்துவக் கல்லூரியில்..ஒரு கொலை செய்துவிட்டதாகக் கைது செய்யப்படுகிறான்.அவனை விடுவிக்க அட்வகேட் மம்முட்டியின் உதவியை நாட..அவரும் தன் வாதத் திறமையால் விடுவிக்கிறார்.ஆனால்..அந்த பையனையும் மோகன்லால் கொலை செய்துவிட்டதாய் பழி வர...மோகன்லாலையும்...மம்முட்டி விடுவிக்கிறார்.

ஆனால்..நிரபராதி என்று நினைத்த மோகன்லால் தான் கொலையாளி என தெரிந்ததும்..அவரை மீண்டும் கூண்டிலேற்ற நினைக்கிறார் மம்முட்டி.இதனிடையே..நீதிபதியின்..குடும்பத்தை பழி வாங்க நினைக்கும்
போலீஸ் அதிகாரி வேறு.

..இப்படி..மோகன்லால்,மம்முட்டி,போலீஸ் அதிகாரி என ஒவ்வொருவரும்...அவர்களே அறியாமல்..ஒரே காரணத்திற்கு உழைப்பது கடைசியில் தெரிய வருகிறது.

அனேக திருப்பங்களுடன் திரைக்கதை அமைந்துள்ளது.படத்தின் இயக்குநர் ஜோஷி.

சென்ற வருஷம் வந்த இப்படம் சூப்பர் ஹிட்..

திரைக்கதை அமைப்புக்காக..இப்படத்தை..அனைவரும் பார்க்க வேண்டும்.l

Tuesday, June 30, 2009

சாரு..பைத்தியக்காரன்...நர்சிம் ..லக்கி ..நடப்பது என்ன- முழுவிவரங்கள்

கடந்த நாளைந்து நாட்களாக சாரு பற்றி ஹிட்லர் ரிட்டர்ன்ஸ் பதிவும்..தொடர்ந்து இதை சம்பந்தப் படுத்தி நர்சிம் பதிவும்..சாரு புகழ் பாடி லக்கி பதிவும் என வலைப்பக்கம் அமர்க்களப்படுகிறது.திடீரென ஏன் இப்படி ..என விவரம் புரியாதோர் மூளையை குழப்பிக் கொள்கின்றனர்.அவர்களுக்கான பதிவு இது.

தெரியாத..புரியாத..விஷயங்களில் தலையிடக் கூடாது என முன்னோர்கள் கூ றியுள்ளனர்.

எனக்கும்..இது பற்றிய விவரங்கள் தெரியாததால்..இது பற்றி என்ன எழுத முடியும்..ஆகவே வாளா இருக்கிறேன்..

நீங்களும் என்னைப் போல இருந்துவிட்டுப் போங்கள்.

பின் எதற்கு இந்த இடுகை என்கிறீர்களா..

குடிசை பற்றி எரியும்போது..தீயை அணைக்க தீ அணைப்பு வீரர்கள் ஈடுபடுவார்கள்..ஆனால்...இதில்..தீ இட்டதும் அவர்கள் அணைக்கும் பணியும் அவர்களுடையது.

ஆனால்..எவ்வளவு பேர்..வேடிக்கைப் பார்ப்பார்கள்..

அப்பணி...

ஹி...ஹி..ஹி..

சிவாஜி ஒரு சகாப்தம் - 16

1970ல் சிவாஜி நடித்து வெளிவந்த படங்கள்

எங்க மாமா
தர்த்தி (சிவந்தமண்-ஹிந்தி பதிப்பு)
விளையாட்டுப் பிள்ளை
வியட்நாம் வீடு
எதிரொலி
ராமன் எத்தனை ராமனடி
எங்கிருந்தோ வந்தாள்
சொர்க்கம்
பாதுகாப்பு

இவற்றுள் வியட்நாம் வீடு,ராமன் எத்தனை ராமனடி,எங்கிருந்தோ வந்தாள்,சொர்க்கம் ஆகிய படங்கள் 100 நாட்களுக்கு மேல் ஒடியவை.

கருப்பு..வெள்ளை படம் ஒன்று 107 அரங்கு நிறைந்த காட்சிகளாக தொடர்ந்து நடைபெற்றது வியட்நாம் வீடு படத்திற்குத் தான்.இதுவும் ஒரு சாதனை ஆகும்.மலேஷியாவில் முதன் முதலாக 100 நாட்கள் ஓடிய படம் இது.சிவாஜி நாடக மன்றத்தினரால்..சிவாஜி,ஜி.சகுந்தலா நடிக்க நாடகமாக நடிக்கப் பெற்றது இது.சாதாரண சுந்தரம்..இப்படத்திற்கு கதை, வசனம் எழுத..வியட்நாம் வீடு சுந்தரமானார்.படத்தில்..ஜி.சகுந்தலா ஏற்ற வேடத்தை பத்மினி ஏற்றார்.

இவ்வருட தீபாவளீக்கு வந்தவை..எங்கிருந்தோ வந்தாள் (பாலாஜி..தயாரிப்பாளர்) மற்றும் சொர்க்கம் (டி.ஆர்.ராமண்ணா).இரண்டு படங்களும் வெற்றி.அத்துடன் இல்லாது..வெற்றி விழாவை..இரு தயாரிப்பாளர்களும் சேர்ந்து ஒரே மேடையில் நடத்தினர்.இதுவும் சாதனை.

ராமன் எத்தனை ராமன்..பி.மாதவன் இயக்கத்தில் வந்த படம்..சிவாஜி இதில் ஒரு நடிகனாக வருவார்.

தர்த்தி..சிவந்தமண் ஹிந்தி பதிப்பு.தமிழில் முத்துராமன் ஏற்ற வேடத்தை ஹிந்தியில் சிவாஜி ஏற்றார்.

கே.பாலசந்தரும் ,சிவாஜியும் முதலும்..கடைசியுமாய் இணைந்த படம் எதிரொலி...படம் எதிர்ப்பார்த்த வெற்றி பெறவில்லை.

அடுத்த பதிவில் 1971 படங்களைப் பார்க்கலாம்.

Monday, June 29, 2009

அவள்..அவன்..அது.. (உயிரோடை..சிறுகதை போட்டி)

அவனது ஆறாம் ஆண்டு திருமணநாள்.

அவன் மனதிற்குள் அழுதுக்கொண்டிருந்தான்..ஒரு லாட்ஜின் அறையில்
படுக்கையில் புரண்டவாறு.

அவன் மனைவி அழகி..இல்லை..இல்லை..பேரழகி.இவன் அவளைப்போல
இல்லாவிடினும்...பார்க்கவாவது சுமாராய் இருப்பானா எனில் அதுவும் இல்லை.

அவள் பளீரென..அடுத்து..அடுத்து பந்துகளில் சிக்சர் அடிக்கும் ரின் தரும்
வெண்மை..இவனோ...

கருப்பு கூட அழகுதான்..கரியில் இருந்துதான்..வைரம்
பிறக்கிறது.ஆனால்..இவன் சோடா பாட்டில் கண்ணாடியோடு..முன் பற்கள்
இரண்டும் வெளியே துருத்திக் கொண்டு..கல்யாணராமன் கமலை ஞாபகப் படுத்திக்
கொண்டிருப்பான்..என்ன..கமல் இவனைவிட சிகப்பு.

தன் தாழ்வுமனப்பான்மையை மறைக்க..முதல் இரவன்று..எவ்வளவு தரக்குறைவாக
அவளிடம் நடந்துக் கொண்டான்.'இவ்வளவு அழகாய் இருக்கியே..இதுக்கு முன்னால
யாரையாவது காதலிச்சிருக்கியா? என்றான்..'யாருடனாவது படுக்கையை
பகிர்ந்துக் கொண்டிருக்கியா?' என்றான்.

அவளோ..இவனை அறிந்து..இவன் அவமதிப்புகளை பொறுத்தாள்...'இந்த உடல்
அழகுதானே...அழகுதானே..என பிரகாஷ்ராஜ் பாணியில் பேசியபடியே..மறைவிடங்களில்
சிகரெட்டால் சுட்டிருக்கிறான்.

அழகிய மனைவி ஒருவனுக்கு சத்ரு..என நண்பர்கள் வேறு அவ்வப்போது தூபம்
போட்டனர்.அவர்கள் பேச்சைக் கேட்டு....ம்ஹூம்..அவளை அப்படி சித்திரவதை
செய்திருக்கக் கூடாது.

தூக்கம் வராமல்..திரும்பி படுத்தான்..

மணி 10-30

அவள் ஞாபகமாக அன்று ஒரு பெண்ணை அனுபவித்து விட வேண்டும்..என அந்த
லாட்ஜில் அறை எடுத்தான்.ஒரு மாமாப்பையனை பிடித்தான்.அவன் 11 1/2
க்கு..ஒரு பெண்ணுடன் வருவதாகக் கூறினான்.அதற்கு முன் பழைய நிகழ்ச்சிகள்
அவன் முன் கோர நடனமாடின...

*** **** **** **** ***

அன்றும் அப்படித்தான்..அவன் முதலாம் ஆண்டு..திருமண நாள்..

அவள் அன்று தேவை..என்று..ஒப்புக்காக மல்லிகைப்பூ வாங்கிக் கொண்டு..சற்று
முன்னதாக அலுவலகம் விட்டு கிளம்பி வந்தான்..

அவன் வீட்டு தெருமுனை வந்த போது...அவன் வீட்டிலிருந்து ஒருவன்
வெளியேறுவதைக் கண்டான்.

சந்தேகம்..தலை விரித்து ஆட..அவளிடம்.."யாரேனும் தேடி வந்தார்களா?' என்றான்.

அவள் ஏதும் பேசாது அடுக்களைக்குள் நுழைந்தாள்.

அவன் நாசி...சிகரெட் புகை வாசனையை உணர்த்தியது.

குப்பைக் கூடையில்..ஒரு சிகரெட் துண்டு..பாதி அணைந்தவாறு..'மேட் ஃபார்
ஈச் அதர்' சிகரெட் அது.வந்தவனும்..அவளும் தானோ அது?

பின்..பலமுறை..இப்படி நடப்பதை அறிந்தான்.

வம்புக்கென்றே அலையும்..பக்கத்து வீட்டுக்கார பெண்மணி
ஒருத்தி..'தம்பி..நீ வேலைக்குப் போனதும்..காலைல வர்ற ஆளு...மாலைல தான்
போறான்' என்று சொன்னாள்.

கோபத்தோடு..சில கெட்ட வார்த்தைகளுடன் அவளை விசாரித்தான்...அவளும்..இவன்
சித்தரவதையை எவ்வளவு நாள் பொறுப்பாள்...'ஆமாம் நான் அப்படித்தான்
இருப்பேன்' என்று சொன்னாள்.

பிறகுதான் அந்த முடிவுக்கு வந்தான்..

**** ***** ***** ***** *****

சார்...சார்...அறைக்கதவை யாரோ தட்டினார்கள்.

எழுந்து வந்து கதவைத் திறந்தான்..

அவனுடன் ..அவள் ..நின்றிருந்தாள்..பார்க்க அவன் மனைவி போலவே
இருந்தாள்..'இவளில் அவளைக் கண்டேன்' மனம் குதூகலித்தது.

'என் தங்கைதான்..' என அசடு வழிந்தான்..உடன் வந்தவன்.. சிகரெட் புகை வாசனை
அவனிடம்...மேட் ஃபார் ஈச் அதர் வாசனை.'காலைல வரேன்..' என அவளை
விட்டுவிட்டு நகர்ந்தான்.

உள்ளே..இயந்திர கதியில் வந்தவள்...ஆடைகளை அகற்ற
ஆரம்பித்தாள்..ஏற்கனவே..அரங்கேற்றம்..ஆகி இருந்தும்..அன்றுதான்
அரங்கேற்றம் என்றாள்..அரங்கேறியது.

கைகளை அவள் மீது..போட்டபடியே உறங்கிவிட்டான்.

திடீரென...விழித்தான்..

ஒரே நாற்றம்...பிணவாடை அல்லவா..அடிக்கிறது..குமட்டல் எடுத்தது..உடல்
கருகும் நாற்றம்..

படுத்தவாறே...பக்கவாட்டில் இருந்த ஸ்விட்சைப் போட...அறையில் வெளிச்சம்
பரவியது.பக்கத்தில்...அவள் ..அமைதியாக..சிட்டுக்குருவி போல..சின்ன வாயை
சற்றே திறந்தவாறு..தூங்கிக் கொண்டிருந்தாள்.

நாற்றம் குடலை பிடுங்க..ஏதேனும் செத்துக் கிடக்கிறதா...என..கட்டிலின்
அடியில் பார்த்தான்..ஒன்றுமில்லை..

திரும்பி வந்து படுத்தான்..இப்போது..ஊதுவத்தி வாசனை..ஆனால்..பிணத்தருகே
ஏற்றப்படும்..மட்ட ஊதுவத்தி வாசனை.

சன்னல் வழியே..நிலவைப் பார்க்கமுடிந்தது...பால் நிலா...ஒளி வீசிக்
கொண்டிருந்தது. தூரத்தில்..எங்கோ நாய்கள் குரைக்கும் ஓசை..

திடீரென..அவன் முகத்தில் ஏதோ விழுந்தது..தலையணை..

அவள் அவன் முகத்தில்..தலையணை வைத்து அழுத்தினாள்...எவ்வளவு வலிமை அவளுக்கு...

'ஏய்...ஏய்..என்ன செய்கிறாய்?'

'நீ அன்னிக்கு..என்ன செஞ்சியோ..அதைத்தான் செய்யறேன்.

கைகால்களை உதறுகிறான்..கொஞ்சம்..கொஞ்சமாக..நினைவிழக்க
ஆரம்பிக்கிறது..கால்கள் விரைக்க..நாடித்துடிப்பும் அடங்குகிறது.

இதற்கும் நிலவுதான் சாட்சி.

**** ***** **** **** ****

மணி 11-30

'சார்..சார்..' என்று ரகசியகுரலில் கூப்பிட்டபடி..கதவைத்
தட்டினான்..மாமாப்பையன்..ஒரு பெண்ணுடன்.

வேலைக்குப்போன அதிபுத்திசாலி அண்ணாசாமி (நகைச்சுவை)

அதிபுத்திசாலி அண்ணாசாமி நீண்டநாட்கள் வேலைகிடைக்காது இருந்தார்.அவர் அதிர்ஷ்டம்..சென்ஸஸ் எடுக்கும் அலுவலகத்தில் வேலை கிடைத்தது.

அவரிடம் ஒரு கொஸினர் கொடுத்து...அதில் உள்ள கேள்விகளைக் கேட்டு..மக்கள் தொகை கணக்கிடும் வேலை தரப்பட்டது.

முதல் வீட்டிற்கு சென்றார்..முதல் வீட்டில் இருந்த பெண்மணியிடம் முதல் கேள்வியைக் கேட்டார்.

கேள்வி- உங்களுக்கு கல்யாணம் ஆயிடுச்சா?

பதில்- இல்லை

அடுத்து இருந்த கேள்வியைக் கேட்டார்

கேள்வி-எத்தனை குழந்தைகள்

அந்த பெண்மணி பளார் என கன்னத்தில் அறைய..அடுத்த வீட்டிற்கு வந்தார்..இம்முறை கேள்வியை மாற்றிக் கேட்க முடிவெடுத்தார்..இரண்டாம் கேள்வியை முதல் கேள்வியாகக் கேட்டார்.

உங்களுக்கு குழந்தைகள் இருக்கா

அந்த வீட்டு பெண்மணி சொன்னார்...இருக்கு...இரண்டு குழந்தைகள்.

அண்ணாசாமி அடுத்தக் கேள்வியைக் கேட்டார்..

கல்யாணம் ஆயிடுச்சா?

இங்கேயும் 'பளார்" அடி

சரி..இம்முறை மிகவும் ஜாக்கிரதையாக இருக்க எண்ணி..இரண்டு கேள்வியையும் ஒன்றாக கேட்பதாக எண்ணி..

அடுத்ததாக வந்த வீட்டு பெண்ணிடம் கேட்டார்...உங்களுக்கு கல்யாணம் ஆயிட்டு குழந்தை பிறந்ததா? குழந்தை பிறந்ததும் கல்யாணம் ஆச்சா?

இம்முறை இரண்டு கன்னத்திலும் 'பளார்'

ம்..ஹூம்..இந்த வேலை சரிவராது என..வேலையை ராஜிநாமா செய்தார்.

Friday, June 26, 2009

தேங்காய்..மாங்காய்..பட்டாணி..சுண்டல் (26-6-09)

1.பொருளாதார நெருக்கடியில் அமெரிக்கா சிக்கியுள்ள நிலையில்..கடந்த இரண்டு ஆண்டுகளில்..அந்த நாட்டைச் சேர்ந்த 143 நிறுவனங்களை இந்தியாவை சேர்ந்த நிறுவனங்கள் வாங்கிப் போட்டுள்ளனவாம்.இதனால் பல்லாயிரக் கணக்கான அமெரிக்கர்களுக்கு வேலை பறிபோவது தடுக்கப் பட்டுள்ளதாம்.இந்திய தொழில்துறை கூட்டமைப்பு.எப்.ஐ.சி.சி.ஐ.,மற்றும் எர்னஸ் அண்ட் யங்க் ஆகிய அமைப்புகள் வெளியிட்டுள்ள அறிக்கையில் இத் தகவல்கள் கொடுக்கப்பட்டுள்ளன.

2.விஜய் கட்சி ஆரம்பிப்பது இருக்கட்டும்.அவரது தந்தை இயக்கும் ஒரு படத்துக்கு புது முகங்கள் தேவை என விளம்பரம் கொடுத்து..நேர்முகத் தேர்வு திண்டுக்கல் ஸ்டார் ஓட்டல் ஒன்றில் நடந்ததாம்.அதில் கலந்துக் கொண்டோர்...இஞ்சினீயர்கள்,கம்ப்யூட்டர் பர்சனல்ஸ்,எம்.பில்.படித்தவர்கள் ஆகியோர்.

3.போகிறப் போக்கில் சுப்ரமணிய சாமியை தோற்கடித்து விடுவார் போலிருக்கிறது..காமெடி வேலைகளில் தங்கபாலு. ஏற்கனவே தமிழகத்தில் காங்கிரஸ் ஆட்சி நடந்திருக்கிறது..இனியும் தனித்து ஆட்சி செய்யும் தகுதியும் அதற்கு உண்டு..என்று பேச ஆரம்பித்துள்ளார்.

4.இரண்டு கோடி ரூபாய் வரதட்சணை பணம் தந்தும் போதாமல் வரதட்சணையாக பல கோடி ரூபாய் பங்களாவை எழுதித் தரும்படி கேட்ட கோடீஸ்வர தந்தை,மகன் ஆகியோர் கைது செய்யப்பட்டுள்ளனர்.
இருவரும் மாவட்ட நீதிபதிகள்.ஹைதராபாத்தைச் சார்ந்த நரசிம்ம ராவ்..மெஹபூப் நகரில் மாவட்ட கூடுதல் நீதிபதி.இவர் மகன் கிரண்குமார் அனந்தப்பூர் மாவட்ட சிவில் நீதிபதி.இவருக்கு 2005ல் திருமணம்னடந்தது.இரண்டு கோடி வரதட்சணை வாங்கியும்...மேலும் கேட்டு மகன்..தந்தை..தாய் ஆகியோர் மருமகள் சசிகலாவைக் கொடுமைப்படுத்தியுள்ளனர்.பின் போலீஸில் சசிகலா புகார்தர..அவர்கள் நீதிபதிகள் என்பதால்..புகாரை வாங்க மறுத்துள்ளனர்.பின்னர் ஹைகோர்ட் பதிவாளர் அனுமதி பெற்று..புகாரை எடுத்தனர்.தந்தை,தாய்,மகன் மூவரும் கைது செய்யப்பட்டனர்.

5. ஒரு ஜோக்
அவன் பகுத்தறிவாதின்னு எப்படி சொல்ற
பிரமோஷன் கிடைச்ச உடன் குலதெய்வ கோவிலுக்கு ரகசியமா போயிட்டு வந்தானே

Thursday, June 25, 2009

பிரபல பதிவர்களும்...பின்னூட்டங்களும்..

தினமும் ஒரு பதிவு போடவே நாக்கு நமக்கெல்லாம் வெளியே தள்ளிடுது.இதுல மத்தவங்க பதிவை எல்லாம் படிச்சு பின்னூட்டம் இட ஏது நேரம்..

நாம பிறர் பதிவை படிச்சாத்தானே..நம்ம பதிவையும் சிலர் படிப்பாங்க..

ஆனால் ..சில பிரபல பதிவர்கள் பதிவையும் போட்டு...மற்ற பதிவுங்களுக்கு பின்னூட்டமும் போடறாங்களே...அதன் ரகசியம் என்ன ..

நாம அமைச்ச கமிட்டி...இதை விசாரித்து..இன்னிக்கு ஒரு அறிக்கை தாக்கல் செய்திருக்கு..அதன் விவரம்..

கலக்கல்

நச்

சூப்பர் தல

நல்ல பதிவு சகா

மச்சான் இப்படி பார்த்ததே இல்ல

டவுசரை கிழிச்சுட்டே

இப்படி அவங்க கம்ப்யூட்டர்ல தயாரா ஒன் லைன்ல நிறைய போட்டு வைச்சிருக்காங்க..ஒருவர் பதிவு போட்டதுமே...உடனே போட்டு வைத்துள்ள..நிரந்திர பின்னூட்டத்தை பதிவை படிக்காமலேயே கட் அண்ட் பேஸ்ட் பண்ணி போட்டுடுவாங்க..

நாமும்...அடடா..எவ்வளவு நேரம் செலவழிச்சு..எவ்வளவு பெரிய பதிவர்..நம்ம பதிவை படிச்சு பாராட்டி பின்னூட்டம் போட்டிருக்காங்கன்னு மகிழ்ச்சி அடைவதுடன்..அவங்க பதிவை எல்லாம் மாங்கு..மாங்குன்னு படிச்சு பின்னூட்டம் இடுவோம்.

ஆனால்..அவங்களுக்கு வேண்டப்பட்ட பதிவர்னா...பக்கம் பக்கமா..பாராட்டி, ஆலோசனை சொல்லி பின்னூட்டம் இடுவாங்க.இன்னும் கொஞ்ச நாள்ல அந்த பதிவர்ங்க பதிவு போடறதுக்கு முன்னாலேயே, பதிவை பாராட்டி 50 . 60 பின்னூட்டங்கள் வந்தாலும்..வரக்கூடும்.

அது சரி..புது பதிவர்கள் பதிவுக்கும்..இவங்க பின்னுட்டம் வருதேன்னா...அவங்க பதிவுக்கு வர பின்னூட்டத்தைப் பாருங்க..பெரும்பாலும்..ரொம்ப சிரமம் எடுத்துக் கிட்டு :-)))ன்னு போட்டுடுவாங்க.

இப்ப..நமெக்கெல்லாம் எப்படி பின்னூட்டம் வருதுன்னு புரிஞ்சு போச்சா..

படிச்சுட்டு..நீங்க ஓட்டைப் போடலேன்னாலும்..:-)) ன்னாவது ஒரு பின்னூட்டம் போட்டுடுங்க.

Wednesday, June 24, 2009

அந்த கிரகமும்..அதன் மக்களும்.. (சிறுகதை)

அந்த கிரகத்தில் அரைகுறையாக ஆடை அணிந்திருந்த ஒரு பெண்ணைச்சுற்றி..ஒரு கூட்டம்
வேடிக்கைப் பார்த்துக்கொண்டிருப்பது போல ..சேட்டிலைட் மூலம் எடுக்கப் பட்டிருந்த புகைப்படத்துடன்
செய்தி ஒன்று அன்றைய செய்தித் தாள்களில் வந்திருந்தது.
அத்துடன் அந்த கிரகத்தில் தண்ணீர் இருப்பதற்கான சத்தியக்கூறுகள் இருப்பதாகவும்..உயிர்கள்
வாழ்வதாகவும் விஞ்ஞானிகள் கூறி இருந்தனர்.
விண்வெளி ஆராய்ச்சி நிலைய அதிகாரிகள்..அடுத்ததாக உயிருள்ளவர்களை அந்த கிரகத்திற்கு அனுப்பி
வைக்க உள்ளதாகவும் தெரிவித்திருந்தனர்.
இவர்களின் இந்த கண்டுபிடிப்புக்கு ஜனாதிபதி,பிரதமர் முதல் குப்பன்..சுப்பன் வரை பாராட்டு
தெரிவித்திருந்தனர்.
சில வல்லரசு நாடுகள் இந்த கண்டுபிடிப்புக்கு எதிர்ப்பு தெரிவித்தனர்.
ஆனால் இவற்றையெல்லாம் பொருட்படுத்தாமல்..விஞ்ஞானிகள் மேற்கொண்டு ஆராய்ச்சியில்
ஈடுபடலாயினர்.
பத்து விண்வெளி வீரர்களுக்கு கடும் பயிற்சி அளிக்கப்பட்டு...நான்கு பேர் தேர்ந்து எடுக்கப்பட்டனர்.
அதில் சாதனா சாவ்லா என்று ஒரு பெண்ணும் இருந்தார்.
நாட்டின் பொருளாதார நிலை சரியாய் இல்லாததாலும்..பணவீக்கம் அதிகரித்து வருவதாலும்..
மேற்கொண்டு ஆராய்ச்சிகளுக்கு பண ஒதுக்கீடு செய்வதில் சிக்கல் இருப்பதாக நிதி அமைச்சர்
பட்டினியார்...தெரிவிக்க..அதற்கு பெரும் எதிர்ப்பு கிளம்பியது.
அரசுக்கு ஆதரவு அளித்து வந்த சில கட்சிகள்..ஆதரவை..வாபஸ் வாங்கப்போவதாகவும்..அவர்கள்
தொடர்ந்து ஆதரவு அளிக்க வேண்டுமென்றால்..விண்வெளி ஆராய்ச்சிக்கு தேவையான பணம்
ஒதுக்க வேண்டும் என்றும்..நிதி அமைச்சர் பட்டினியார் பதவி விலக வேண்டும் என்றும் நிபந்தனைகள்
விதித்தனர்.
என்ன செய்வது என்று தெரியாமல்..பிரதமர் தன் தலைப்பாக்குள் கையை விட்டு முடியை பிய்த்துக்
கொண்டார்.கட்சித் தலைவர் மானியா..விண்வெளி ஆராய்ச்சிக்கு...தடை இல்லை என்றும்..
தொடர்ந்து நிதி ஒதுக்கப் பட்டு..திட்டமிட்டப்படி வீரர்கள் அனுப்பப்படுவர் என்றும் கூறி
தற்காலிகமாக ஆட்சியை காப்பாற்றினார்.
நான்கு வீரர்களுடன் விண்கலம் புறப்படும் நாள் வந்தது.விண்வெளி விஞ்ஞானி சங்குண்ணி
மிகவும் பதட்டத்துடன் காணப்பட்டார்.
10..8...7..6..5..4..3..2..1..0..
உஷ் என கலம் புகையைக் கக்கிக்கொண்டு பறந்தது.
**** ***** ***** *****
இரண்டு மாதம் தன் பயணத்தை முடித்துக்கொண்டு..சில புகைப்படங்களை அனுப்பிய வீரர்கள்
திரும்பினர்.
அவர்கள் பின் அளித்த அறிக்கை..

'நாங்கள் போன இடம் பூமி எனப்பட்டது.அதில் மக்கள் வாழ்கிறார்கள்.மூன்று பாகம் கடல்..ஒரு பாகம் நிலம்.
நாங்கள் இறங்கிய இடத்தில் மக்கள் கூட்டம் கூட்டமாய்..தியேட்டர் எனப்படும் இடத்தில் கூடுகின்றனர்.
வறுமையில் வாடினாலும்..ஒலி,ஒளி நிகழ்ச்சியான இவற்றுக்கு மக்கள் பணத்தை செலவழிக்க தயங்குவதில்லை.
அரைகுறையாக உடை உடுத்தியுள்ள நடிகைகளை பார்ப்பதிலும்..தனக்குப் பிடித்த நடிகர்களுக்கு பால்..பீர் போன்ற
திரவ பொருள் கொண்டு அபிஷேகம் செய்யவும் இவர்கள் தயங்குவதில்லை.இந்த பகுதிக்கு தமிழ்நாடு என்கிறார்கள்.
அவர்கள் பேசும் மொழி தமிழ்.இதுபோல பல மொழி பேசுபவர்கள் மற்ற இடங்களிலும் இருக்கிறார்களாம்.
தண்ணீருக்கு இவர்கள் மாற்றி...மாற்றி..அடித்துக் கொள்கிறார்கள்.
இப்படி இவர்கள் அறிக்கை நீண்டுக்கொண்டே போகிறது.
அவை அனைத்தும்..செவ்வாய் கிரக பத்திரிகைகளில் செய்தியாக வெளிவந்தன.
உடன்...நமீதாவின் ஒரு குத்தாட்ட புகைப்படமும் பிரசுரமாகி இருந்தது.

(மீள்பதிவு)

Tuesday, June 23, 2009

வாய் விட்டு சிரியுங்க..

1.முன்னால ஈ ஓட்டிக்கிட்டு இருந்த உன் வியாபாரம் இப்ப எப்படி இருக்கு
ஈ மெயில் ஓட்டிக்கிட்டு இருக்கு இப்ப..

2.எங்க ஆஃப்ஸ்ல யார் தப்பு பண்ணினாலும் வீட்டுக்கு அனுப்பிடுவாங்க
அப்போ..நீங்க இப்ப வேலை இல்லாமலா இருக்கீங்க

3.டாகடர் அந்த நோயாளிக்கு வயிற்றுப்போக்கு
நல்லவேளை..இன்னிக்கு வயிற்றுப்பிழைப்புக்கு என்ன செய்யறதுன்னு நினைச்சுக்கிட்டு இருந்தேன்.

4.அந்த டாக்டர் நல்லவர்னு எப்படி சொல்ற
தலைவலின்னு போனேன்..பிளட் டெஸ்ட்,சி.டி.ஸ்கேன், எக்ஸ்ரே இப்படி எதுவும் எடுக்க வேண்டாம்..ஏற்கனவே ஒருத்தருக்கு எடுத்த ரிபோர்ட் இருக்கு..அதை யூஸ் பண்ணிக்கிறேன்னு உங்களுக்கு செலவு குறையும்னு சொல்லிட்டார்.

5.என் மாமியாரை நாய் கடிச்சுடுத்து
இப்ப..நாய் எப்படி இருக்கு

6.உன் பையன் ஒரு ரூபா காயினை விழுங்கிட்டான்னு சொன்னியே..அப்பறம் என்ன ஆச்சு
டாக்டருக்கு 500 ரூபா கொடுத்து..ஒரு ரூபாயை மீட்டேன்.